Էլիզաբեթ Պենյա

Էլիզաբեթ Պենյան (անգլ.՝ Elizabeth Peña, սեպտեմբերի 23, 1959(1959-09-23), Էլիզաբեթ, Նյու Ջերսի, ԱՄՆ - հոկտեմբերի 14, 2014(2014-10-14), Լոս Անջելես, Կալիֆոռնիա, ԱՄՆ), ամերիկացի դերասանուհի։ Առավել հայտնի է «Մարտկոցները չեն գործադրվում», «Պիկ ժամ», «Նպատակ 2։ Կյանքն ինչպես երազ» ֆիլմերից։

Էլիզաբեթ Պենյա
Ծնվել է	սեպտեմբերի 23, 1959(1959-09-23)
Ծննդավայր	Էլիզաբեթ, Նյու Ջերսի, ԱՄՆ
Մահացել է	հոկտեմբերի 14, 2014(2014-10-14) (55 տարեկան)
Մահվան վայր	Լոս Անջելես, Կալիֆոռնիա, ԱՄՆ
Կրթություն	Ֆիորելլո Հ. ԼաԳուադրդիա Ավագ դպրոց
Քաղաքացիություն	ԱՄՆ
Մասնագիտություն	դերասանուհի, թատրոնի դերասանուհի, հեռուստատեսային դերասանուհի, կինոդերասանուհի և ձայնային դերասանուհի

Կենսագրություն

Էլիզաբետ Պենյան ծնվել է 1959 թ.-ի սեպտեմբերի 23-ին Նյու Ջերսիում։ Նրա ծնողները եղել են թատրոնի դերասաններ։ Պենյան ավարտել է Նյու-Յորքի բարձրագույն վճարովի դպրոցը, որտեղ սովորել է Վինգ Ռեյմսի և Էվո Մորալեսի հետ։

Կարիերա

Պենյան կարիերան սկսել է էպիզոդային դերերով այնպիսի ֆիլմերում, ինչպիսիք են՝ «Բոլորը ծիծաղում էին», «Կենգնին և Լեյսին»։ Նրա առաջին նշանակալի դերը եղել է 1986 թ.-ին «Առանց գումարի` Բեվեռլի Հիլսում» ֆիլմում, իսկ 1987 թ.-ին՝ «Մարտկողները չեն գործադրվում» ֆիլմում։ 1987-ից 1988 թթ.-ն Պենյան նկարահանվել է «Ես ամուսնացած եմ Դորայի հետ» սիթքոմում, իսկ 1990 թ.-ին՝ «Կպույտ փողպատ» ֆիլմում։ Նույն թվականին հանդես է եկել «Յակոբի սանդուղքը» սարսափ ֆիլմի գլխավոր դերում։ 1992 թ.-ին խաղացել է «Պարը ջրի վրա» դրամայում և «Փախստականը մեզ հետ» հեռուստասերիալում, 1996-ին՝ «Շերիֆի աստղերը» ֆիլմում։ 1998 թ.-ին խաղացել է «Պիկ ժամ» կատակերգությունում Քրիս Թաքերի և Ջեքի Չանի հետ։ 2001 թ.-ին «Կրիայի ապուր» կատակերգությունում հանդես է եկել գլխավոր դերերից մեկում։ 2002 թ.-ին կրկին գլխավոր դերում հանդես է եկել «Հոլիվուդյան մայրիկի գաղտնիքը» հեռուստասերիալում։ Պենյան նաև բարձրաձայնել է մուլտֆիլմերում։ 2007 թ.-ին Պենյան խաղացել է 2 կարևոր ֆիլմերում՝ «Նպատակ 2։ Կյանքն ինչպես երազ» և «Դինոզավրերի պատերազմը»։ 2011 թ.-ին նկարահանվել է «Իդեալական ընտանիք» ֆիլմում՝ Քեթլին Թըրների հետ։ Պենյայի վերջին դերը եղել է Մարիա Սանդովայի դերը «Մատադոր» ֆիլմում 2014 թ.-ին։

Անձնական կյանքը

1988 թ.-ին Պենյան ամուսնացել է Վիլյամ Սթիվերի հետ։ Նրանք ունեցել են 2 երեխա։ Նրանց ամուսնությունն ավարտվել է ամուսնալուծությամբ։ 1994 թ.-ին Պենյան ամուսնացել է 2-րդ անգամ՝ Հանս Ռոլլայի հետ։ Այս անգամ նույնպես ունեցել են 2 երեխա։

Պենյան մահացել է 2014 թ.-ի հոկտեմբերի 14-ին Լոս-Անջելեսում` 55 տարեկան հասակում։ Մահվան պատճառը եղել է լյարդի ցիրոզը` ալկոհոլի չարաշահման հետևանքով։ Դրա արդյունքում Պենյայի մոտ սկսվել է սուր աղիքային արյունահոսություն և սիրտը միանգամից կանգ է առել։

Ֆիլմագրություն

• Բոլորը ծիծիաղում են (1981) - Ռիտա
• Կեգնին և Լեյսին (1985) - Ադելիտա Կարենա
• Առանց գումարի՝ Բեվեռլի Հիլսում (1986) - Կառմեն
• Մարտկոցները չեն գործադրվում (1987) - Մարիսա Էստևալ
• Ես ամուսնացած եմ Դորայի հետ (1987-1988) - Դորա Կալդերոն
• Շենոնայի գործարքը (1989) - Լյուսի Ակոստա
• Պարը ջրի վրա (1992) - Ռոզա
• Ինչպես ֆիլմում (1993) - Դեբռա
• Լոս Անջելեսի օրենքը (1993-1994) - Ջինկս Բալդասերի
• Զավթիչները (1995) - Էլեն Գառզա
• Շերիֆի աստղը (1996) - Պիլառ
• Երկու (1996) - Էլիզաբեթ Գեյտան
• Պիկ ժամ (1998) - գործակալ Ջոնսոն
• Լրտեսը (1998) - Ռոզարիո Էյմս
• Նախկին սերը (2001)
• Զիգ-Զագ (2002) - Տիկին Տեյտ
• Հոլիվուդյան մայրիկի գաղտնիքը (2004) - Թերեզա Շո
• Առանց հետքի (2005) - Ռոզի Դիաս
• Կորած քաղաքը (2005) - Միլիցիանա Մունոս
• Ամերիկյան հայրիկ (2007) - Խանութի տիրուհի
• Նպատակ 2։ Կյանքն ինչպես երազ (2007) - Ռոզա Մարիա
• Մայրը և երեխաները (2009) - Ամանդա
• Առանց կոորդինատի (2011) - Ինես
• Թագավոր Ջոնը (2013) - Օլգա
• Մատադոր (2014) - Մարիցա Սանդովալ

Հղումներ

Էլիզաբեթ Պենյա Internet Movie Database կայքում