Եսենիա (ֆիլմ)
Եսենիա (իսպաներեն՝ Yesenia), մեքսիկական ֆիլմ-մելոդրամա, որը նկարահանվել է 1971 թվականին, ռեժիսոր Ալֆրեդո Բ. Կրևեննայի կողմից։
 Yesenia | |
|---|---|
| Երկիր |  Մեքսիկայի Միացյալ Նահանգներ |
| Ժանր | մելոդրամա |
| Թվական | 1971 |
| Լեզու | իսպաներեն |
| Ռեժիսոր | Alfredo B. Crevenna? |
| Դերակատարներ | Ժակլին Անդերե, Իրմա Լոսանո, Աուգուստո Բենեդիկո, Իսաբելա Կորոնա և Jorge Lavat? |
| Երաժշտություն | Sergio Guerrero? |
| Տևողություն | 121 րոպե |
ՍյուժենԽմբագրել
Մոր մահից հետո Եսենիան մնում է ծեր տատի, գնչուհի Մախսիտայի խնամակալության ներքո: Մի անգամ, Եսենիան գողանում է Օսվալդո անունով սպայի դրամապանակը, որն էլ առիթ է հանդիսանում նրանց միջև ռոմանտիկ հարաբերությունների համար: Շուտով նրանք որոշում են ամուսնանալ, բայց դա այնքան էլ հեշտ գործ չէ, քանի որ Եսենիան գնչուհի էր: Այնժամ Օսվալդոն համաձայնվում է իրենց հարաբերությունները ձևակերպել գնչուական բոլոր ավանդույթներով` միայն թե լինի սիրելիի կողքին: Հարսանիքից հետո Եսենիան լքում է հարազատ թափառախումբը և բնակություն հաստատում Օսվալդոյի տանը: Սակայն շուտով Օսվալդոյին ձերբակալում են և որոշ ժամանակ անց, հոգնելով ամուսնուն սպասելուց, ում մասին նրան ոչինչ հայտնի չէր, Եսենիան կրկին վերադառնում է յուրայինների մոտ:
Մի անգամ Մախսիտան անկեղծանում է Եսենիայի առջև և պատմում, որ Եսենիան գնչուհի չէ և թափառախմբում չի ծնվել: Նրա իրական ընտանիքի անդամները ունևոր մարդիկ են և ապրում են քաղաքում: Վերջիններս ստիպված են եղել հրաժարվել Եսենիայից` հանգամանքների բերումով:
Եսենիան որոշում է այցելել նրանց, որտեղ նրան բոլորը լավ են ընդունում և պարզվում է, որ նա ունի նաև կրտսեր քույրիկ: Որոշ ժամանակ Եսենիան ապրում է այնտեղ և շուտով նրանց տուն է այցելում Օսվալդոն, ով ինչպես պարզվում է, հանդիպում էր Եսենիայի կրտսեր քրոջ հետ: Այդ ամբողջ ընթացքում նա եղել էր գերության մեջ և չէր կարողացել որոնել Եսենիային: Հանդիպելով կրկին, նրանք չեն կարողանում ապրել միմյանցից հեռու: Եսենիայի քույրը, ով ուներ սրտի լուրջ հիվանդություն, չկարողանալով համակերպվել իր սերը կորցնելու մտքի հետ, լքում է տունը և հեռանում երկրից: Օսվալդոն և Եսենիան կրկին վերագտնում են իրենց երջանկությունը:
Դերասանական կազմԽմբագրել
| Դերակատար | Կերպար |
|---|---|
| Ժակլին Անդերե | Եսենիա |
| Խորխե Լավատ | Օսվալդո |
| Իրմա Լոսանո | Լուիսա |
| Իսաբելա Կորոնա | Մախսիտա |
| Աուգուստո Բենեդիկո | Եսենիայի պապը |
| Ալիսիա Ռոդրիգես | Մարիսելա |
Նկարահանող խումբԽմբագրել
| Կինոգործիչ | Ներդրումը |
|---|---|
| Ալֆրեդո Բ. Կրևեննա | ռեժիսոր |
| Խուլիո Ալեխանդրո | սցենարիստ |
| Խոսե Օրտիս Ռամոս | օպերատոր |
| Սերխիո Գերերո | կոմպոզիտոր |
Հետաքրքիր փաստերԽմբագրել
Ֆիլմը ԽՍՀՄ կինովարձույթում դարձել էր կատարյալ ռեկորդակիր: 1975 թվականին այն դիտել է 91 միլիոն հանդիսատես[1]: Ըստ քննադատների, կինոնկարի թեման և երջանիկ ավարտը, որն ավելի շատ հիշեցնում էր Մոխրոտիկի մասին հեքիաթը, նպաստում էին ֆիլմի հաջողությանը կինովարձույթում[2]: