Լաուրա Ռավետտո
Լաուրա Ռավետտո (իտալ.՝ Laura Ravetto, հունվարի 25, 1971, Կունեո, Պիեմոնտ, Իտալիա), իտալացի քաղաքական գործիչ, Իտալիայի Պատգամավորների պալատի պատգամավոր «Առա՛ջ, Իտալիա՛» կուսակցությունից, 2010-2011 թվականներին՝ Իտալիայի Նախարարների խորհրդի աշխատակազմի քարտուղար՝ Սիլվիո Բեռլուսկոնիի կառավարության հետ կապերի գծով։
| Լաուրա Ռավետտո իտալ.՝ Laura Ravetto | |
|---|---|
 | |
| Ծնվել է | հունվարի 25, 1971 (53 տարեկան) |
| Ծննդավայր | Կունեո, Պիեմոնտ, Իտալիա |
| Քաղաքացիություն |  Իտալիա |
| Մայրենի լեզու | իտալերեն |
| Կրթություն | Սուրբ Սրտի կաթոլիկ համալսարան |
| Մասնագիտություն | քաղաքական գործիչ |
| Ամուսին | Dario Ginefra? |
| Զբաղեցրած պաշտոններ | Իտալիայի Պատգամավորների պալատի անդամ, Իտալիայի Պատգամավորների պալատի անդամ, Իտալիայի Պատգամավորների պալատի անդամ և Իտալիայի Պատգամավորների պալատի անդամ |
| Կուսակցություն | Առաջ, Իտալիա |
 Laura Ravetto Վիքիպահեստում | |
Կենսագրություն
խմբագրելԱվարտել է Միլանի Սուրբ սիրտ կաթոլիկ համալսարանի «իրավագիտություն» ֆակուլտետը։ Նախքան քաղաքականություն մտնելը աշխատել է «Schering Plough» անդրազգային դեղագործական կորպորացիայի իտալական մասնաճյուղի իրավական հարցերի բաժնի տնօրեն։ 2006 թվականի մարտի 28-ին խորհրդարանական ընտրությունների արդյունքում Իտալիայի Պատգամավորների պալատի Լոմբարդիայի 4-րդ ընտրատարածքից Լաուրա Ռավետտոն ընտրվել է «Առա՛ջ, Իտալիա՛» կուսակցության ցուցակով, ընդգրկվել է «Առա՛ջ, Իտալիա՛» խորհրդարանական խմբակցությունում և 5–րդ հանձնաժողովում։ 2008 թվականի ապրիլի 29-ին վերընտրվել է «Ազատության ժողովուրդ» կուսակցությունից, նույն թվականին Կենտրոնական Եվրոպայի նախաձեռնությունում գլխավորել է Իտալիայի խորհրդարանական պատվիրակությունը։
2009 թվականի մարտի 27-ից 29-ը Հռոմում կայացած «Ազատության ժողովուրդ» կուսակցության հիմնադիր համագումարում Ռավետտոն նշանակվել է հասարակայնության հետ կապերի և կուսակցական գաղափարախոսության քարոզչության պատասխանատու։ 2009 թվականի ապրիլի 23-ին Հռոմում Պատգամավորների պալատի խոսնակ Ջանֆրանկո Ֆինին Ռավետտոյին Ռումինիայի հետ հարաբերությունների զարգացման խմբի ղեկավար է նշանակել Ռումինիայի խորհրդարանի պատգամավոր Ալմա Անաստասեի այցի կապակցությամբ։ Նույն թվականին նա «Ազատության ժողովուրդ» կուսակցությունից մասնակցել է Իտալիայի հյուսիսարևմտյան շրջանի Եվրախորհրդարանի ընտրություններին։ Նա հավաքել է 7715 ձայն և չի անցել Եվրախորհրդարան[1]։
2010 թվականի մարտի 1-ին Ռավետտոն նշանակվել է Սիլվիո Բեռլուսկոնիի չորրորդ կառավարության խորհրդարանի հետ կապերի բաժնի քարտուղար։ Պաշտոնավարման ժամկետն ավարտվել է 2011 թվականի նոյեմբերի 16-ին։
2013 թվականի մարտի 5-ին Ռավետտոն վերընտրվել է նույն «Ազատության ժողովուրդ» կուսակցության Լոմբարդիա շրջանի հերթական ընտրություններում։ 2013 թվականի նոյեմբերի 16-ից ընդգրկվել է «Առա՛ջ, Իտալիա՛» կուսակցությունում, որը ձևավորվել է «Ազատության ժողովրդի» փլուզումից հետո[2][3]։ Խորհրդարանում զբաղեցնում են հետևյալ պաշտոնները՝
- 2013 թվականի հոկտեմբերի 15-ից՝ Շենգենյան համաձայնագրի իրականացման վերահսկողության, Եվրոպոլի գործունեության դիտարկման, ներգաղթի կառավարման և վերահսկողության խորհրդարանական հանձնաժողովի նախագահ,
- 2013 թվականի մայիսի 7-ից՝ 1-ին հանձնաժողովի անդամ,
- 2015 թվականի մարտի 20-ից՝ քաղաքացիների ընդունելության, նույնականացման և արտաքսման համակարգի, միգրանտների պահման պայմանների և հանրային ռեսուրսների օգտագործման հարցերով խորհրդարանական հանձնաժողովի անդամ։
Ամուսնացել է Դեմոկրատական կուսակցության պատգամավոր Դարիո Ջինեֆրայի հետ[4]։
Ծանոթագրություններ
խմբագրել- ↑ Risultati su La Repubblica (իտալ.)
- ↑ Camera dei Deputati: Composizione del gruppo FORZA ITALIA - IL POPOLO DELLA LIBERTA' - BERLUSCONI PRESIDENTE (իտալ.)
- ↑ L'addio al Pdl (in frantumi), rinasce Forza Italia (իտալ.)
- ↑ «Dopo vari tira e molla, finalmente sposi: il matrimonio bipartisan di Ravetto e Ginefra» (իտալերեն). L'Huffington Post. 2016 թ․ հունիսի 5.