Էմի Մեդիգան

Էմի Մեդիգան (անգլ.՝ Amy Madigan, սեպտեմբերի 11, 1950(1950-09-11), Չիկագո, Իլինոյս, ԱՄՆ), ամերիկացի դերասանուհի։ Կրթությունը ստացել է Միլուոքիում, Մարքեթ համալսարանում, նաև սովորել է Չիկագոյի երաժշտական կոնսերվատորիայում և Լի Ստրասբերգի թատրոնի և կինոյի ինստիտուտում։ 1970 թվականին տեղափոխվում է Լոս Անջելես, որտեղ մի քանի տարի անց սկսվում է նրա դերաասանական կարիերան։ 1970-ականների վերջին Մեդիգանը մասնակցել է ամերիկացի ֆոլկ երաժիշտ Սթիվ Գուդմանի համերգային շրջագայությանը՝ նվագելով սինթեզատոր, հարվածային գործիքներ, և նաև երգելով երգեր։ 1985 թվականին դերասանուհին նոմինացվել է «Օսկար» մրցանակաբաշխության «Երկու անգամ կյանքում» ֆիլմում Սաննիի դերի համար։ Նա հաջող դերեր է ունեցել «Սիրո երեխան» (1982), «Ճանապարհները կրակի մեջ» (1984), «Տեղեր սրտում» (1984), «Արքայազնը Փենսիլվանիայից» (1988), «Նրա երազանքների դաշտը» (1989), «Մութ կեսը» (1993), «Փոլլոք» (2000), «Նախագիծ Լյարամի» (2002) և «Հաջողություն, փոքրիկս, հաջողություն» (2007) ֆիլմերում, նաև «Կառնավալ», «Մտածել ինչպես հանցագործ» և «Կրքի անատոմիա» հեռուստասերիալներում։

Էմի Մեդիգան անգլ.՝ Amy Madigan
Ծնվել է	սեպտեմբերի 11, 1950 (73 տարեկան)
Ծննդավայր	Չիկագո, ԱՄՆ
Կրթություն	Մարկետ համալսարան, Լի Ստրասբերգի թատրոնի և կինոյի ինստիտուտ և Ռուզվելտի համալսարան
Քաղաքացիություն	ԱՄՆ
Մասնագիտություն	Դերասանուհի
Ակտիվ շրջան	1981 — այժմ
Ամուսին(ներ)	Էդ Հարիս
Պարգևներ և մրցանակներ	Թատերական համաշխարհային մրցանակ և Sitges Film Festival Best Actress award?
IMDb	ID 0001496
Էմի Մեդիգան՝ Վիքիպահեստ

1983 թվականին Էմի Մեդիգանը ամուսնացած է Էդ Հարիսի հետ։ Զույգն ունի դուստր՝ Լիլին։

Մրցանակներ

• Կատալոնիայի կինոփառատոն 1984՝ «Մրցանակ Մարիա լավագույն կանացի դերի համար» («Ճանապարհները կրակի մեջ»)
• Ոսկե գլոբուս 1989՝ «Լավագույն երկրորդ պլանի դերասանուհի սերիալում, մինիսերիալում կամ հեռուստաֆիլմում» («Ռոյը ընդդեմ Ուեյդի)

Արտաքին հղումներ

• Էմի Մեդիգան (անգլ.) Internet Movie Database կայքում