Բացել գլխավոր ցանկը

Լևոն Բարսեղյան (լրագրող)

հայ լրագրող և քաղաքական գործիչ
HS Disambig.svg Անվան այլ կիրառումների համար տե՛ս՝ Լևոն Բարսեղյան (այլ կիրառումներ)

Լևոն Ալբերտի Բարսեղյան (հունվարի 18, 1967(1967-01-18), Լենինական, Հայկական ԽՍՀ, ԽՍՀՄ), հայ լրագրող, հասարակական գործիչ, հրապարակախոս։

Լևոն Բարսեղյան
Գյումրի համայնքի ավագանու անդամ, Ժուռնալիստների «Ասպարեզ» ակումբի խորհրդի նախագահ, գրող, հրապարակախոս
 2012 թվականից
 
Կուսակցություն՝ անկուսակցական, անարխիստ
Կրթություն՝ Երևանի պետական համալսարան
Մասնագիտություն՝ լրագրող և քաղաքական գործիչ
Ազգություն հայ
Ծննդյան օր հունվարի 18, 1967(1967-01-18) (52 տարեկան)
Ծննդավայր Լենինական, Հայկական ԽՍՀ, ԽՍՀՄ
Քաղաքացիություն Flag of Armenia.svg Հայաստան
 
Կայք՝ asparez.am

ԿենսագրությունԽմբագրել

Լևոն Բարսեղյանը ծնվել է 1967 թվականի հունվարի 18-ին՝ ներկայիս Գյումրի քաղաքում։ 1982 թվականին ավարտել է Լենինականի նկարչական դպրոցը, 1984 թվականին՝ Լենինականի N 9 միջնակարգ դպրոցը։ 1985 - 1987 թվականներին ծառայել է ԽՍՀՄ զինված ուժերում: 1987 թ. սեպտեմբերին ՌՍԽՍՀ Գերագույն խորհրդի նախագահության կողմից պարգեւատրվել է Բայկալ-Ամուրյան մայրուղու շինարարության համար մեդալով: Սովորել է Երևանի պետական համալսարանում և ստացել է երկու մասնագիտական որակավորում (երկրաբան-երկրաֆիզիկոս և լրագրող-ֆոտոթղթակից): 1989-1991 թվականներին աշխատել է Գիտահետազոտական լեռնամետալուրգիական ինստիտուտում (ԳՀԼՄԻ) որպես կրտսեր գիտաշխատող: 1991-1992 թվականներին աշխատել է Հայկաձոր գյուղում (այժմ՝ Շիրակի մարզում) որպես աշխարհագրության եւ պատմության ուսուցիչ։ Այնուհետև աշխատել է մեդիա ոլորտի տարբեր ընկերություններում՝ զբաղեցնելով տարբեր հաստիքներ. 1992-1994 թվականներին Գյումրու «Ցայգ» ՀԸ՝ լրագրող, խմբագիր, փոխտնօրեն, 1995-2002 թվականներին. «Շանթ» ՀՌԸ եւ «Շանթ» շաբաթաթերթ՝ լրագրող, հաղորդավար, խմբագիր, ռադիոկայկանի տնօրեն եւ շաբաթաթերթի գլխավոր խմբագիր, 1995-1998 թվականներին «ՏՄ» ռադիոկայան՝ խմբագիր, հաղորդավար: 1999 - 2000 թվականներին[1] մի խումբ անձանց հետ հիմնադրել է Ժուռնալիստների «Ասպարեզ» ակումբ հասարակական կազմակերպությունը և մինչ օրս որոշակի ընդմիջումով[2] այդ կազմակերպության խորհրդի նախագահն է։

2012 թվականին մեծամասնական համակարգով ընտրվել է Գյումրի համայնքի ավագանու անդամ։ Գյումրու ավագանու անդամ է եղել 2012-2016 թվականներին:

2016 թվականի հոկտեմբերի 2-ին «ԳԱԼԱ» կուսակցության համամասնական ցուցակով է ընտրվել, սակայն լիազորությունները չի ստանձնել մինչև 2017 թ. ամառը (3 կուսակցությունների համատեղ ընդունված որոշման համաձայն)[3]: «ԳԱԼԱ», ԲՀԿ և ՀՎԿ կուսակցությունների կողմից Գյումրու ավագանու նիստերի բոյկոտի ավարտից հետո ավագանու անդամի լիազորությունները ստանձնել է 2017 թ. սեպտեմբերից:

Խաղաղ ցույցերին մասնակցելու ժամանակ ձերբակալվել է Գյումրիում 2008 թ. մարտի 2-ին (Երևանում 2008 թ. մարտի մեկի գիշերը ցուցարարների սպանության առթիվ կազմակերպված պիկետի ժամանակ), Երևանում՝ 2011 թվականի սեպտեմբերի 21-ին (Հայաստանի անկախության 20-րդ տարեդարձին նվիրված ռազմաշքերթում օտար երկրների զորքերի եւ օտար դրոշների առկայության դեմ կազմակերպված պիեկտի ժամանակ), 2013 թ. դեկտեմբերի 2-ին (Հայաստան ՌԴ նախագահ Վ.Պուտինի այցելության օրը կազմակերպված բողոքի ցույցի ժամանակ), 2015 թ. հունիսի 23-ին (Էլեկտրաէներգիայի սակագնի բարձրացման դեմ կազմակերպված ցույցերի ժամանակ), 2016 թ. հուլիսի 17-ին (Ոստիկանության Էրեբունու պարեկապահակային ծառայությունը «Սասնա Ծռեր» խմբի կողմից գրավելու օրը Գյումրուց իր անձնական մեքենայով Երևան մեկնելիս՝ Ագարակ գյուղում):

2016 թվականի հուլիսի 27-ին ձերբակալվել է սառը զենք պահելու կասկածանքով, պահվել է «Էրեբունի» ՁՊՎ-ում, սակայն հուլիսի 29-ին ազատ է արձակվել, երբ փորձաքննությամբ պարզվել է, որ նրա մոտ հայտնաբերված դանակը սառը զենք չէ[4]:

Ձերբակալվել է նաև 2018 թվականի ապրիլի 22֊ին, Թավշյա, ոչ բռնի, ժողովրդական Հեղափոխության խաղաղ ցույցերին մասնակցելու ժամանակ։

Լևոն Բարսեղյանը նաև «Զամբո» գրքի հեղինակն է, որի շնորհանդեսը Երևանում կայացավ 2016 թ. հունիսի 24-ին[5], իսկ Գյումրիում՝ 2016 թ. հուլիսի 2-ին: Գրքում զետեղված են 30 պատմություններ և «Քյապի Դամեն» վիպակը:

Լևոն Բարսեղյանը իրեն հայտարարել է որպես աթեիստ և անարխիստ:

Որսորդական և հրաձիգների միավորում ՀԿ անդամ է 2017 թ. հունիսի 1-ից:

ԸնտանիքԽմբագրել

1989 թվականին ամուսնացել է։ 2009 թվականին Բարսեղյանի կինը մահացել է։ Ունի մեկ որդի և մեկ թոռ։

Տես նաևԽմբագրել

Արտաքին հղումներԽմբագրել

ԾանոթագրություններԽմբագրել

ԱղբյուրներԽմբագրել