Լևոն Օսիպով
Լևոն Սուրենի Օսիպով (1936, Թբիլիսի, Վրացական ԽՍՀ, ԽՍՀՄ), վրացահայ նկարիչ, խեցեգործ։ Վրացական ԽՍՀ վաստակավոր նկարիչ։
Լևոն Օսիպով | |
|---|---|
| Ծնվել է | 1936 |
| Ծննդավայր | Թբիլիսի, Վրացական ԽՍՀ, ԽՍՀՄ |
| Քաղաքացիություն |  ԽՍՀՄ |
| Կրթություն | Երևանի պետական գեղարվեստա-թատերական ինստիտուտ (1961) |
| Մասնագիտություն | նկարիչ և խեցեգործ |
| Պարգևներ | |
Կենսագրություն
խմբագրելԼևոն Օսիպովը ծնվել է 1936 թվականին, Թբիլիսիի Հավլաբար թաղամասում՝ Սուրեն Օսիպովի և Մարիա Օսիպովայի (Խալաթյան) ընտանիքում։ Սովորել է Թբիլիսիի Էլիայի թաղամասի թիվ 86 դպրոցում, որն ավարտելուց հետո մեկնել է Երևան։ 1961 թվականին ավարտել է Երևանի գեղարվեստա-թատերական ինստիտուտի ճարտարապետության և քանդակագործության ֆակուլտետը։ Դասավանդել է Երևանի պոլիտեխնիկական ինստիտուտի խեցեգործության տեխնոլոգիայի ֆակուլտետում։
Ձևավորել է Սոչիի «Մոսկվա» հյուրանոցը, Թբիլիսիի մետրոյի «Իսանի» կայարանում տեղակայված «Թամար թագուհու որսը» պաննոն, Կիևի «Բարեկամություն» հյուրանոցը։ Նրա ստեղծած պաննոները զարդարում են Մոսկվայի, Երևանի, Սարատովի, Բաքվի և այլ քաղաքների փողոցներ։ Օսիպովի պատրաստած խեցե սկահակը դրված է Ֆիդել Կաստրոյի նստավայրում։
Ստեղծագործությունները գտնվում են Ռուսաստանի, Հայաստանի, Լատվիայի թանգարաններում, ինչպես նաև ԱՄՆ-ի, Կանադայի, Կուբայի մասնավոր հավաքածուներում[1]։
Ցուցահանդեսներ
խմբագրել- Անհատական ցուցահանդես Վրաստանի Հայարտուն մշակութային կենտրոն, 2011[2][3]
- 2021 թվականի հոկտեմբերի 4-ին տեղի է ունեցել «Արցախը դեմքերով» շուրջ 70 ֆոտոնկարների ցուցահանդեսի բացումը Ստեփանակերտի պատկերասրահում[4]։
Ընտանիք
խմբագրել- Կինը՝ Անժելա Պետրոսյան
- Որդի Կարեն Օսիպով
- Դուստր՝ Մարիաննա Օսիպովա
Ծանոթագրություններ
խմբագրել- ↑ «ԼԵՎՈՆ ՕՍԻՊՈՎ. «ՈՉ ԹԵ ԱՇԽԱՏԱՆՔՆ Է ԻՆՁ ՈՐՈՆՈՒՄ, ԱՅԼ ԵՍ՝ ՆՐԱՆ»». Արխիվացված է օրիգինալից 2016-03-04-ին. Վերցված է 2015-10-02-ին.
- ↑ «Թբիլիսիում կայացավ Լևոն Օսիպովի կերամիկական աշխատանքների ցուցահանդեսը». Արխիվացված է օրիգինալից 2016 թ․ մարտի 4-ին. Վերցված է 2015 թ․ հոկտեմբերի 2-ին.
- ↑ Թբիլիսիում կայացել է Լեւոն Օսիպովի խեցեգործական աշխատանքների ցուցահանդեսը
- ↑ «В Степанакерте открылась выставка работ Левона Осепяна «Арцах в лицах»». Общество Русско-Арцахской дружбы (ռուսերեն). Վերցված է 2021 թ․ հոկտեմբերի 4-ին.