Էդուարդ Չիչյան
| Այս հոդվածը կարող է վիքիֆիկացման կարիք ունենալ Վիքիպեդիայի որակի չափանիշներին համապատասխանելու համար։ Դուք կարող եք օգնել հոդվածի բարելավմանը՝ ավելացնելով համապատասխան ներքին հղումներ և շտկելով բաժինների դասավորությունը, ինչպես նաև վիքիչափանիշներին համապատասխան այլ գործողություններ կատարելով։ |
Էդուարդ Արմանի Չիչյան (ծնվել է ք. Երևանում, 2001 թվականի հունիսի 22-ին՝ առավոտյան ժամը 4։00-ին՝ ճիշտ այն օրն ու ժամին, երբ սկսվել է Հայրենական մեծ պատերազմը)։ Արցախի 2-րդ պատերազմի առաջին իսկ օրվանից եղել է մարտական գործողությունների կիզակետում[1]։։
Պատերազմի առաջին օրվանից Էդուարդը ամենաթեժ կետերում մասնակցել է կատաղի մարտերին Ջրականի հատվածում՝ բարձր մակարդակով կատարելով իր առջև դրված մարտական խնդիրները, ինչի մասին են վկայում իր մարտական ընկերների և հրամանատարների վկայությունները։ «Առյուծի պես էր կռվում»,- փաստում է հրամանատարը։ Նույնիսկ թշնամու կողմից անհավասար պայքարում իրեն կցագրված զենքի ոչնչացումից հետո, շարունակեց պայքարը՝ օգնելով իր զինակիցներին՝ զենքի և զինամթերքի մատակարարման, լիցքավորման և սպասարկման հարցերում։
Կենսագրություն խմբագրել
2006-2014 թվականներին հաճախել է Երևանի Անանիա Շիրակացու անվան ճեմարան։
2014-2017 թվականներին սովորել է Հայ-ռուսական համալսարանին կից «Ուսմունք» դպրոցում։
2017 թվականի ամռանը Էդուարդը «Կրթություն Պրահայում» ծրագրի շրջանակներում Չեխիայի Հանրապետության Պրահա քաղաքում մասնակցել է անգլերենի կատարելագործման ծրագրի՝ ստանալով հավաստագիր։
2018 թվականի ամռանը նույն ծրագրի շրջանակներում մասնակցել է անգլերենի մեկ այլ դասընթացի, որն այս անգամ տեղի էր ունեցել Միացյալ Արաբական Էմիրությունների Աբու-Դաբի քաղաքում։
2019 թվականից կրթությունը շարունակել է Հայ-Ռուսական համալսարանի «Կառավարում» ֆակուլտետում[2], աայնուհետև զորակաչվել է Հայկական բանակ։ Առաջին վեց ամիսը ծառայել է ՀՀ ՊՆ Լուսակերտի ուսումնական զորամասում, որտեղ սովորեց և գերազանց տիրապետում էր ԲՄ-21 Գրադ տեսակի համազարկային կրակի ռեակտիվ համակարգին։ Ուսումնական զորամասում ծառայության ընթացքում ստացել է կրտսեր սերժանտի և հրամանատարի կոչում։ Այնուհետև ծառայությունը շարունակել է ՀՀ ՊՆ Կապանի զորամասում։
2020 սեպտեմբերից գտնվում էր Արցախի հարավում՝ Ջրականում, որտեղ մասնակցում էր հերթական զինավարժություններին։
2020 թվականի հոկտեմբերի 9-ից լույս 10-ի գիշերը՝ առավոտյան ժամը 4:00-ից 5:00-ի սահմաններում, պատերազմի 14-րդ օրը, Էդուարդը, իր մի քանի զինակից ընկերների հետ համատեղ գիշերային հերթապահություն իրականացնելու ժամանակ զոհվում է թշնամու անօդաչու սարքի հարվածից[3][4]։
Պարգևներ խմբագրել
Հայաստանի ՊՆ Լուսակերտի ուսումնական զորամասի կողմից շնորհակալագիր ծնողներին իրենց որդուն բարոյամարտական ոգով դաստիարակելու և հայկական բանակի շարքերին անմնացորդ ծառայելու համար։
Հայաստանի նախագահի հրամանագրով կրտսեր սերժանտ[5] Էդուարդ Արմանի Չիչյանը հետմահու պարգևատրվել է «Մարտական ծառայություն» մեդալով[6]։
Ծանոթագրություններ խմբագրել
- ↑ «Ֆիզուլիի, Ջաբրայիլի և Հադրութի հատվածներում հայտնաբերվել է ևս 35 հայ զինծառայողի և մեկ քաղաքացիական անձի աճյուն». Azatutyun.am. 2020 թ․ դեկտեմբերի 18.
- ↑ «Светлая память... Эдуард Читчян - студент I курса Российско-Армянского университета по направлению "Менеджмент" - героически погиб на фронте во время военных действий». 13 октября, 2020.
- ↑ «Մեր անմահացած հերոսները. լուսանկարներ». AraratNews. 16 հոկտեմբերի, 2020.
- ↑ «Տղաներ, ովքեր զոհվեցին հանուն հայրենիքի /լուսանկարներ/». Analitik.am. 16 հոկտեմբերի, 2020.
- ↑ «Զոհվել է կրտսեր սերժանտ Էդուարդ Չիչյանը․ «Զոհվեց 19 տարեկանում՝ կյանքի համն ու հոտը դեռ չառած»». Iravaban.net. 12 հոկտեմբերի, 2020.
- ↑ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՀՐԱՄԱՆԱԳԻՐԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՊԱՐԳԵՎՆԵՐՈՎ ՊԱՐԳԵՎԱՏՐԵԼՈՒ ՄԱՍԻՆ». president.am. 2020թ. հոկտեմբերի 19.