Զենոն (Բյուզանդիայի կայսր)

Զենոն (լատին․՝ Flavius Zeno Augustus, հունարեն՝ Ζήνων, 425, Zenopolis in Isauria, Իսավրիա - ապրիլի 9, 491 կամ 491, Կոստանդնուպոլիս, Բյուզանդական կայսրություն), բյուզանդական կայսր 474 թ. - ից մինչև 475 թ., կրկին՝ 476 թ.-ից մինչև 491։ Ներքին ընդվզումները և կրոնական գժտությունները ուղեկցել են նրա գահակալության շրջանը։ Նրան, այնուամենայնիվ, հաջողվել է որոշ հաջողությունների հասնել արտաքին քաղաքականության հարցերում, ինչը նպաստել է Բյուզանդական կայսրության կայունացմանը։ Նրա օրոք տեղի է ունեցել Արևմտյան Հռոմեական կայսրության անկումը։ Գոթերի արքա Օդոակրը գահընկեց է արել Հռոմի կայսր Հռոմուլոս Ավգուստուլոսին և ուղարկել կայսրության թագը Զենոնին՝ դրանով ճանաչելով նրա ձևական գերիշխանությունը Հռոմի նախկին արևմտյան տիրույթների նկատմամբ։

Զենոն
Ծնվել է՝	425
Ծննդավայր	Zenopolis in Isauria, Իսավրիա
Մահացել է՝	ապրիլի 9, 491 կամ 491 բնական մահով
Վախճանի վայր	Կոստանդնուպոլիս, Բյուզանդական կայսրություն
Սուրբ Առաքյալների եկեղեցի
Երկիր	Բյուզանդական կայսրություն
Տոհմ	Լևոնների հարստություն
քաղաքական գործիչ և միապետ
Երեխաներ	Լեոն II
Հավատք	քրիստոնեություն

Եկեղեցական պատմության մեջ Զենոնի հետ է կապված այսպես կոչված «Հենոտիկոնի» կամ «Միության գիր» փաստաթղթի թողարկումը, որի միջոցով նա ցանկանում էր վերջ դնել Քաղկեդոնի եկեղեցական ժողովի հավատո հանգանակն ընդունողների և մերժողների միջև վեճերին։

Վիքիպահեստն ունի նյութեր, որոնք վերաբերում են «Զենոն (Բյուզանդիայի կայսր)» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 686)։