Իվանիկան և Սիմոնիկան

«Իվանիկան և Սիմոնիկան» (վրաց.՝ ივანიკა და სიმონიკა),  1976 թվականի վրացական կարճամետրաժ գեղարվեստական ֆիլմը, որն ստեղծվել է «Վրաստան-ֆիլմ» կինոստուդիայում։ Ֆիլմը նկարահանել է ռեժիսոր Պավլե Չարկվիանին իր իսկ սցենարով։ Այն ստեղծվել է առակի ժանրում։ Ֆիլմը նկարահանվել է վրացական ժողովրդական հեքիաթների հիման վրա։

Իվանիկան և Սիմոնիկան
Երկիր	ԽՍՀՄ
Թվական	1976
Լեզու	ռուսերեն
Ռեժիսոր	Պավլե Չարկվիանի
Սցենարի հեղինակ	Պավլե Չարկվիանի
Երաժշտություն	Ջանսուգ Կախիձե

Ֆիլմի գլխավոր դերերը կատարել են Հեյդար Պալավանդիշվիլին, Գիա Պերաձեն և Լևան Լազարաշվիլին։ Այն նկարահանվել է հատուկ հեռուստատեսության համար։ Ֆիլմը կարելի է դիտել ցանկացած տարիքի երեխաներին, այն նախատեսված է ընտանեկան դիտման համար։

Սյուժե

Առակը նկարահանվել է վրացական հեքիաթների մոտիվներով։ Այն պատմում է չար ու բարի երկու եղբայրների մասին։ Բարի եղբոր անունն Իվանիկա է, նա կրտսերն է, իսկ չարի անունը, որն ավագն է, Սիմոնիկա է։ Երբ Սիմոնիկան ինչ-որ չար գործ է կատարում, Իվանիկան, ընդհակառակը, ինչ-որ լավ բան է անում։

Գալիս է մի պահ, երբ մեծ եղբոր չար խարդավանքներն ուղղվում են հենց նրա դեմ, և Իվանիկայի բարի հոգին չի արձագանքում և չի պաշտպանում Սիմոնիկային։

Դերերում

• Հեյդար (Գուրամ) Պալավանդիշվիլի – Իվանիկա
• Գիա Պերաձե – Սիմոնիկա
• Լևան Ազարաշվիլի – մարդուկ
• Կախի Կավսաձե – սարկավագ
• Նոդար Պիրանիշվիլի – հովիվ
• Բադրի Բեգալիշվիլի – որսորդ
• Ելենա Կիպշիձե – որսորդի կինը

Նկարահանող խումբ

• Սցենարի հեղինակ՝ Պավլե Չարկվիանի
• Ռեժիսոր՝ Պավլե Չարկվիանի
• Օպերատոր՝ Գուրամ Շենգելայա
• Կոմպոզիտոր՝ Ջանսուղ Կախիձե
• Նկարիչ՝ Շոթա Գոգոլաշվիլի

Տեխնիկական տվյալներ

• ԽՍՀՄ, 1976 թվական, Վրաստան-ֆիլմ, հեռուստաֆիլմ,
• Առակ, ընտանեկան ֆիլմ,
• Գունավոր («Սվեմա»), կարճամետրաժ, 35-47 րոպե, մոնո,
• Բնօրինակ լեզուն վրացերեն է։

Արտաքին հղումներ

• «Իվանիկան և Սիմոնիկան»(անգլ.) ֆիլմը Internet Movie Database կայքում