Լևոն Շարաֆյան

Լևոն Սերգեյի Շարաֆյան (փետրվարի 17, 1947(1947-02-17), Երևան, Հայկական ԽՍՀ, ԽՍՀՄ), հայ դերասան, ՀԽՍՀ վաստակավոր արտիստ (1987)։

Լևոն Սերգեյի Շարաֆյան
Ծնվել է	փետրվարի 17, 1947 (73 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի պետական գեղարվեստաթատերական ինստիտուտ (1970)
Քաղաքացիություն	ԽՍՀՄ
Ազգություն	հայ
Մասնագիտություն	Դերասան
Ամուսին(ներ)	Ռուզան Մուրադյան
Երեխա(ներ)	Միքայել Շարաֆյան
Պարգևներ և մրցանակներ

Կենսագրություն

1965-1970 թվականներին սովորել է Երևանի գեղարվեստա-թատերական ինստիտուտի դերասանական և ռեժիսորական բաժիններում։ 1970-1972 թվականներին աշխատել է Կիրովականի Աբելյանի անվան պետական թատրոնում։ Բեմադրել է Ուստնովի և Տաբակովի «Ձյունանուշիկն ու 7 թզուկները», Պապայանի «Երևանյան վարդեր», Ֆրանկի «Շրջադարձ» պիեսները։ 1972-2001 թվականներին եղել է Երևանի Հրաչյա Ղափլանյանի անվան դրամատիկական թատրոնի դերասան։ 2001 թվականից բնակվում է ԱՄՆ-ի Լոս Անջելես քաղաքում։ 2016 թվականից Հայաստանի ազգային մշակութային հեռուստաընկերության մրցանակաբաշխության մասնագիտական ժյուրիի անդամ է։

Դերերը թատրոնում

• «Համլետ»` Պոլոնիուս
• «Ռոﬔո և Ջուլետ»` Կապուլետ
• «Կարﬕր և սպիտակ վարդեր»` Բոֆֆորտ
• «Ռիչարդ 3-րդ»` Հաստինգս
• «Հուլիոս Կեսար»` Անտոնիուս
• «Ավտոբուս»` Խելացի
• «Մեծ լռություն»` Ողուզ Բեյ
• «Հիսուս Նազովրեցի»` Կայափա
• «Չաօ»` Մարտինե
• «Մեծապատիվ մուրացկաններ»` Մանուկ աղա
• «Մոռանալ Հերոստրատին»` Տիսսաֆերն

Դերերը ֆիլմերում

• «Հեղկոﬕ նախագահը»
• «Կյանքի լավագույն կեսը»
• «Շնչառություն»
• Որտե՞ղ էիր, մարդ աստծո
• Քանի դեռ ապրում ենք…
• «Աստղային ամառ» (Սուրեն)
• «Մենավոր ընկուզենի»
• «Կարոտ»
• «Լաբիրինթոս»
• «Կիսակայարան»
• «Մեր բակը»
• «Էմիգրանտներ»
• «Լոս»
• «Մեղավորներ»
• «Բացի՛ր աչքերդ»

Ընտանիք

• Կինը՝ Ռուզան Մուրադյան (1984, ապրիլի 26 ) (1 երեխա)
• Կինը՝ Նելլի Դանիելյան (1969 - 1972) (2 երեխա)
• Որդին՝ Արման Շարաֆյան
• Որդին՝ Արթուր Շարաֆյան
• Որդին՝ Միքայել Շարաֆյան