Երաժշտական գործիքների թանգարան (Դուշանբե)

Գուրմինջ Զավկիբեկովի անվան երաժշտական գործիքների թանգարան (կրճատ` Գուրմինջի թանգարան, տաջ.՝ Осорхонаи асбобҳои мусиқии ба номи Гурминҷ Завқибеков), մասնավոր թանգարան Տաջիկստանի մայրաքաղաք Դուշանբեի կենտրոնում, Իսմոիլի Սոմոնի թաղամասում։

Երաժշտական գործիքների թանգարան
Տեսակազգային թանգարան
ԵրկիրFlag of Tajikistan.svg Տաջիկստան
ՏեղագրությունԴուշանբե
Հիմնադրված է1990
Կայքgurminj.tj/index.html

ՊատմությունԽմբագրել

Թանգարանը հիմնադրվել է 1990 թվականին, դերասան և երաժիշտ, Տաջիկական ԽՍՀ-ի ժողովրդական արտիստ Գուրմինջ Զավկիբեկովի կողմից, որի անունով էլ կոչվել է այն։ Թանգարանի հիմնադիրը ղեկավարել է այն մինչև իր կյանքի վերջը, 2003 թվականը, իսկ այդ ժամանակից ի վեր թանգարանը ղեկավարում է նրա որդին` Իկբոլ Զավկիբեկովը, որը ևս պրոֆեսիոնալ երաժիշտ է։ Թանգարանի կուրատորը Լոլա Ուլուգովան է[1]։ Ի սկզբանե թանգարանը գտնվում էր Բոխտար փողոցի վրա գտնվող այն շենքում, որտեղ ժամանակին ապրել էր Գուրմինջ Զավկիբեկովը, իսկ 2018 թվականին այն տեղափոխվել է նոր վայր` Շոթա Ռուսթավելու փողոցում` նախորդ վայրում շինարարական աշխատանքների պատճառով[2]։

ՑուցադրությունԽմբագրել

Գուրմինջի թանգարանում ցուցադրված են Տաջիկստանի ժողովուրդների ավելի քան 100 ավանդական երաժշտական գործիքներ, որոնք գլխավորապես հավաքվել են Զավկիբեկովի կողմից դեպի հայրենի շրջան` Գորնո Բադախշի ինքնավար մարզ կատարած արշավների ժամանակ։ Դրանց մեջ գերակշռում են լարային գործիքները, այն է` թառը, դուտարը, գիջակը, ռուբաբը։ Ներկայացված են նաև պամիրների նյութական մշակույթի որոշ տարրեր, որոնք կապ չունեն երաժշտության հետ։

Թանգարանում պարբերաբար անց են կացվում համերգներ, դասախոսություններ և այլ կրթական ու մշակութային միջոցառումներ։

ԾանոթագրություններԽմբագրել

  1. «Лола Улугова»։ Central Asian Culture and Arts Network։ Արխիվացված է օրիգինալից 2020-10-19-ին։ Վերցված է 2020-10-14 
  2. «Новый адрес»։ Музей Гурминджа в Душанбе։ 2018-09-03։ Վերցված է 2020-10-14 

Արտաքին հղումներԽմբագրել