Խատուտիկներ (նկար)

«Խատուտիկներ» (ռուս.՝ Одуванчики), ռուս գեղանկարիչ, «տրամադրության բնանկարի» վարպետ Իսահակ Լևիտանի նկարներից։ Հեղինակը կտավը վրձնել է 1889 թվականին։ Յուղաներկով կտավի չափերն են՝ 59 × 42,5 սմ։

Խատուտիկներ
տեսակ	գեղանկար
նկարիչ	Իսահակ Լևիտան
տարի	1889
բարձրություն	59 սանտիմետր
լայնություն	42,5 սանտիմետր
գտնվում է	Chuvashian State Arts Museum?
հավաքածու	Chuvashian State Arts Museum?
Ծանոթագրություններ

Այսօր «Խատուտիկներ» ստեղծագործությունը պահպանվում և ցուցադրվում է Չուվաշիայի գեղարվեստի պետական թանգարանում (Չեբոքսարի, Չուվաշիա, Ռուսաստան)։

Պատմություն

«Խատուտիկներ» ստեղծագործությունը հեղինակը վրձնել է 1889 թվականին, երբ գտնվում էր Վոլգայի ափամերձ Պլյոս քաղաքում։ Այդ ժամանակ նրա հետ էր ապրում նաև ուսանողուհին՝ Սոֆյա Կուվշիննիկովան։ Զբոսանքից հետո նրանք ծաղիկներ էին բերում և ստեղծում նատյուրմորտներ։

ՄԻնչև 1921 թվականը «Խատուտիկներ» կտավը գտնվել է մասնավոր հավաքածուում, սակայն հետո պետականացվել է։

1921 թվականին կտավը փոխանցվել է Չուվաշիայի կենտրոնական թանգարանին։

2010 թվականին նկարը ցուցադրվել է Տրետյակովյան պատկերասրահում և այնտեղ է մնացել մինչև 2011 թվականի մարտի 20-ը։

2018 թվականի հունիսին այս ստեղծագործությունը ռեստավրացիայի են ենթարկել Ի․ Է․ Գրաբարի անվան համառուսական գեղարվեստական գիտառեստավրացիոն կենտրոնում։

Նկարագիր

Մոխրագույն ֆոնին հեղինակը պատկերել է վառ երանգի խատուտիկներ։ Դրանք ունեն ոչ միայն դեղին ծաղիկներ, այլև սերմերով սպիտակ գլխիկներ։ Խատուտիկները դրված են կավե անոթի մեջ։

Արտաքին հղումներ

• До весны
• Шедевры ЧГХМузея, в телесюжете Телеканала "Россия-Культура Արխիվացված 2018-06-17 Wayback Machine

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Խատուտիկներ (նկար) կատեգորիայում։