Եղիշե Կիրակոսյան
- Վիքիպեդիայում կան հոդվածներ Կիրակոսյան ազգանունով այլ մարդկանց մասին։
Եղիշե Գրիգորի Կիրակոսյան (մայիսի 16, 1982, Երևան, Հայկական ԽՍՀ, ԽՍՀՄ), ՀՀ պետական գործիչ, իրավաբան, իրավաբանական գիտությունների թեկնածու։ Միջազգային իրավական հարցերով ՀՀ ներկայացուցիչ։ Անվանի տնտեսագետ Գրիգոր Կիրակոսյանի որդին է։
Եղիշե Կիրակոսյան | |
---|---|
Ծնվել է | մայիսի 16, 1982 (41 տարեկան) |
Ծննդավայր | Երևան, Հայկական ԽՍՀ, ԽՍՀՄ |
Մայրենի լեզու | հայերեն |
Կրթություն | ԵՊՀ իրավաբանական ֆակուլտետ, Ֆլեթչերի իրավունքի և դիվանագիտության դպրոց, Ջորջթաունի համալսարանի իրավունքի կենտրոն և Սթենֆորդի համալսարանի իրավաբանական դպրոց |
Գիտական աստիճան | իրավաբանական գիտությունների թեկնածու |
Կրթություն խմբագրել
- 1998-2002 թվականներին սովորել և ավարտել է ԵՊՀ իրավաբանական ֆակուլտետի բակալավրիատը։
- 2002-2004 թվականներին սովորել և ավարտել է ԵՊՀ իրավաբանական ֆակուլտետի մագիստրատուրան։
- 2004-2006 թվականներին սովորել և ավարտել է ԵՊՀ իրավաբանական ֆակուլտետի ասպիրանտուրան։ Իրավաբանական գիտությունների թեկնածու։
- 2007 թվականին սովորել և ավարտել է ԱՄՆ Թաֆթս համալսարանի Ֆլետչերի իրավունքի և դիվանագիտության դպրոցի նախարարության ուսուցման ծրագիրը։
- 2009-2010 թվականներին սովորել և ավարտել է Ջորջթաունի համալսարանի իրավունքի կենտրոնը՝ ստանալով մագիստրոսի աստիճան։
2017-2018 թվականներին սովորել է Սթենֆորդի համալսարանի իրավունքի դպրոցում ՝ ստանալով իրավագիտության մագիստրոսի աստիճան։
Աշխատանքային գործունեություն խմբագրել
- 2003-2004 թվականներին աշխատել է Եվրոպական Դատարան դիմելու իրավախորհրդատվական կենտրոնում որպես իրավախորհրդատու։
- 2005-2006 թվականներին աշխատել է ՀՀ Արտաքին գործերի նախարարության իրավաբանական վարչությունում որպես իրավախորհրդատու։
- 2006 թվականից եղել է ԵՊՀ իրավաբանական ֆակուլտետի եվրոպական և միջազգային իրավունքի ամբիոնի ասիստենտ։
- 2006-2007 թվականներին եղել է Եվրոպական իրավունքի և ինտեգրման կենտրոնի իրավաբան-փորձագետ։
- 2008 թվականի հունվարից մարտ ամիսներին եղել է ՀՀ Նախագահի ընտրությունների ԵԱՀԿ/ԺՀՄԻԳ դիտորդական առաքելության ավագ իրավաբան-վերլուծաբանի օգնական։
- 2008 թվականին նշանակվել է ՀՀ Սահմանադրական դատարանի խորհրդական։
- 2008 թվականի սեպտեմբերի 16-ին ՀՀ Վարչապետի որոշմամբ նշանակվել է Հայաստանի Հանրապետության վարչապետի օգնական[1]։
- 2012 թվականի հունվարի 17-ին ՀՀ Վարչապետի որոշմամբ ազատվել է Հայաստանի Հանրապետության վարչապետի օգնականի պաշտոնից՝ այլ աշխատանքի անցնելու կապակցությամբ[2] և ՀՀ Վարչապետի մեկ այլ որոշմամբ նշանակվել է Հայաստանի Հանրապետության արդարադատության նախարարի տեղակալ[3]։
- 2014 թվականի մայիսի 15-ին ՀՀ Վարչապետի որոշմամբ ազատվել է Հայաստանի Հանրապետության արդարադատության նախարարի տեղակալի պաշտոնից՝ իր դիմումի համաձայն[4]։ Նույն թվականի հուլիսից նշանակվել է ՀՀ Սահմանադրական դատարանի խորհրդական։
2015 հունվարից մինչև 2017 թվականի սեպտեմբեր եղել է Հայաստանի զարգացման նախաձեռնություններ հիմնադրամի գլխավոր իրավաբան։
2017-2018 թվականներին Սթենֆորդի համալսարանի իրավունքի դպրոցում հետազոտական աշխատանք է կատարել` ստանալով իրավագիտության մագիստրոսի աստիճան։ 2018 թվականի հոկտեմբերից մինչև 2019 թվականի օգոստոսը նշանակվել է ՀՀ վարչապետի խորհրդական։
2018 թվականի նոյեմբերից նշանակվել է Մարդու իրավունքների եվրոպական դատարանում ՀՀ կառավարության լիազոր ներկայացուցիչ։ 2019 թվականի օգոստոս ամսից Մարդու իրավունքների եվրոպական դատարանում ՀՀ ներկայացուցիչ է, ՀՀ իրավաբանների միության, Միջազգային իրավունքի հայաստանյան ընկերակցության անդամ։
Տիրապետում է ռուսերեն, անգլերեն և ֆրանսերեն լեզուներին։ Բազմիցս մասնակցել է Ֆիլիպ Ջեսափի անվան միջազգային իրավունքի դատախաղ-մրցույթին (Philip C. Jessup International Law Moot Court Competition)։
Ծանոթագրություններ խմբագրել
- ↑ «Ե. ԿԻՐԱԿՈՍՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ՕԳՆԱԿԱՆ ՆՇԱՆԱԿԵԼՈՒ ՄԱՍԻՆ». Արխիվացված է օրիգինալից 2019 թ․ ապրիլի 21-ին. Վերցված է 2015 թ․ հոկտեմբերի 11-ին.
- ↑ «Ե. ԿԻՐԱԿՈՍՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ՕԳՆԱԿԱՆԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ». Արխիվացված է օրիգինալից 2019 թ․ ապրիլի 21-ին. Վերցված է 2016 թ․ հունվարի 1-ին.
- ↑ «Ե. ԿԻՐԱԿՈՍՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ ՏԵՂԱԿԱԼ ՆՇԱՆԱԿԵԼՈՒ ՄԱՍԻՆ». Արխիվացված է օրիգինալից 2019 թ․ ապրիլի 21-ին. Վերցված է 2016 թ․ հունվարի 1-ին.
- ↑ «ԵՂԻՇԵ ԿԻՐԱԿՈՍՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ ՏԵՂԱԿԱԼԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ». Արխիվացված է օրիգինալից 2019 թ․ ապրիլի 21-ին. Վերցված է 2016 թ․ հունվարի 3-ին.