Քրիստիան Թյութունջյան
Քրիստիան Անդրանիկի Թյութունջյան (Թյութունջյան դը Վարդավան, 1965, հունվարի 27, Փարիզ, Ֆրանսիա), եգիպտագետ, հնէաբուսաբան։ Կենսաբանական գիտությունների դոկտոր (1994)։
| Քրիստիան Անդրանիկի Թյութունջյան | |
|---|---|
| Ծնվել է | հունվարի 27, 1965 (59 տարեկան) |
| Ծննդավայր | Փարիզ  Ֆրանսիա |
| Քաղաքացիություն |  Հայաստան |
| Ազգություն | հայ |
| Կրթություն | Լոնդոնի համալսարանական քոլեջ |
| Գիտական աստիճան | կենսաբանական գիտությունների դոկտոր |
| Մասնագիտություն | եգիպտագետ հնէաբուսաբան |
| Ամուսին | Նազենի Ղարիբյան դը Վարդավան |
Կենսագրություն խմբագրել
Քրիստիան Թյութունջյանը ծնվել է Փարիզում։ 1988 թվականին ավարտել է Լոնդոնի համալսարանական քոլեջը։ 1988 թվականին Լոնդոնի թագավորական բուսաբանական այգու պահեստներում հայտնաբերել է Թութանհամոնի դամբարանի բուսահնէաբանական մեծաքանակ նյութ (որը բերել էր Հովարդ Քարտերը, և ժամանակի ընթացքում այն մոռացության էր մատնվել)։ 1989 թվականից Կահիրեի թանգարանում ուսումնասիրել է Թութանհամոնի դամբարանի բուսահնէաբանական նյութը։ 1995 թվականին ղեկավարել է Վենետիկի Մխիթարյան միաբանության եգիպտական մումիայի փաթեթազերծման և հետազոտության ծրագիրը։
2006 թվականից բնակվում է Հայաստանում։ Երևանի պետական համալսարանում նրա նախաձեռնությամբ հիմնվել է Եգիպտագիտության կենտրոն[1], որը համագործակցում է տարբեր համալսարանների եգիպտագիտության կենտրոնների հետ, ծրագիր է մշակում Արիզոնայի և Օքսֆորդի համալսարանների հետ։ Հիմնադրման օրվանից Եգիպտագիտության կենտրոնում պարոն դը Վարդավանին հաջողվել է ստանալ եգիպտական կապույտ կոչվող գույնը, որը ստանում են աշխարհի միայն մի քանի լաբորատորիաներում[2]։
Թյութունջյանի հետազոտության արդյունքում դամբարանի բուսատեսակների թիվը 12-ից դարձել է 145, որոնցից մի քանիսի հայտնաբերումը կարևոր նշանակություն ունի համաշխարհային սննդի պատմության համար[3]։
Մրցանակներ խմբագրել
«Արդյունավետ գիտաշխատող-2013» մրցույթի հաղթող[4]
Երկեր խմբագրել
- Հին Եգիպտոսի բուսական նյութերի օրենսգիրքը, անգլերեն, 1997 թ.:
- Քեմբրիջի սննդի համաշխարհային պատմությունը, անգլերեն, 2000 թ.:
Ծանոթագրություններ խմբագրել
- ↑ Հայաստանում զարգանում է եգիպտագիտությունը
- ↑ Եգիպտոսի պատվիրակությունը Հայաստանում Եգիպտոսի մշակույթի օրերի շրջանակներում այցելեց նաեւ Մայր բուհ
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ Հայտնի են Գիտության պետական կոմիտեի հայտարարած «Արդյունավետ գիտաշխատող-2013» մրցույթի հաղթողների անունները