Իգոր Ալեքսանդրովիչ Բաև (ռուս.՝ Баев Игорь Александрович, հունիսի 20, 1940(1940-06-20), Ալապաևսկ, Սվերդլովսկի մարզ, ՌԽՖՍՀ, ԽՍՀՄ - մարտի 21, 2021(2021-03-21)[1]), տնտեսագիտության դոկտոր, պրոֆեսոր, Ռուսաստանի Դաշնության բարձրագույն դպրոցի վաստակավոր աշխատող, թեկնածուական և դոկտորական ատենախոսությունների պաշտպանության խորհրդի նախագահ։ Տնտեսագիտության և կառավարման ֆակուլտետի դեկան[2], Հարավային Ուրալի պետական համալսարանի «Տնտեսագիտություն և ֆինանսներ» ամբիոնի վարիչ։

Իգոր Բաև
Ծնվել էհունիսի 20, 1940(1940-06-20)
Ալապաևսկ, Սվերդլովսկի մարզ, ՌԽՖՍՀ, ԽՍՀՄ
Մահացել էմարտի 21, 2021(2021-03-21) (80 տարեկան)
Մասնագիտությունտնտեսագետ
Հաստատություն(ներ)South Ural State University?
Ալմա մատերSouth Ural State University?

ԿենսագրությունԽմբագրել

1963 թվականին ավարտել է Չելյաբինսկի պոլիտեխնիկական ինստիտուտը՝ «Ավտոմատիկա և հեռուստամեխանիկա» մասնագիտությամբ։ 1967-1970 թվականներին եղել է Չելյաբինսկի պոլիտեխնիկական ինստիտուտի արտադրության կազմակերպման և արդյունաբերության տնտեսագիտության ամբիոնի ասպիրանտ։ 1974 թվականին պաշտպանել է թեկնածուական թեզ, 1991 թվականին՝ դոկտորական թեզ։ 1991 թվականից հանդիսացել է Հարավային Ուրալի պետական համալսարանի «Տնտեսագիտություն և ֆինանսներ» ամբիոնի վարիչ։

Գիտական գործունեությունԽմբագրել

Հեղինակ է ավելի քան 200 տպագիր գիտական աշխատությունների, այդ թվում՝ տարբեր մակարդակի կրթական և մեթոդական ասոցիացիաների և գիտամեթոդական խորհուրդների ստորագրություններով դասագրքերի։ Շուկայական տնտեսագիտության վերաբերյալ 12 համակարգչային ուսուցման ծրագրերի հեղինակ է։ Նա Ռուսաստանի Դաշնության բարձրագույն կրթության լավագույն 300 դասագրքերի ցուցակում ընդգրկված «Ձեռնարկությունների տնտեսագիտություն» դասագրքի հեղինակներից մեկն է[3]։ Իգոր Ալեքսանդրովիչի ղեկավարությամբ հաջողությամբ պաշտպանվել են գիտությունների 9 դոկտորներ (հաստատված են Բարձրագույն ատեստավորման հանձնաժողովի կողմից) և գիտությունների 47 թեկնածուներ։ Գիտական գործունեության հիմնական ոլորտներն են արդյունաբերական ձեռնարկությունների ներդրումային գործունեությունը, արդյունաբերական ձեռնարկությունների հարմարվողական կառավարումը, ներդրումային գործընթացների կառավարումը, լոգիստիկան։

Մանկավարժական գործունեությունԽմբագրել

Կարդացել է «Միկրոտնտեսագիտություն», «Մակրոտնտեսություն», «Ձեռնարկությունների տնտեսագիտություն», «Կառավարման հիմունքներ» դասընթացները

ԾանոթագրություններԽմբագրել

  1. 21 марта ушёл из жизни выдающийся учёный, заслуженный работник высшей школы РФ, профессор Игорь Баев.
  2. Сайт факультета «Экономика и управление» ЮУрГУ http://eu.susu.ru/index.php/o-fakultete/fakultet-v-litsakh
  3. Сайт кафедры «Экономика и финансы» ЮУрГУ http://www.ef.susu.ac.ru/pages.php?page=71 Archived 2016-03-05 at the Wayback Machine.