Էուգեն Ռաննետ (էստ․՝ Eugen (Egon) Rannet, նոյեմբերի 29, 1911(1911-11-29)[1], Տալլին - նոյեմբերի 1, 1983(1983-11-01)[1], Տալլին), խորհրդային և էստոնացի դրամատուրգ, արձակագիր և սցենարիստ, Էստոնական ԽՍՀ վաստակավոր գրող, Էստոնիայի գրողների միության անդամ:

Էուգեն Ռաննետ
էստ․՝ Eugen Rannet
Ծնվել էնոյեմբերի 29, 1911(1911-11-29)[1]
ԾննդավայրՏալլին
Մահացել էնոյեմբերի 1, 1983(1983-11-01)[1] (71 տարեկան)
Մահվան վայրՏալլին
ԳերեզմանԱնտառային գերեզմանատուն
ՔաղաքացիությունFlag of Estonia.svg Էստոնիայի Հանրապետություն
Մասնագիտությունհեղինակ և գրող
Պարգևներ և
մրցանակներ
«Պատվո նշան» շքանշան Աշխատանքային Կարմիր դրոշի շքանշան և Ժողովուրդների բարեկամության շքանշան

ԿենսագրությունԽմբագրել

Էուգեն Ռաննետը ծնվել է 1911 թվականի նոյեմբերի 16-ին, Էստոնիայի մայրաքաղաք Տալլինում, երկաթուղագործի ընտանիքում: Ծննդավայրում կրթություն ստանալուց հետո աշխատել է որպես քարագործ, ներկարար, սևագործ բանվոր: Գրել սկսել է 1940 թվականից[2]: 1941 թվականին Հայրենական մեծ պատերազմի սկսվելուն պես կամավոր մեկնել է ռազմաճակատ:

Ստեղծագործական կյանքԽմբագրել

Զորացրվելուց հետո սկսել է գրել ակնարկներ, պիեսներ, պատմվածքներ: 1950 թվականին Վ. Կինգիսեպի անվան թատրոնում բեմադրվել է նրա «Խիղճը» պիեսը, որը նրան ճանաչում է բերել: Գրել է մի շարք պիեսներ, որոնցից են «Անառակ որդին», «Որսագողեր», «Քրեական տանգո» և այլն: Գրողի ստեղծագործություններում ներկայացված են էստոնական գյուղական սովորույթները:

Հեղինակել է «Արևին ու անձրևին» և «Երգի ընկեր» ֆիլմերի սցենարները:

1959 թվականից Ռաննետի պիեսները սկսել է տեղ գտնել նաև Հայաստանի տարբեր թատրոններում:

Հայկական թատրոններում բեմադրված պիեսներԽմբագրել

  • «Անառակ որդին»` Նոր Բայազետի (Գավառ), Արտաշատի, Ստեփանակերտի. Լենինականի (Գյումրիի), Կապանի, Ապարանի, Կիրովականի (Վանաձորի) թատրոններ
  • «Քրեական տանգո»` Արտաշատի, Կամոյի (Գավառի), Կապանի, Գորիսի, Ստեփանակերտի, Թբիլիսիի պետթատրոններ, Սպիտակի, Իջևանի, Նոյեմբերյանի, Արթիկի, Էջմիածնի Շամշադինի ժողովրդական թատրոններ

ԾանոթագրություններԽմբագրել

  1. 1,0 1,1 1,2 1,3 1,4 Bibliothèque nationale de France идентификатор BNF (фр.): տվյալների բաց շտեմարան — 2011.
  2. Բ. Հովակիմյան, Թատերական օրացույց, Երևան, 2011, էջ 69-70

Արտաքին հղումներԽմբագրել