Էլ Մինիա
Էլ Մինիա, Եգիպտոսի Մինիա մուխաֆազայի վարչական կենտրոնը։ Կան բրդյա, բամբակյա, սննդի արդյունաբերություններ։ Գործում է երկաթուղային կայարան Կահիրե-Ասուան ճյուղում։
| Բնակավայր | |||
|---|---|---|---|
| Էլ Մինիա | |||
| |||
 | |||
| Երկիր |  Եգիպտոս | ||
| Համայնք | Էլ Մինյա | ||
| ԲԾՄ | 49±1 մետր | ||
| Բնակչություն | 236 043 մարդ (նոյեմբերի 11, 2006)[1] | ||
| Ժամային գոտի | UTC+2 | ||
| Փոստային դասիչ | 61111 | ||
| |||
Բնակչությունը կազմում է 235 733 բնակիչ 2005 թվականի դեկտեմբերի 31-ի տվյալներով։ Քաղաքի անունը գալիս է հին եգիպտական փոքր Հուֆա անունից[փա՞ստ]: Ղպտիերեն լեզվով քաղաքը կոչվում էր Տմունե կամ Տմոնե, ինչը նշանակում է «բնակության վայր», քանի որ Մինիայից 20 կմ հեռավորության վրա՝ Նեղոսի արևելյան ափին, գտնվում է վանք, որը կառուցվել է Սուրբ Աստվածածին անունով։ Վանքում հատուկ տեղ է գրավում այն տաճարը, որը կառուցվել է 328 թվականին Ելենա կայսրուհու կողմից այն քարանձավում, որտեղ, ըստ լեգենդի, ապաստան է գտել Սուրբ ընտանիքը Եգիպտոս փախչելու ժամանակ։ Էլ Մինիայում հայտնաբերվել է Հուդայի ավետարանի ղպտիերեն տեքստը՝ Չակոսի օրենսգրքի կազմում։ Քաղաքում կա համալսարան։ Էլ-Մինյան կառուցված է այնպես, որ նրա փողոցների մեծ մասը հատվում են ուղիղ անկյան տակ։ Քաղաքում բազմաթիվ հին գաղութային առանձնատներ են մնացել, որոնք իտալացի ճարտարապետները կառուցել են տեղի բամբակյա մագնատների համար։
Վերին Եգիպտոսի Մարգարիտ
խմբագրելՄինիան գտնվում է Նեղոսի արևմտյան ափին։ Տեղի բնակիչներն այն անվանում են «Վերին Եգիպտոսի Մարգարիտ» ( արաբ․՝ عروس الصعيد Մասրի عروسة الصعيد, բառացի՝ հարսնացու կամ Վերին Եգիպտոսի ջրահարս)։ Քաղաքը զբաղեցնում է ռազմավարական դիրք միջին Եգիպտոսում՝ հարավի և հյուսիսի միջև։ Անունը կարող է առնչվել հայտնի հին եգիպտական ավանդույթին կամ զոհաբերական ծեսին, երբ կնոջ արձանիկը գցվել է Նեղոսի ջրերի մեջ որպես զոհաբերություն, որպեսի լինի գետի վաղ և բարձր վարարում։
Խոշոր հնագիտական գտածոներ
խմբագրել2018 թվականի փետրվարին հայտնաբերվել է 2,5 հազար տարվա քրմական դամբարանադաշտ։ Գերեզմանները պատկանում են քրմերի ու պաշտոնյաների։ Սարկոֆագներում եղել են բազմաթիվ թանկարժեք իրեր, այդ թվում՝ զարդեր և հազարավոր արձանիկներ[2][3]։ 2019 թվականի փետրվարին պեղվել է դամբարանադաշտ (փարավոնների արքայատոհմի ուշ շրջան, Պտղոմեոսի օրոք (մ.թ.ա. IV-I դարերում), Էլ Մինիա նահանգում՝ Թունա էլ Գաբալի շրջանում։ Մոտ 10 մետր խորությամբ գետնի տակ հայտնաբերվել են տարբեր սեռի, տարիքի և սոցիալական պատկանելության մումիաներով սարկոֆագներ։ 40 մումիաներից տասը երեխաների են[4]։
Ծանոթագրություններ
խմբագրել- ↑ http://www.citypopulation.de/Egypt-Cities.html
- ↑ В Египте нашли усыпальницу жрецов с 40 саркофагами
- ↑ «الاعلان عن كشف اثري جديد بتونا الجبل بمحافظة المنيا». Արխիվացված է օրիգինալից 2018 թ․ փետրվարի 24-ին. Վերցված է 2019 թ․ հուլիսի 9-ին.
- ↑ В Египте обнаружен некрополь эллинистического периода с десятками мумий
Արտաքին հղումներ
խմբագրել- Falling Rain Genomics, Inc. «Geographical information on Al Minya, Egypt» (անգլերեն). Արխիվացված է օրիգինալից 2008 թ․ մարտի 12-ին. Վերցված է 2008 թ․ մարտի 30-ին.
 | Վիքիպահեստն ունի նյութեր, որոնք վերաբերում են «Էլ Մինիա» հոդվածին։ |