Վիքիպեդիա

Ժիլբեր Բիլեզիկյան

Ժիլբեր Բիլեզիկյան (ֆր.՝ Gilbert Bilezikian, հունիսի 26, 1927(1927-06-26)[1], Փարիզ), Ֆրանսիայում ծնված ամերիկահայ քրիստոնյա գրող, պրոֆեսոր և դասախոս[2]։ Բիլ Հիբելսի հետ մեկտեղ Բիլեզիկյանը Իլինոյս նահանգի Հարավային Բարինգթոն քաղաքում գտնվող Ուիլոու Քրիք համայնքային եկեղեցու՝ «Ամերիկայի ամենակարևոր եկեղեցիներից մեկի» համահիմնադիրն է[3]։ 2000 թվականին Christianity Today-ը Բիլեզիկյանին անվանել է «մեգաեկեղեցու թիկունքում կանգնած մարդ»[4]։ 2020 թվականին Ուիլոու Քրիքը հայտարարել է, որ Բիլեզիկյանին սեռական բռնության մեղադրանքներ են ներկայացվել։

Ժիլբեր Բիլեզիկյան
Ծնվել էհունիսի 26, 1927(1927-06-26)[1] (96 տարեկան)
ԾննդավայրՓարիզ
Մասնագիտությունհամալսարանի դասախոս և ոչ գեղարվեստական գրող
Քաղաքացիություն Ֆրանսիա և  ԱՄՆ
ԿրթությունՓարիզի համալսարան, Gordon–Conwell Theological Seminary? և Բոստոնի համալսարանի աստվածաբանության դպրոց
ԱշխատավայրTrinity International University?

Կենսագրություն խմբագրել

Վաղ տարիք և կրթություն խմբագրել

Բիլեզիկյանը ծնվել և մեծացել է Ֆրանսիայի մայրաքաղաք Փարիզում, Մարաշից փախած հայ ներգաղթյալների ընտանիքում[5]։ Նա զորակոչվել է ֆրանսիական բանակ, որտեղ ծառայել է որպես բժիշկ Հյուսիսային Աֆրիկայում՝ Ալժիրի ազատագրական հակամարտության ժամանակ։ Նա առաջին անգամ Միացյալ Նահանգներ է գնացել 1947 թվականին։

Բիլեզիկյանը բակալավրի կոչումը ստացել է Փարիզի համալսարանից, մագիստրոսի կոչումը՝ Գորդոն-Քոնուելի աստվածաբանական ճեմարանից, իսկ դոկտորական աստիճանը՝ Բոստոնի համալսարանից։ Նա նաև մասնակցել է Փարիզի Սորբոնի համալսարանի յոթնամյա ասպիրանտուրայի՝ պրոֆեսոր Օսկար Կուլմանի դասընթացին[5]։

Կարիերա խմբագրել

1961 թվականից սկսած Բիլեզիկյանը հինգ տարի ծառայել է որպես հովիվ Լուդոնվիլի եկեղեցում (Օլբանի, Նյու Յորք)։ Նա յոթ տարով վերադարձել է Փարիզ, որտեղ դասավանդել է Աստվածաշնչյան եվրոպական ինստիտուտում և ծառայել որպես քրիստոնեական կրթության նախարար Փարիզի Ամերիկյան եկեղեցում[5]։

20 տարի Բիլեզիկյանը եղել է Ուիթոն քոլեջի պրոֆեսոր[6]։ Նա ընդհատել է իր պաշտոնավարումը Ուիթոնում՝ երեք տարով ստանձնելով Բեյրութի Հայկազյան համալսարանի նախագահությունը (Լիբանան) և երկու տարի դասավանդելով Դիրֆիլդի (Իլինոյս) Թրինիթի քոլեջում[5]։ 1992 թվականին նա դարձել է Ուիթոն քոլեջի աստվածաշնչյան ուսումնասիրությունների պատվավոր պրոֆեսոր։ Այդ կոչումը չեղյալ է հայտարարվել 2020 թվականի փետրվարի 28-ին Ուիթոն քոլեջի կողմից, ինչպես համայնքին ուղղված էլեկտրոնային նամակում հայտարարել է նրա նախագահ Ֆիլիպ Ռայկենը[7]։

Բիլեզիկյանը 1975 թվականին Բիլ Հայբելսի հետ հիմնել է Ուիլոու Քրիք համայնքային եկեղեցին և եղել է Հայբելսի խնամակալը[6][8][9][10]։ 2000 թվականին Հայբելսն ասել է. «Առանց Ժիլբեր Բիլեզիկյանի Ուիլոու Քրիքը չէր լինի»[11]։ Բիլեզիկյանին է «վերագրվում Ուիլոու Քրիքի ղեկավարության ամենաբարձր մակարդակներում կանանց ներգրավումը»։ Նա նաև օգնել է 1988 թվականին «Քրիստոնյաները հանուն աստվածաշնչյան հավասարության» կազմակերպության հիմնադրմանը[12]։

Սեռական բռնության մեղադրանքներ խմբագրել

2020 թվականի հունվարին Ուիլոու Քրիք համայնքային եկեղեցին հայտարարեց, որ Բիլեզիկյանը «անպատշաճ վարք է դրսևորել» այն բանից հետո, երբ եկեղեցու երկարամյա անդամը պնդել է, որ նա մի քանի անգամ սեռական ոտնձգություն է կատարել իր նկատմամբ 1984-1988 թվականներին[10][13][14]։ Բիլեզիկյանը հերքել է մեղադրանքները և պնդել, որ եկեղեցին «խախտել է հավատակից քրիստոնյաների դեմ մեղադրանքների հետ վարվելու վերաբերյալ աստվածաշնչյան ուսմունքը»[10][13]։ Հայբելսը նախկինում՝ 2018 թվականի ապրիլին, հրաժարական էր տվել Ուիլոու Քրիքից՝ սխալ վարքագծի մեղադրանքներից հետո[10]։

Ուիլոու Քրիքի ավագների խորհուրդը հայտարարել է, որ Բիլեզիկյանին արգելել է ծառայել եկեղեցում, երբ նրա դեմ 2010 թվականին մեղադրանքներ են ներկայացվել։ Աակայն 2015 թվականին նա արժանացել է եկեղեցու «կենդանի լեգենդի» տիտղոսին[15]։ 2020 թվականի հունվարին ավագների արձագանքման թիմը պնդել է, որ Բիլեզիկյանին արգելվել է ծառայել եկեղեցում, բայց ավելացրել է, որ նա շարունակել է ուսուցանել և ծառայել տարբեր պաշտոններում, քանի որ «արգելքի մասին պատշաճ կերպով չի ծանուցվել»[16]։ 2020 թվականի մայիսին Բիլեզիկյանը զրպարտության հայց է ներկայացրել եկեղեցու դեմ[17]։

Հրապարակումներ խմբագրել

Բազմաթիվ հոդվածներից բացի, Բիլեզիկյանը մի քանի գրքերի հեղինակ է, այդ թվում՝ հետևյալները.

  • Beyond Sex Roles: What the Bible Says about a Woman's Place in Church and Family (1985 1st Edition & 2nd Editions; 2006 3rd Edition; Baker Academic)
  • Christianity 101: Your Guide to Eight Basic Christian Beliefs (1993 Zondervan)
  • Community 101 (1993 Zondervan)
  • Community 101: Reclaiming the Local Church as Community of Oneness
  • Comunidad Elemental: Reivindicando la iglesia locol como una comunidad unida (Spanish ed.)
  • From Despair to Hope (2012)
  • How I Changed My Mind about Women in Leadership (2010 Zondervan)
  • The Liberated Gospel: A Comparison of the Gospel of Mark and Greek Tragedy (1977 Baker; reprinted 2010 Wipf and Stock)

Ծանոթագրություններ խմբագրել

  1. ↑ 1,0 1,1 SNAC — 2010.
  2. ↑ Sébastien Fath Du ghetto au réseau: Le protestantisme évangélique en France 2005, page 248
  3. ↑ Sébastien Fath, Jean-Paul Willaime Nouvelle France protestante: Essor et recomposition au XXIe siècle 2011, page 274
  4. ↑ Winner, Lauren F. "The Man Behind the Megachurch". Christianity Today, November 30, 2000. <http://www.christianitytoday.com/ct/2000/november13/4.56.html>
  5. ↑ 5,0 5,1 5,2 5,3 «Gilbert Bilezikian, Th.D.». Armenian Missionary Association of America (ամերիկյան անգլերեն). 2018 թ․ ապրիլի 20. Վերցված է 2022 թ․ հուլիսի 8-ին.
  6. ↑ 6,0 6,1 Winner, Lauren F. (2000 թ․ նոյեմբերի 13). «The Man Behind the Megachurch». Christianity Today. Վերցված է 2020 թ․ փետրվարի 2-ին.
  7. ↑ Miller E.M. Wheaton College rescinds title from Gilbert Bilezikian amid new allegations. Religion News Service:Christianity. February 29, 2020.
  8. ↑ Goldsborough, Bob (2018 թ․ նոյեմբերի 21). «Alan Johnson, Wheaton College professor who promoted the role of women in churches, dies at 85». Chicago Tribune. Վերցված է 2020 թ․ փետրվարի 2-ին.
  9. ↑ Neumaier, Edith (2016). The Mystery of Adam: Biblical Gender Equality Based on the Common Origin of Male and Female. WestBow Press. ISBN 9781512763065.
  10. ↑ 10,0 10,1 10,2 10,3 Warren, Steve (2020 թ․ հունվարի 29). «Willow Creek Announces Abuse Allegations Against Church Co-Founder». CBN News. Վերցված է 2020 թ․ փետրվարի 2-ին.
  11. ↑ McFarlan Miller, Emily (2020 թ․ հունվարի 28). «Willow Creek Confirms Abuse Allegations Against Gilbert Bilezikian». Christianity Today. Վերցված է 2020 թ․ փետրվարի 2-ին.
  12. ↑ Service, Emily McFarlan Miller-Religion News (2020 թ․ հունվարի 28). «Willow Creek Confirms Abuse Allegations Against Gilbert Bilezikian». News & Reporting. Վերցված է 2021 թ․ հուլիսի 26-ին.
  13. ↑ 13,0 13,1 «Willow Creek co-founder now accused of sexual misconduct». MetroVoice News. 2020 թ․ հունվարի 30. Վերցված է 2020 թ․ փետրվարի 2-ին.
  14. ↑ Banks, Adelle M. (2020 թ․ հունվարի 31). «US church Willow Creek announces senior pastor candidates, interim pastor out». Sight Magazine. Վերցված է 2020 թ․ փետրվարի 2-ին.
  15. ↑ West, Marsha (2020 թ․ հունվարի 31). «Willow Creek Honored As 'Living Legend' the Cofounder it Believed Abused Congregant». Christian Research Network. Վերցված է 2020 թ․ փետրվարի 2-ին.
  16. ↑ «More Abuse Allegations Turn Up at Willow Creek Church». CBS Chicago. 2020 թ․ հունվարի 30. Վերցված է 2020 թ․ փետրվարի 2-ին.
  17. ↑ Vitello, Barbara (2020 թ․ մայիսի 30). «Co-founder files defamation suit against Willow Creek». Daily Herald (ամերիկյան անգլերեն). Վերցված է 2020 թ․ հունիսի 22-ին.
Ստացված է «https://hy.wikipedia.org/w/index.php?title=Ժիլբեր_Բիլեզիկյան&oldid=9722530» էջից