Էլիզաբեթ Բլյանիկ
Էլիզաբեթ Բլյանիկ (գերմ.՝ Elisabeth Blanik, հունվարի 30, 1966, Լիենց, Տիրոլ, Ավստրիա), ավստրիացի պետական գործիչ և քաղաքական գործիչ, Ավստրիայի սոցիալ-դեմոկրատական կուսակցության անդամ, 2016-2018 թվականներին եղել է կուսակցության Տիրոլի բաժանմունքի նախագահը։ Երկու երեխաների մայրն է։
| Էլիզաբեթ Բլյանիկ | |
.jpg)
| |
| Կուսակցություն՝ | Ավստրիայի սոցիալ-դեմոկրատական կուսակցություն |
|---|---|
| Կրթություն՝ | Վիեննայի տեխնիկական համալսարան |
| Մասնագիտություն՝ | քաղաքական գործիչ և ճարտարապետ |
| Ծննդյան օր | հունվարի 30, 1966 (58 տարեկան) |
| Ծննդավայր | Լիենց, Տիրոլ, Ավստրիա |
| Քաղաքացիություն |  Ավստրիա
|
Կենսագրություն խմբագրել
Ծնվել է 1966 թվականի հունվարի 30-ին Լիենցում։ 1972 թվականին ավարտել է միջնակարգ դպրոցը հայրենի քաղաքում։ 1980 թվականին ընդունվել է կանանց տնտեսական տեխնիկում։ Մեկ տարի անց տեղափոխ վել է Լիենցի Դաշնային առևտրային ակադեմիա, որն ավարտել է 1986 թվականին։ Նույն թվականին ընդունվել Է Վիեննայի տեխնոլոգիական համալսարանի ճարտարապետական ֆակուլտետ, որն ավարտել է ինժեների դիպլոմով 1998 թվականին։
1988-1991 թվականներին աշխատել է «Գաբեր-Կարրեր» ճարտարապետական ընկերությունում։ 1991-1992 թվականներին աշխատել է Վիեննայի Պաուլի դիպլոմավորված ինժեներների ճարտարապետական բյուրոյում։ 1992-1994 թվականներին աշխատել է Լեմբերգերի ճարտարապետական բյուրոյում։ 1998 թվականին աշխատել է Կոնեկտ-Ավստրիայում։ 1999 թվականին վերադարձել է իր հայրենի քաղաք և մինչև 2000 թվականը աշխատել Լիենցի Յունգմանի ճարտարապետական բյուրոյում։ Այնուհետև մինչև 2003 թվականը աշխատել է ճարտարապետական բյուրոյում։
Քաղաքական գործունեություն խմբագրել
2003 թվականի հոկտեմբերի 21-ին դարձել է Տիրոլի խորհրդարանի անդամ և խորհրդարանական ֆինանսական կոմիտեի անդամ։ 2003 թվականին զբաղեցրել է տասներորդ տեղը կուսակցական ցուցակում և մտել է ցամաքային խորհրդարան՝ Ավստրիայի սոցիալ-դեմոկրատական կուսակցության նախարարների կաբինետի ձևավորման շնորհիվ։ 2004 թվականի մարտից Լիենցա քաղաքի քաղաքապետի երկրորդ տեղակալն էր։ 2008 թվականի ընտրություններում երկրորդ տեղն Է զբաղեցրել Ավստրիայի սոցիալ-դեմոկրատական կուսակցության ցուցակում և, այդպիսով, հաստատուն տեղ է ստացել Տիրոլի լանդթագում։ 2011 թվականին ընտրվել է Լիենցի քաղաքապետ[1]։ 2016 թվականին կրկին վերընտրվել է այդ պաշտոնում։
Ավստրիայի սոցիալ-դեմոկրատական կուսակցության Տիրոլի բաժանմունքի կուսակցական համաժողովում, որը տեղի է ունեցել 2016 թվականի հոկտեմբերի 22-ին, նա կուսակցության նախագահ է ընտրվել ձայների 92,78 %-ով՝ փոխարինելով Ինգեբերտ Մայրային[2]։ 2018 թվականի նոյեմբերին հրաժարվել Է Ավստրիայի սոցիալ-դեմոկրատական կուսակցության Տիրոլի բաժանմունքում կուսակցական նախագահությունից։ Գեորգ Դորնաուերը նշանակվել է կուսակցության ղեկավարի պաշտոնակատար՝ 2019 թվականի մայիսի 1-ին դառնալով նրա իրավահաջորդը ավստրիացի սոցիալ-դեմոկրատների Տիրոլի բաժանմունքի արտագնա նիստում[3]։
Ծանոթագրություններ խմբագրել
- ↑ Gerhard Pirkner. «Blanik klar Bürgermeisterin von Lienz». www.dolomitenstadt.at (գերմաներեն). Dolomiten Stadt. Վերցված է 2020 թ․ փետրվարի 10-ին.
- ↑ «Blanik mit großer Mehrheit neue SPÖ-Chefin». www.tirol.orf.at (գերմաներեն). Tirol ORF. Վերցված է 2020 թ․ փետրվարի 10-ին.
- ↑ «Dornauer löst Blanik mit 1. Mai ab». www.tirol.orf.at (գերմաներեն). Tirol ORF. Վերցված է 2020 թ․ փետրվարի 10-ին.