Եղևնին (մուլտֆիլմ)

Եղևնի (ռուս.՝ Ель), 1984 թվականին նկարահանված մուլտֆիլմ։ Ռեժիսոր Անատոլի Սոլինը նկարահանել է այն «Էկրան» ստեղծագործական միությունում, ըստ Հանս Քրիստիան Անդերսենի համանուն հեքիաթի։

Եղևնին
Տեսակ	մուլտֆիլմ
Ռեժիսոր	Անատոլի Սոլին
Սցենարիստ	Անատոլի Սոլին
Հնչյունավորում	Ալեքսեյ Բատալով
Երաժշտություն	Վիկտոր Բաբուշկին
Երկիր	ԽՍՀՄ
Ընկերություն	Էկրան
Դիստրիբյուտոր	ԽՍՀՄ հեռուստատեսության և ռադիոհեռարձակման պետական կոմիտե
Տևողություն	10 րոպե
Թվական	1984

Սյուժե

Անտառի փոքրիկ բացատում մի եղևնի կար։ Նրա տեղը լավն էր, իսկ շուրջը աճում էին ավելի մեծ եղևնիներ և սոճիներ։ Բայց եղևնին չէր համբերում, թե ինքը երբ է մեծանալու։ Աշնանը անտառ են գալիս փայտահատները և կտրում ամենամեծ ծառերը։ «Դուք չգիտե՞ք, թե ուր են նրանց տանում», հարցնում է եղևնին թռչող արագիլից։ Արագիլը պատասխանում է, որ ծովում շատ նոր նավեր է տեսել` բարձր կայմերով, և նրանցից եղևնու հոտ էր գալիս։

Երբ գալիս է ձմեռը, անտառում սկսում են կտրել մատղաշ եղևնիներ։ «Ո՞րր են նրանք գնում», հարցնում է եղևնին։ Ճնճղուկները պատասխանում են, որ իրենք եղել են քաղաքում, նայել են պատուհաններից ներս և տեսել են, որ եղևնիներին դնում են սենյակում և զարդարում փայլփլուն խաղալիքներով և մոմերով։ Սուրբ Ծնունդից առաջ եղևնին կտրում են։ Նա ուշքի է գալիս «Այս գիշեր եղևնին կփայլի» խոսքերից։ Եղևնուն զարդարում են, պայծառ տոն է կազմակերպվում երաժշտությամբ և պարերով։ Բայց հաջորդ օրը եղևնին տանում են տանիք և թողնում մթության մեջ, միայն մկներն են խոսում նրա հետ։ Իսկ ամռանը այն դուրս են հանում և գցում փայտերի մոտ։ Եղևնին հիշում է իր թարմ պատանեկությունը, ուրախ տոնը, փոքրիկ մկնիկներին։ «Պետք էր առաջ ուրախանալ, երբ դեռ կար ժամանակ», մտածում է խեղճ ծառը։

Հեղինակներ

• սցենարի հեղինակ և ռեժիսոր` Անատոլի Սոլին
• բեմադրող նկարիչ` Իննա Պշենիչնայա
• օպերատոր` Վլադիմիր Միլովանով
• կոմպոզիտոր` Վիկտոր Բաբուշկին
• հնչյունային օպերատոր` Նելլի Կուդրինա
• նկարիչներ` Իգոր Մեդնիկ, Սվետլանա Սիչկար, Օլգա Խորովա, Տ. Արեշկովա, Ն. Բազելցևա, Սեմյոն Պետեցկի, Վլադիմիր Սպորիխին
• մոնտաժող` Լյուդմիլա Ռուբան
• խմբագիր` Վ. Մեդվեդովսկայա
• տնօրեն` Լ. Վարենցովա
• տեքստը կարդում է Ալեքսեյ Բատալովը

Հեղինակները ներկայացված են ըստ մուլտֆիլմի լուսագրերի։

Վերաթողարկում

Մուլտֆիլմը DVD ձևաչափով թողարկվել է «Անդերսենի կախարդական հայելին» մուլտֆիլմի ժողովածուում։

Քննադատների արձագանք

Վերջապես պետք է առանձին խոսել այն աշխատանքների մասին, որոնցում ռեժիսորներն ասես վերադարձել են սուբծննդյան հեքիաթի, ծննդյան տոների պատմվածքի ավանդույթներին։ Այդպիսի ֆիլմերը կարելի է ինչպես ամանորյա, այնպես էլ` սուրբծննդյան անվանել։ Խորհրդային տարիներին նման բան հնարավոր էր միայն սուրբծննդյան թեմատիկայով դասական գրական ստեղծագործություններն էկրանավորելու դեպքում։ Այդպիսի օրինակներից է ռեժիսոր Ա. Սոլինի «Եղևնի» մուլտֆիլմն ըստ Անդերսենի հեքիաթի (1984)։ - Գեորգի Բորոդին, «Ամանորյա անիմացիա»

Արտաքին հղումներ

• Եղևնի մուլտֆիլմը «Անիմատոր.ռու» կայքում
• Եղևնի(1984)(անգլ.) ֆիլմը Internet Movie Database կայքում
• Каталог ТО «Экран» Արխիվացված 2016-03-24 Wayback Machine
• Анатолий Солин — Энциклопедия отечественного кино Արխիվացված 2018-01-04 Wayback Machine