Ժամանակակից արվեստի թանգարան (Մոնտեռեյ)
Ժամանակակից արվեստի թանգարան Մոնտեռեյում (իսպ.՝ Museo de Arte Contemporáneo de Monterrey, անգլ.՝ Museum of Contemporary Art, Monterrey, կրճատ` MARCO), ժամանակակից արվեստին նվիրված թանգարան Մեքսիկայում` Մոնտեռեյում։
Ժամանակակից արվեստի թանգարան | |
|---|---|
 | |
| Տեսակ | պատկերասրահ և արվեստի պատկերասրահ |
| Երկիր |  Մեքսիկայի Միացյալ Նահանգներ[1][2] |
| Տեղագրություն | Մոնտեռեյ[2] |
| Ղեկավարության նստավայր | Մոնտեռեյ, Մեքսիկայի Միացյալ Նահանգներ |
| Հիմնադրվել է | 1991 |
| Կայք | marco.org.mx |
 | |
 | |
Պատմություն և գործունեություն խմբագրել
Թանգարանը բացվել է 1991 թվականին, շինությունը նախագծվել է մեքսիկացի ճարտարապետ Ռիկարդո Լեգորետայի կողմից` պոստմոդեռն մինիմալիզմի ոճով։
Թանգարանը գրավում է 16.000 քմ տարածք, որից 5.000 քմ-ն առանձնացված է ցուցահանդեսների 11 պատկերասրահների համար։ Արվեստի գործերը գտնվում են բնական և արհեստական լուսավորության ներդաշնակորեն բաշխված տարածքում։ Թանգարանի ներքին բակում կառուցված է քանդակներով, շատրվանով և անդրադարձնող լողավազանով այգի։ Թանգարանում կա հանդիսասրահ, հուշանվերների խանութ և ռեստորան։ Այնտեղ անց են կացվում հասարակության ուշադրությունն արվեստի վրա հրավիրող միջոցառումներ։
Թանգարանի կողմնորոշիչն ու խորհրդանիշը «La Paloma» կոչվող արձանն է, որը գտնվում է թանգարանի դիմաց. այն աղավնու 4 տոննայանոց և 5.5 մետր բարձրությամբ արձան է, որի հեղինակը քանդակագործ Խուան Սորիանոն է[3]"
Հավաքածու խմբագրել
Թանգարանի մշտական ցուցադրությունը ներառում է հիմնականում լատինաամերիկյան ժամանակակից արվեստի ներկայացուցիչների նկարներ, քանդակներ, ինստալյացիաների և գրաֆիկական աշխատանքներ։ Հավաքածուներում կան նաև եվրոպացի, ամերիկացի և կանադացի նկարիչների աշխատանքներ։
Թանգարանում անցկացված ցուցահանդեսների ժամանակ ցուցադրվել են մեքսիկացի հետևյալ նկարիչների աշխատանքները. Ֆրիդա Կալո, Մատիաս Գերից, Գաբրիել Օրոսկո, Մանուել Ալվարես Բրավո, Արմանդո Սալաս Պորտուգալ, Խուլի Գալան, Թեոդոր Գոնսալես դե Լեոն, Էնրիկե Գուսման, Ռիկարդո Մազալ, Ռիկարդո Լեգորետա, Ռոդոլֆո Մորալես, Պաուլա Սանտյագո, Ալբերտո Վարգաս, Գերմենեգիլդո Բուստոս։
Այստեղ ցուցադրվել են նկարիչներ նաև այլ երկրներից, ինչպես, օրինակ` Իսամու Նոգուտին, Ժոզեֆ Բոյսը, Ջենի Հոլցերը, Ջոան Բրոսան, Անա Մենդիետան, Պաուլա Ռեգուն, Հենրի Մուրը, Էնտոնի Հորմլին. Յան Հենդրիքսը, Աննետ Մեսաժեն, Ռոն Մյուեկը, Էռնեստու Նետուն, Կլաուդիո Բրավոն։
Ծանոթագրություններ խմբագրել
- ↑ GeoNames — 2005.
- ↑ 2,0 2,1 archINFORM (գերմ.) — 1994.
- ↑ «MARCO: La Paloma». Արխիվացված է օրիգինալից 2019 թ․ նոյեմբերի 25-ին. Վերցված է 2019 թ․ նոյեմբերի 14-ին.
Արտաքին հղումներ խմբագրել
- Պաշտոնական կայք Արխիվացված 2007-06-25 Wayback Machine
- Contemporary Art Museum of Monterrey (MARCO)
- Museo de Arte Contemporaneo (MARCO) (ռուս.)
- Մոնտեռեյի տեսարժան վայրերը. Ժամանակակից արվեստի թանգարան
 | Վիքիպահեստն ունի նյութեր, որոնք վերաբերում են «Ժամանակակից արվեստի թանգարան (Մոնտեռեյ)» հոդվածին։ |