Թաթուլ Մանասերյան
- Վիքիպեդիայում կան հոդվածներ Մանասերյան ազգանունով այլ մարդկանց մասին։
Թաթուլ Նորայրի Մանասերյան (ապրիլի 14, 1960, Երևան, Հայկական ԽՍՀ, ԽՍՀՄ), հայ տնտեսագետ, տնտեսագիտության դոկտոր, պրոֆեսոր, Հայաստանի Հանրապետության Ազգային ժողովի նախկին պատգամավոր։
Թաթուլ Մանասերյան | |
---|---|
Ծնվել է | ապրիլի 14, 1960 (64 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Քաղաքացիություն | Հայաստան |
Կրթություն | Շևչենկոյի անվան համալսարան |
Գիտական աստիճան | տնտեսագիտության դոկտոր և պրոֆեսոր |
Մասնագիտություն | քաղաքական գործիչ և տնտեսագետ |
Ծնողներ | հայր՝ Նորայր Մանասերյան |
Զբաղեցրած պաշտոններ | Հայաստանի Ազգային ժողովի պատգամավոր |
Կենսագրություն
խմբագրելԹաթուլ Մանասերյանը ծնվել է 1960 թվականի ապրիլի 14-ին Երևանում[1]։ 1984 թվականին ավարտել է Կիևի պետական համալսարանը, ստացել տնտեսագետի որակավորում։ 1983 թվականից դասավանդել է Հայաստանի և արտերկրի համալսարաններում։ 1984-1989 թվականներին եղել է ԽՍՀՄ Պետպլանի պլանավորման և նորմատիվների Գիտահետազոտական ինստիտուտի հայկական մասնաճյուղի գիտական խմբի ղեկավարը, 1989-1990 թվականներին Հայաստանի առևտրաարդյունաբերական պալատում աշխատել է նախագահի գլխավոր խորհրդական, 1990-1991 թվականներին եղել է Ա. Սախարովի անվան հիմնադրամի գլխավոր տնօրեն, 1991-1992 թվականներին` «Արմենթրեյդ» կանադական ընկերության ներկայացուցչության տնօրեն։
1992-1997 թվականներին եղել է «Արմենթրեյդ-Կալիֆոռնիա» խորհրդատվական ընկերության նախագահ, 1993-1997 թվականներին` Հարավային Կալիֆոռնիայի Ռեդլընդս համալսարանի պրոֆեսոր, 1997-1998 թվականներին եղել է Զարգացման հայկական գործակալության ուսումնական կենտրոնի ղեկավարը, 1998-1999 թվականներին` ՀՀ Նախագահի քաղխորհրդի տնտեսական հանձնախմբի նախագահ։
1999-2000 թվականներին զբաղեցրել է Զբոսաշրջության զարգացման հայկական միության նախագահի պաշտոնը, 2000-2001 թվականին եղել է ՀՀ արտգործնախարարի խորհրդական և միջազգային կազմակերպությունների բաժնի պետ, 2001-2002 թվականներին աշխատել է ՀՀ կառավարությանն առընթեր արտակարգ իրավիճակների վարչության միջազգային բաժնի պետ, 2002-2003 թվականներին` Ռազմավարական և ազգային հետազոտությունների կենտրոնի գիտական ղեկավար։ 2003 թվականին հիմնել է «Այլընտրանք» հետազոտական կենտրոնը։
2003 թվականի մայիսի 25-ին Հայաստանի Հանրապետության Ազգային ժողովի պատգամավոր է ընտրվել «Արդարություն» դաշինքի համամասնական ընտրացուցակով[2]։ Եղել է Ազգային ժողովի ֆինանսավարկային, բյուջետային և տնտեսական հարցերի մշտական հանձնաժողովի անդամ, «Արդարություն» խմբակցության անդամ, իսկ 2006 թվականի սեպտեմբերից ընդգրկված չէ խմբակցություններում և պատգամավորական խմբում։
Անկուսակցական։
Մոտ 500 գիտական հոդվածների և 10 մենագրության հեղինակ է[3]։
Ամուսնացած է, ունի չորս երեխա։ Հայրը՝ հայ խորհրդային տնտեսագետ, տնտեսագիտական գիտությունների դոկտոր, պրոֆեսոր, ԽՄԿԿ անդամ Նորայր Մանասերյանն է։
Ծանոթագրություններ
խմբագրել- ↑ «Թաթուլ Մանասերյան. «Առաջին հերթին չպետք է թույլ տալ գյուղերի ամայացումը. դա մեծ աղետ է համայնքների բ». syuniacyerkir.am. Վերցված է 2020 թ․ դեկտեմբերի 24-ին.
- ↑ «Tatul Manaseryan - armeniapedia.org». www.armeniapedia.org. Վերցված է 2020 թ․ դեկտեմբերի 24-ին.
- ↑ «National Assembly of Armenia | Official Web Site | parliament.am». www.parliament.am. Վերցված է 2020 թ․ դեկտեմբերի 24-ին.