Խուլիո Մեդեմ

Խուլիո Մեդեմ; Խուլիո Մեդեմ Լաֆոնտ Սանխուան Մենդիզաբալ
Ծնվել է	հոկտեմբերի 21, 1958 (65 տարեկան)
Ծննդավայր	Սան Սեբաստիան, Իսպանիա
Կրթություն	Բասկյան երկրի համալսարան
Քաղաքացիություն	Իսպանիա
Գործունեության տարիներ	1974 թ.-ից մեր օրեր
Ազգություն	իսպանացի
Մասնագիտացում	ռեժիսոր
Ոճ(եր)	իսպանական արտ-հաուս, էրոտիկ դրամա
Պարգևներ	«Գոյա» մրցանակ (1993 թ.), Կաննի կինոփառատոնի երիտասարդ ժյուրիի մրցանակ
IMDb	ID 0575523
	www.juliomedem.org

Խուլիո Մեդեմը (անգլ.՝ Julio Medem, հոկտեմբերի 21, 1958(1958-10-21)^[1], Սան Սեբաստիան, Գիպուսկոա, Բասկերի երկիր, Իսպանիա^[2]), իսպանացի կինոռեժիսոր, սցենարիստ, օպերատոր և դերասան։

Կենսագրություն

Խուլիո Մեդեմը ծնվել է 1958 թվականի հոկտեմբերի 21-ին Իսպանիայի Սան Սեբաստիան քաղաքում (Բասկերի երկիր)։ 1985 թվականին ավարտել է Բասկերի երկրի համալսարանը, որտեղ սովորել է բժշկություն և ընդհանուր վիրաբուժություն։ Դեռ ուսանող չդարձած նա սկսել է համագործակցել «La Voz de Euskadi» թերթի հետ, որտեղ ունեցել է կինոյի իր բաժինը, բացի այդ նաև եղել է կինոյի և հեռուստատեսության մասին մի շարք հոդվածների հեղինակ և համահեղինակ այլ թերթերի և ամսագրերի համար, այդ թվում և՝ «Cinema 2002»-ում։ 1975 թվականից նա սկսել է մի քանի էքսպերիմենտալ ֆիլմեր նկարել «Super-8» ֆոտոխցիկով, որի արդյունքում ստեղծվել են մի շարք կարճամետրաժ ֆիլմեր։ 1985 թվականին կինոգործիչը սկսել է ֆիլմեր նկարել 35 միլիմետրանոց ֆոտոխցիկով, իսկ 1991 թվականին կայացել է նրա առաջին ֆիլմի՝ «Կովերի» պրեմիերան։ Ֆիլմը ցուցադրվել է Տոկիոյի, Թուրինի, Ալեքսանդրիայի կինոփառատոների ժամանակ^[3]։ Նրա հաջորդ 2 ֆիլմերը՝ «Հողը» (1993 թ.) և «Կարմիր սկյուռիկը» (1996 թ.) ցուցադրվել են Կաննի կինոփառատոնի ժամանակ։ «Կարմիր սկյուռիկը» կինոփառատոնի ժամանակ արժանացել է երիտասարդ ժյուրիի մրցանակին և Ժերերմորի ֆանտաստիկ ֆիլմերի միջազգային կինոփառատոնի ժյուրիի հատուկ մրցանակին։ 1999 թվականին որոշ դադարից հետո էկրան է բարձրանում Մեդեմի «Բևեռային շրջանի սիրահարները», իսկ 2001 թ.-ին՝ «Լուսիան և սեքսը»։ 2000 թվականին ավտովթարի ժամանակ զոհվում է ռեժիսորի քույրը՝ Աննա Մեդեմը. նա գնում էր իր նկարների ցուցահանդեսին։ 2007 թվականին Խուլիո Մեդեմը նկարահանում է ֆիլմ նվիրված քրոջը՝ «Քաոսային Աննան»։ Ֆիլմում օգտագործվել են Աննայի նկարները^[4]։

Ֆիլմագրություն

Գեղարվեստական ֆիլմեր

Խաղարկային ֆիլմեր

Արվեստների շարժումը։ (Moving the Arts), 2010
Սենյակ Հռոմում։ (Habitación en Roma), 2009
Քաոսային Աննան։ (Caótica Ana), 2007
Լուսիան և սեքսը։ (Lucía y el sexo aka Sex and Lucia), 2001, «Գոյա» մրցանակի 2 նոմինացիա
Բևեռային շրջանի սիրահարները (Los amantes del círculo polar aka The Lovers of the Arctic Circle), 1998
Հողը։ (Tierra aka Earth), 1996
Կարմիր սկյուռիկը։ (La ardilla roja aka The Red Squirrel), 1993
Կովեր։ (Vacas aka Cows), 1991

Դոկումենտալ ֆիլմեր

Բասկբոլլ։ Մաշկն ընդդեմ քարի։ (La pelota vasca։ la piel contra la piedra aka The Basque Ball։ Skin Against Stone), 2003-«Գոյա» մրցանակի նոմինացիա

Super 8 և 35մմ ֆիլմեր

Մարտին։ (Martín), 1988
ՈՒղիղ վեցին։ (Las seis en punta aka Six on the Dot), 1987
Թաթերը գլխին։ (Patas en la cabeza), 1985
Եթե ես պոետ լինեի։ (Si yo fuera poeta aka If I Were a Poet), 1981
Անցած հինգշաբթի։ (El jueves pasado aka Last Thursday), 1977
Կույրը։ (El Ciego), 1974

Հետաքրքիր փաստեր

Խուլիո Մեդեմի «Հողը» ֆիլմում գլխավոր դերում պիտի խաղար Անտոնիո Բանդերասը, բայց նրա ԱՄՆ-ից ժամանումը հետաձգվեց և ֆիլմում խաղաց Կարմելո Գոմեսը։
1977 թվականին Խուլիո Մեդեմը ստեղծել է իր կինոստուդիան՝ «Alicia produce» անունով։ Ստուդիայի անունը դրվել է ի պատիվ Մեդեմի երկրորդ դստեր՝ Ալիսիի։
Խուլիո Մեդեմը հանդիսանում է «Ես նույնպես» ֆիլմի պրոդյուսերը, որը նկարել են Ալվարո Պաստորը և Անտոնիո Նախասը «Alicia produce» կինոստուդիայում։

Ծանոթագրություններ

↑ Munzinger Personen (գերմ.)
↑ ^2,0 ^2,1 http://www.debate.org/reference/sex-and-lucia
↑ Diego Galán. 'Vacas', el primer largometraje de Julio Medem, El País, 11.06.2004; acceso 02.11.2012
↑ Victoria Cardiel. Julio Medem convierte en novela el guion que no pudo llevar a la gran pantalla Արխիվացված 2012-07-01 Wayback Machine; Cadena SER, 20.03.2012; acceso 02.11.2012

Արտաքին հղումներ

Աղբյուրներ

Վիքիպահեստն ունի նյութեր, որոնք վերաբերում են «Խուլիո Մեդեմ» հոդվածին։

[_de1d6e6a34f73bda-1] Munzinger Personen (գերմ.)

[_7e6ea76474b52513-2] 2,0 ^2,1 http://www.debate.org/reference/sex-and-lucia

[3] Diego Galán. 'Vacas', el primer largometraje de Julio Medem, El País, 11.06.2004; acceso 02.11.2012

[4] Victoria Cardiel. Julio Medem convierte en novela el guion que no pudo llevar a la gran pantalla Արխիվացված 2012-07-01 Wayback Machine; Cadena SER, 20.03.2012; acceso 02.11.2012

[1]

[2]

[3]

[4]