Ընկուզեք (Խութի գավառ)

Անվան այլ կիրառումների համար տե՛ս՝ Ընկուզեք (այլ կիրառումներ)

Ընկուզեք, գյուղ Արևմտյան Հայաստանում, Բիթլիսի վիլայեթի Խութ-Բռնաշենի գավառակում։ Գտնվում է Անդոկ լեռանահամակարգի Սխտորաքարի փեշերին՝ պտղատու այգիների մեջ։

Գյուղ
Ընկուզեք
Վարչական տարածք	Արևմտյան Հայաստան
Վիլայեթ	Բիթլիսի վիլայեթԲիթլիսի վիլայեթ
Գավառակ	Խութ-Բռնաշենի գավառակ
Այլ անվանումներ	Ենկեզիկ, Ընկեզըկ, Ընկուզակ, Ընկուզիկ, Ընկուզիք, Ընկուզնաք, Ինգուզինք, Ինգուզնակ, Ինկուզնակ, Հավատուս, Հինգուզակ
Պաշտոնական լեզու	Հայերեն
Բնակչություն	138 մարդ (1909)
Ազգային կազմ	Հայեր (մինչև Մեծ եղեռնը), քրդեր
Կրոնական կազմ	Քրիստոնյա (մինչև Մեծ եղեռնը), այլ
Տեղաբնականուն	ընկուզեքցի
Ժամային գոտի	UTC+3

Եղել է գրչության կենտրոն։

Պատմություն

Ընկուզեքի մասին առաջին հիշատակությունը վերաբերվում է 1445 թ.-ին։ Կոնդակում նշված էր, որ գյուղը պատկանում էր Եղրդուտի Ս. Հովհաննես վանքին։

Բնակչությանը բռնությամբ տեղահանվել են 1915 թվականի Մեծ եղեռնի ժամանակ։ Նրանց մեծ մասը զոհվել է աքսորի ճանապարհին։

Բնակչություն

1909 թվականին գյուղն ուներ 25 տուն՝ 138 հայ և քուրդ բնակչով։

Պատմամշակութային կառույցներ

Ընկուզեքն ուներ երեք եկեղեցի.

• Ս. Մամաս
• Ս. Հակոբ
• Ս. Ստեփանոս

Տես նաև

• Բիթլիսի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 108)։