Լաուրա Թադևոսյան

Վիքիպեդիայում կան հոդվածներ Թադևոսյան ազգանունով այլ մարդկանց մասին։

Լաուրա Գավրիլի Թադևոսյան (հունվարի 26, 1938(1938-01-26), Երևան, Հայկական ԽՍՀ, ԽՍՀՄ), հայ անասնաբույժ։ Կենսաբանական գիտությունների դոկտոր (1991), պրոֆեսոր (1993)։

Լաուրա Թադևոսյան
Ծնվել է	հունվարի 26, 1938(1938-01-26) (86 տարեկան) Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Մասնագիտություն	անասնաբույժ և ուսուցչուհի
Հաստատություն(ներ)	Երևանի անասնաբուծական-անասնաբուժական ինստիտուտ
Գործունեության ոլորտ	ոչխարաբուծություն
Ալմա մատեր	Երևանի անասնաբուծական-անասնաբուժական ինստիտուտ (1960) և Kharkiv State Veterinary Academy? (1977)
Կոչում	պրոֆեսոր
Գիտական աստիճան	կենսաբանական գիտությունների դոկտոր (1991)

Կենսագրություն

Լաուրա Թադևոսյանը ծնվել է 1938 թվականին Երևանում։ 1960 թվականին ավարտել է Երևանի անասնաբուծական-անասնաբուժական ինստիտուտը։ 1967-1970 թվականներին սովորել է Երևանի անասնաբուծական-անասնաբուժական ինստիտուտի ասպիրանտուրայում։ 1977 թվականին վերապատրաստվել է Խարկովի անասնաբուժական-անասնաբուծական ինստիտուտի ֆիզիոլոգիայի ամբիոնում, 1983 թվականին՝ Կրասնոդարի գյուղատնտեսական ինստիտուտի ֆիզիոլոգիայի ամբիոնում, 1993-1994 թվականներին՝ Երևանի Մխիթար Հերացու անվան պետական բժշկական ինստիտուտի ֆիզիոլոգիայի ամբիոնում։

1960-1966 թվականներին եղել է Գյումրու վարակիչ հիվանդությունների հիվանդանոցի ախտորոշման լաբորատորիայի վարիչ, 1966 թվականից աշխատել է Երևանի անասնաբուծական-անասնաբուժական ինստիտուտի (1994 թվականից՝ Հայկական գյուղատնտեսական ակադեմիա) Ֆիզիոլոգիայի, ախտաբանական ֆիզիոլոգիայի և ճառագայթակենսաբանության ամբիոնում, 1994-1995 թվականներին եղել է Ֆիզիոլոգիայի, ախտաբանական ֆիզիոլոգիայի և ճառագայթակենսաբանության ամբիոնի վարիչ։

Աշխատանքները վերաբերում են Հայաստանում ստեղծված հայկական կիսանրբագեղմ մսաբրդակաթնատու ոչխարների հարմարողականության վրա պղինձ և մոլիբդեն միկրոտարրերի ազդեցությանը։ Ուսումնասիրել է գերհույզի պայմաններում արյան համակարգի փոփոխությունները, նրանց շտկումն ու կանխարգելումը՝ մոլիբդենի փոքր քանակներով և մեղրամոմով։ Հեղինակ է ավելի քան 150 գիտական աշխատությունների և մեթոդական աշխատանքների, ունի գիտակենսագրական հոդվածներ գիտության վաստակավոր գործիչների մասին։

Պարգևներ, մրցանակներ

• Ամերիկյան կենսագրական ինստիտուտի «Տարվա կին 2002»
• Ամերիկայի ոսկե պատվո շքանշան, 2002
• 2002 թվականին ընդգրկվել է համաշխարհային գիտության բնագավառի 100 ազդեցիկ անձանց ցուցակում

Երկեր

• Ռադիոկենսաբանության հիմունքներ, Երևան, 2010:
• Հայկական կոպտաբուրդ և կիսակոպտաբուրդ ցեղերի ոչխարների վեգետատիվ նյարդային համակարգի մակրո-միկրոմորֆոլոգիան, Երևան, 2010:
• Определение степени адаптации овец в различных экологических зонах, Ереван, 1089 (համահեղինակ).
• Молибден и животный организм, Ереван, 2002 (համահեղինակ).

Ծանոթագրություններ

Վիքիդարանն ունի նյութեր, որոնք վերաբերում են «Լաուրա Թադևոսյան» հոդվածին։