Էմմի (երգչուհի)

Անվան այլ կիրառումների համար տե՛ս՝ Էմմի (այլ կիրառումներ)

Էմմի (իսկական անունը՝ Էմմա Դավիթի Բեջանյան, ապրիլի 12, 1984(1984-04-12), Երևան, Հայկական ԽՍՀ, ԽՍՀՄ), հայ փոփ երգչուհի է։ Մասնակցել է Եվրատեսիլ 2011 երգի մրցույթին, որտեղ կիսաեզրափակչում զբաղեցրել է 11-րդ հորիզոնականը, ինչը նրան թույլ չտվեց անցնել եզրափակիչ փուլ։

Էմմի
Ի ծնե անուն	Էմմա Բեջանյան
Ծնվել է	ապրիլի 12, 1984 (40 տարեկան) Երևան, Հայկական ԽՍՀ, ԽՍՀՄ
Երկիր	Հայաստան
Ժանրեր	փոփ
Մասնագիտություն	Երգչուհի
Գործիքներ	վոկալ
Գործունեություն	1993-ից

Կարիերա

Էմմին ծնվել է 1984 թվականի ապրիլի 12-ին Երևանում՝ խորհրդային ջազային երգչուհի Նադեժդա Սարգսյանի և ջազային դաշնակահար Դավիթ Բեջանյանի ընտանիքում։ Էմմիի գործունեությունը սկսվել է այն բանից հետո, երբ նա 1990 թվականին ձայնագրեց իր առաջին «Հայաստան» երգը և թողարկեց դրա վիդեոն։ Շուտով նա ստացավ Հայաստանի, Ռուսաստանի և այլ երկրների երգի մրցույթների պարգևներ։ 1994-2000 թվականներին նա երգել և հյուրախաղերի է մեկնել «Հայեր» փոփ-խմբի կազմում։ Ներկայումս երգչուհին բացել է իր պրոդյուսերական «Emmy-B» կենտրոնը և զբաղվում է Հայաստանի երիտասարդ տաղանդների գործունեությամբ։ Եղել է նաև «Իքս-Ֆակտոր 3» ժյուրիի անդամ։

Մասնակցությունը Եվրատեսիլին

Էմմի երկու անգամ մասնակցել է հայկական ընտրական փուլին Եվրատեսիլ։ 2010 թվականին նա երգիչ Միհրանի հետ կատարել է "Let Me Hear You Say" երգը, նրանք զբաղեցրել են երկրորդ տեղը, իսկ առաջին տեղը զբաղեցրել է Եվա Ռիվասը։ 2011 թվականին Էմմին Եվրատեսիլում Հայաստանը ներկայացրել է "Boom Boom" երգով, սակայն չի կարողացել եզրափակիչ անցնել։

Սկավառակագրություն

• 2006 - Էմմի
• 2007 - Ոչ 1-ին չասես (Սուպեր Սաքոյի հետ)
• 2011 - Բում Բում

Արտաքին հղումներ

• «All's Forgotten: Emmy says she's overcome «confusion», ready to wave tricolor at Eurovision». Arts and Culture (անգլերեն). ArmeniaNow.com. 2010 թ․ դեկտեմբերի 13. Արխիվացված է օրիգինալից 2013 թ․ հունիսի 14-ին. Վերցված է 2013 թ․ հունիսի 14-ին.