Էդուարդ Սադոյան

Էդուարդ Դրաստամատի Սադոյան (օգոստոսի 22, 1938(1938-08-22), Երևան, Հայկական ԽՍՀ, ԽՍՀՄ - փետրվարի 21, 2018(2018-02-21)), հայ կոմպոզիտոր, ՀՀ արվեստի վաստակավոր գործիչ (2013 թ.): Հայաստանի կոմպոզիտորների միության անդամ (1979 թ.):

Էդուարդ Սադոյան
Հիմնական տվյալներ
Ծնվել է	օգոստոսի 22, 1938(1938-08-22) Երևան, Հայկական ԽՍՀ, ԽՍՀՄ
Երկիր	Հայաստան
Մահացել է	փետրվարի 21, 2018(2018-02-21) (79 տարեկան)
Մասնագիտություն	կոմպոզիտոր
Կրթություն	Երևանի Կոմիտասի անվան պետական կոնսերվատորիա
Անդամակցություն	Հայաստանի կոմպոզիտորների միություն
Պարգևներ	Հայաստանի արվեստի վաստակավոր գործիչ (2013)

Կենսագրություն

1968-1971 թվականներին որպես ազատ ունկնդիր, Մոսկվայի Չայկովսկու անվան պետական կոնսերվատորիայում հաճախել է Արամ Խաչատրյանի և Սերգեյ Բալասանյանի ստեղծագործական դասերին։ 1976 թվականին ավարտել է Երևանի Կոմիտասի անվան պետական կոնսերվատորիայի ստեղծագործական բաժինը՝ Ալեքսանդր Հարությունյանի դասարանը։ 1979 թվականից Հայաստանի կոմպոզիտորների միության անդամ է։ Հեղինակել է օպերաներ, բալետներ, սիմֆոնիաներ, կոնցերտ, լարային կվարտետներ, խմբերգեր և վոկալ-գործիքային այլ ստեղծագործություններ։

Երկեր

• «Գոյամարտ» սիմֆոնիա
• «Երեք խոսք Հայաստանի մասին» սիմֆոնիետ
• «Կյանքի ծառը» մոնո օպերա
• «Իշխանուհի Մարիա Վոլկոնսկայայի հուշագրերը» կամերային օպերա (1978 թ.)
• Կոնցերտ ֆլեյտայի և կամերային նվագախմբի համար (1981 թ.)
• «Հեյ, ո՞վ կա այստեղ» կամերային օպերա (1982 թ.)
• «Բիդստրուպի ծաղրանկարներ» կամերային նվագախմբի և մնջախաղի համար (1984 թ.)
• «Սիրո հայրեններ» սոպրանոյի և դաշնամուրի (կամ նվագախմբի) համար
• Սոնատ կլառնետի և դաշնամուրի համար (1989 թ.)
• «Սբ. Գրիգոր Լուսավորիչ» օպերա (2003 թ.)
• «Նարեկացի` ձայն առ Աստված» բալետ (2008 թ.)
• «Հրաշքների երազ» մանկական բալետ (2012 թ.)
• «Մաշտոց» օպերա (2014 թ.)