Դավիթ Բեջանյան (քանդակագործ)

Անվան այլ կիրառումների համար տե՛ս՝ Դավիթ Բեջանյան (այլ կիրառումներ)

Դավիթ Հովհաննեսի Բեջանյան (հունվարի 9, 1944(1944-01-09), Երևան, Հայկական ԽՍՀ, ԽՍՀՄ - փետրվարի 21, 2011(2011-02-21), Երևան, Հայաստան), հայ քանդակագործ, երաժիշտ։

Դավիթ Բեջանյան
Ծնվել է	հունվարի 9, 1944(1944-01-09)
Ծննդավայր	Երևան, Հայկական ԽՍՀ, ԽՍՀՄ
Մահացել է	փետրվարի 21, 2011(2011-02-21) (67 տարեկան)
Վախճանի վայրը	Երևան, Հայաստան
Քաղաքացիություն	Հայաստան
Կրթություն	Երևանի միջնակարգ մասնագիտական երաժշտական դպրոց Չայկովսկու անվան (1960), Փանոս Թերլեմեզյանի անվան գեղարվեստի պետական քոլեջ և Երևանի պետական գեղարվեստաթատերական ինստիտուտ
Ստեղծագործություն(ներ)	Առնո Բաբաջանյանի հուշարձան
Մասնագիտություն	քանդակագործ և երաժիշտ
Աշխատավայր	Երևանի պետական գեղարվեստաթատերական ինստիտուտ
Ամուսին	Նադեժդա Սարգսյան
Ծնողներ	հայր՝ Հովհաննես Բեջանյան
Պարգևներ և մրցանակներ	Հայաստանի արվեստի վաստակավոր գործիչ
Անդամություն	Հայաստանի նկարիչների միություն
Երեխաներ	Էմմի
David Bejanian Վիքիպահեստում

Քանդակագործ Հովհաննես Բեջանյանի որդին, Հայաստանի մշակույթի վաստակավոր գործիչ Նադեժդա Սարգսյանի ամուսինը, երգչուհի Էմմիի հայրը։

Կենսագրություն

• 1950-1960 թվականներին սովորել է Երևանի Չայկովսկու անվան երաժշտական դպրոցում։
• 1950 թվականին սովորել է Թերլեմեզյանի անվան գեղարվեստի ուսումնարանում։
• 1960 թվականից սովորել է Երևանի գեղարվեստաթատերական ինստիտուտում։
• 1967-1970 թվականներին որպես դաշնակահար հանդես է եկել «Կռունկ», 1971-1978 թվականներին՝ «Սերպանտին» վոկալ-գործիքային անսամբլներում, հեղինակ է մի շարք Էստրադային երգերի («Կաբարե», «Սպասում եմ քեզ», «Աշնանային մեղեդի», «Ամեն վայրկյան» և այլն)։
• 1972 թվականից եղել է Հայաստանի նկարիչների միության անդամ։
• 1972-1990 թվականներին մասնակցել է համամիութենական և միջազգային ցուցահանդեսների և մրցույթների։
• 1972-1992 թվականներին եղել է Երևանի գեղարվեստի ակադեմիայի դասախոս, դոցենտ։
• 1992-1999 թվականներին եղել է «Հայեր» մշակութային կենտրոնի անդամ։
• 1999-2007 թվականներին եղել է «Էմի Բի» պրոդյուսերական կենտրոնի գեղարվեստական ղեկավարը։

Եղել է նաև բազմաթիվ հեռուստատեսային հաղորդումների, գեղարվեստական և կարճամետրաժ ֆիլմերի բեմադրող-նկարիչը։

• 1973 թվականից կերտել է բազմաթիվ մոնումենտալ հուշարձաններ, որոնք տեղադրվել են Երևանում և աշխարհի բազմաթիվ քաղաքներում։

Ստեղծագործություններ

• «Հավերժության ժապավեն» (Երևան-Սևան խճուղի, 1979 թվական)
• «Մեսրոպ Մաշտոց և Սահակ Պարթև» (Քյոլնի հայկական եկեղեցի, 1992 թվական)
• «Շնորհակալություն» (Բոնն, 1993 թվական)
• «Քրիստոսը և 12 առաքյալները» (Լիոնի Սբ. Հակոբ եկեղեցի, 1994 թվական)
• Առնո Բաբաջանյանի հուշարձան (Երևան, 2003 թվական)

Պատկերասրահ

• 

  Առնո Բաբաջանյանի հուշարձանը Երևանում

• 

  «Հավերժության ժապավեն» (Երևան-Սևան խճուղի, 1979)

• 

  Երկրորդ աշխարհամարտում զոհվածների հուշարձան Արմավիրի մարզի Նոր Արտագերս գյուղում, քանդակագործ՝ Դավիթ Բեջանյան, ճարտարապետ.՝ Ս. Մկրտչյան