Ժորդի Մասիպ Լոպես

Ժորդի Մասիպ Լոպես (հունվարի 3, 1989(1989-01-03), Սաբադել, Àmbit metropolità de Barcelona, Բարսելոնայի պրովինցիա, Կատալոնիա, Իսպանիա), ֆուտբոլիստ։ Որպես ֆուտբոլիստ Մասիպը կայացել է Մարկանտիլ ֆուտբոլային ակումբում։ Մասիպն իր կարիերան սկսել է որպես կիսապաշտպան, սակայն 12 տարեկան հասակում որոշել է դառնալ դարպասապահ։ 15 տարեկան հասակում Մասիպը միացել է Բարսելոնայի մանկապատանեկան դպրոցին՝ Լա Մասիային, իսկ արդեն մի քանի տարի անց նա տեղափոխվել է Բարսելոնայի 2-րդ թիմ՝ Բարսա Բ։

Ժորդի Մասիպ Լոպես իսպ.՝ Jordi Masip
Քաղաքացիությունը	Իսպանիա
Ծննդյան ամսաթիվ	հունվարի 3, 1989(1989-01-03) (35 տարեկան)
Ծննդավայր	Սաբադել, Àmbit metropolità de Barcelona, Բարսելոնայի պրովինցիա, Կատալոնիա, Իսպանիա
Հասակ	179 սանտիմետր
Քաշ	72 կիլոգրամ
Դիրք	դարպասապահ

Բարսելոնայի առաջին թիմում Ժորդի Մասիպն իր դեբյուտը նշել է 2009 թվականի դեկտեմբերի 19-ին՝ Վալենսիայի հետ խաղում (1-1)։ Ժորդի Մասիպը Բարսելոնա Բ-ում անցկացրել է 5 մրցաշրջան, որոնցից առաջինում մարզվել է առաջին թիմի ներկայիս գլխավոր մարզիչ Լուիս Էնրիկեի գլխավորությամբ։ Բարսա Բ-ում անցկացրած 79 խաղերում Մասիպը բաց է թողել 101 գնդակ։

2014 թվականի ամռանը Ժորդի Մասիպը և ֆուտբոլային ակումբ Բարսելոնան համաձայնության են եկել դարպասապահի՝ Բարսելոնայի առաջին թիմ տեղափոխության հարցում։

Բնութագիր

Մասիպն արագաշարժ, ճկուն և հիանալի ռեակցիա ունեցող դարպասապահ է։ Մասիպը հիանալի է խաղում ոտքերով, իսկ նրա կարիերան կիսապաշտպանի դիրքում սկսելու շնորհիվ կարողանում է նաև կարճ ու երկար ճշգրիտ փոխանցումներ կատարել, ինչն անչափ կարևոր է Բարսայի խաղային համակարգում։ Չնայած ոչ բարձր հասակին (180 սմ.), Մասիպը կարողանում է պայքարել և լավ խաղ ցուցադրել նաև 2-րդ հարկում։

Կարիերա

• 2014- ֆուտբոլային ակումբ Բարսելոնա
• 2008-2009 ֆուտբոլային ակումբ Վիլախուիգա (վարձավճար)
• 2008-2014 ֆուտբոլային ակումբ Բարսելոնա Բ

Ծանոթագրություններ

Վիքիպահեստն ունի նյութեր, որոնք վերաբերում են «Ժորդի Մասիպ Լոպես» հոդվածին։