Նադեժդա Սարգսյան
Նադեժդա Վիգենի Սարգսյան (հոկտեմբերի 17, 1954, Երևան, Հայկական ԽՍՀ, ԽՍՀՄ - հուլիսի 2, 2018[1], Երևան, Հայաստան), հայ երգչուհի, ՀՀ մշակույթի վաստակավոր գործիչ (2010)։
| Նադեժդա Սարգսյան | |
|---|---|
 | |
| Հիմնական տվյալներ | |
| Ծնվել է | հոկտեմբերի 17, 1954 Երևան, Հայկական ԽՍՀ, ԽՍՀՄ |
| Երկիր |  Հայաստան |
| Մահացել է | հուլիսի 2, 2018[1] (63 տարեկան) Երևան, Հայաստան |
| Մասնագիտություն | երգչուհի |
| Գործիքներ | վոկալ |
| Կրթություն | Ռուսաստանի թատերական արվեստի համալսարան (1992) |
| Ամուսին | Դավիթ Բեջանյան |
| Պարգևներ | |
Քանդակագործ Դավիթ Բեջանյանի կինն է, երգչուհի Էմմիի մայրը։
Կենսագրություն
խմբագրել1971 թվականին ավարտել է Հայֆիլմի կինոդերասանի ստուդիան, 1992 թվականին՝ Մոսկվայի թատերարվեստի ինստիտուտը։ 1973-1978 թվականներին` «Սերպանտին» վոկալ-գործիքային անսամբլի, 1978-1987 թվականներին` Հայաստանի պետական էստրադային նվագախմբի մենակատար, 1988-1992 թվականներին՝ «Հայեր» անսամբլի և մշակութային կենտրոնի գեղարվեստական ղեկավար, 1992 թվականից, միաժամանակ՝ «Էնի Բի» պրոդյուսերական կենտրոնի տնօրեն, «Դո-ռե-մի» մրցույթի և վոկալ ստուդիայի հիմնադիր և գեղարվեստական ղեկավար, 2003 թվականից՝ Երևանի մշակույթի պետական քոլեջի տնօրեն։ 1995-1999 թվականներին եղել է ՀՀ Ազգային Ժողովի պատգամավոր, ֆինանսավարկային, բյուջետային և տնտեսական հարցերի մշտական հանձնաժողովի անդամ։ 2007 թվականից Հայաստանի հանրային հեռուստաընկերությունում եղել է բազմաթիվ նախագծերի պրոդյուսեր՝ «Տարեմուտի երեկո 2008», «Երկու աստղ» և այլն։ 2008-2009 թվականներին եղել է «Մանկական Եվրատեսիլ» և «Նոր ալիք» երգի միջազգային մրցույթների Հայաստանը ներկայացնող պրոդյուսեր, նաև ընդգրկվել է Հանրային խորհրդի «Կրոնի, սփյուռքի և միջազգային ինտեգրման» հանձնաժողովում։ Հյուրախաղերով եղել է աշխարհի 40 երկրներում։ Երգացանկում են՝ Կոնստանտին Օրբելյանի, Ռոբերտ Ամիրխանյանի, Մելիք Մավիսակալյանի, Արամ Սաթյանի, Ստեփան Շաքարյանի և այլոց երգերից[2]։
Մահ
խմբագրելՄահացել է 2018 թվականի հուլիսի 2-ին Նաիրի բժշկական կենտրոնում[3]։ Թաղված է Երևանի քաղաքային պանթեոնում։
Պարգևներ, մրցանակներ
խմբագրել- Երևանի քաղաքապետի ոսկե մեդալ, (2016)[4]
- Հայաստանի Հանրապետության մշակույթի վաստակավոր գործիչ (2010)[5],
- Միջազգային փառատոնի դափնեկիր, Սոչի, (1977),
- Համամիութենական մրցույթի դափնեկիր, Ռիգա, (1976)։
Ծանոթագրություններ
խմբագրել- ↑ 1,0 1,1 1,2 Մահացել է ՀՀ վաստակավոր արտիստ Նադեժդա Սարգսյանը
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ «Մահացել է Նադեժդա Սարգսյանը». Վերցված է 2018 թ․ հուլիսի 3-ին.
- ↑ «yerevan.am | ՔԱՂԱՔԱՊԵՏԻ ՈՐՈՇՈՒՄՆԵՐ». www.yerevan.am. Վերցված է 2016 թ․ հոկտեմբերի 10-ին.
- ↑ ՀՀ պատվավոր կոչումներ շնորհելու մասին
Արտաքին հղումներ
խմբագրելԱյս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|