Ժակ Ավգուստին
Ժակ Ավգուստին (ֆր.՝ Jacques Augustin), (օգոստոսի 15, 1759[1][2][3], Սեն Դյե դե Վոժ - ապրիլի 13, 1832[1][4][5], Փարիզ), ֆրանսիացի նկարիչ, մանրանկարիչ։
Ժակ Ավգուստին ֆր.՝ Jacques Augustin | |
|---|---|
 | |
| Ի ծնե | ֆր.՝ Jean-Baptiste Jacques Augustin |
| Ծնվել է | օգոստոսի 15, 1759[1][2][3] |
| Ծննդավայր | Սեն Դյե դե Վոժ |
| Վախճանվել է | ապրիլի 13, 1832[1][4][5] (72 տարեկան) |
| Մահվան վայր | Փարիզ |
| Քաղաքացիություն | .svg){kind=small} Ֆրանսիա[6] |
| Մասնագիտություն | նկարիչ |
| Ժանր | դիմապատկեր |
| Ուսուցիչ | Ժան-Բատիստ Կլոդո և Ժան Ժիրարդե |
| Աշակերտներ | Lizinska de Mirbel?, Alexandre De Latour? և Aimée Thibault? |
| Պարգևներ | |
| Ամուսին | Pauline Augustin? |
| Ազգականներ | Charles-Henri Augustin? |
 Jean-Baptiste Jacques Augustin Վիքիպահեստում | |
Կենսագրություն խմբագրել
Ծնվել է 1759 թվականի օգոստոսի 15-ին, Սեն Դյե դե Վոժ քաղաքում, ապակեգործ վարպետի ընտանիքում։
Նկարելու ունակությունները տղայի մոտ զարգացել են մանկուց։ Ենթադրվում է, որ գեղանկարչության առաջին դասերը նա կարող էր ստանալ Նանսիում, Ժան Բատիստ Կլոդոյի և, հնարավոր է, Ժան Ժիրարդեի մոտ։ 1781 թվականին Դիժոնում անցկացրած մի քանի ամիսներից հետո նա նույն տարում ժամանել է Փարիզ, որտեղ շուտով ճանաչում է ստացել որպես մանրանկարիչ։ Ֆրանսիական հեղափոխության ընթացքում եղել է Բրեստում (1789) և Սեն Դյե դե Վոժում (1791)։
1791 թվականի Փարիզյան սալոնից սկսած՝ նա ստեղծում է ինչպես հեղափոխականների, այնպես էլ ազնվականների և բուրժուաների դիմանկարները։ 1806 թվականին Ժակ Ավգուստինը պարգևատրվել է ոսկե մեդալով և 250 ֆրանկ գումարով։ Նրա ճանաչումը դիմացել է շատ ռեժիմների փոփոխությանը, որոնց ընթացքում նա աշխատել է։
Հարստանալով` 1800 թվականի հուլիսի 8-ին Ավգուստինը ամուսնացել է իր աշակերտուհիներից մեկի՝ Պաուլին Դուքրեթի հետ, որը նրանից փոքր էր 22 տարով։ Նա ամուսնու օգնականն էր և ինքնուրույն աշխատանքներ էր կատարում։
1921 թվականին նկարիչն արժանացել է Պատվո լեգեոնի շքանշանի։ Կյանքի վերջին տարիներին նա տառապում էր հոդատապից։ Մահացել 1832 թվականի ապրիլի 13-ին, Փարիզում, խոլերայի համաճարակի հետևանքով։ Հուղարկավորվել է Պեր-Լաշեզ գերեզմանատանը[8]։
Մանրանկարիչ Ժան-Բատիստ Իզաբեի հետ Ժակ Ավգուստինն իր ժամանակի մանրանկարչության ամենանշանակալի ուսուցիչներից էր և ուսուցանել է մեծ թվով աշակերտների։ Նրա անունով է կոչվել Նանսի քաղաքի «Lycée professionnel Jean-Baptiste Jacques Augustin» լիցեյը (Ժան Բապտիստ Ժակ Ավգուստինի մասնագիտական լիցեյ)[9]։
Ծանոթագրություններ խմբագրել
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 Jean Baptiste Jacques Augustin (ֆր.) — ministère de la Culture.
- ↑ 3,0 3,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
- ↑ 4,0 4,1 4,2 Jean Baptiste Jacques Augustin // Benezit Dictionary of Artists — OUP, 2017. — ISBN 978-0-19-977378-7 — doi:10.1093/BENZ/9780199773787.ARTICLE.B00008720
- ↑ 5,0 5,1 5,2 RKDartists (նիդերլ.)
- ↑ RKDartists (նիդերլ.)
- ↑ Base Léonore (ֆր.) — ministère de la Culture.
- ↑ Paul Bauer, Deux siècles d'histoire au Père Lachaise, Mémoire et Documents, 2006 (ISBN 978-2914611480), p. 68.
- ↑ LYCÉE PROFESSIONNEL JEAN-BAPTISTE JACQUES AUGUSTIN
 | Վիքիպահեստն ունի նյութեր, որոնք վերաբերում են «Ժակ Ավգուստին» հոդվածին։ |