Զավեն Եկավյան

Վիքիպեդիայում կան հոդվածներ Եկավյան ազգանունով այլ մարդկանց մասին։

Զավեն Վարդանի Եկավյան (սեպտեմբերի 1, 1943(1943-09-01), Հալեպ, Սիրիա), արևելագետ, լեզվաբան, մշակութային գործիչ։ ՀՀ ԳԱԱ ակադեմիկոս (1998)։

Զավեն Եկավյան
Ծնվել է	սեպտեմբերի 1, 1943(1943-09-01) (80 տարեկան) Հալեպ, Սիրիա
Քաղաքացիություն	Սիրիա
Մասնագիտություն	արևելագետ և լեզվաբան
Հաստատություն(ներ)	Փարիզի համալսարան և Գալուստ Գյուլբենկյան հիմնարկություն
Անդամակցություն	ՀՀ ԳԱԱ
Ալմա մատեր	Փարիզի համալսարան (1964) և Երևանի պետական համալսարան (1969)
Տիրապետում է լեզուներին	արաբերեն և հայերեն
Պարգևներ	և

Կենսագրություն

Զավեն Եկավյանը ծնվել է Սիրիայի Հալեպ քաղաքում։ 1964 թվականին ավարտել է Սորբոնի համալսարանը, միաժամանակ` Փարիզի հասարակագիտական ակադեմիան, Արևելյան կենդանի լեզուների բարձրագույն դպրոցը, 1969 թվականին՝ Երևանի պետական համալսարանը, 1977 թվականին՝ Փարիզի պետական վարչագիտական ինստիտուտը։ 1972-1984 թվականներին դասավանդել է Սորբոնի համալսարանում, 1972-1984 թվականներին եղել է Մարի-Նուբար ուսանողական ոստանի տնօրեն, 1984-2011 թվականներին՝ Գալուստ Գյուլբենկյան հիմնարկության հայկական բաժանմունքի տնօրեն։

Մենք բոլորս Մեսրոպ Մաշտոցի զինվորներն ենք։ - Զավեն Եկավյան

Պարգևներ, մրցանակներ

• Սորբոնի համալսարանի դոկտոր, 1977 թ.
• Շվեյցարիայի պատվո շքանշան, 1994 թ.
• Սուրբ Մեսրոպ Մաշտոց պատվո շքանշան, 1995 թ.
• Ֆրանսիայի լեգեոնի ասպետ, 1995 թ.
• Վատիկանի Սուրբ Սեղբեստրոսի հրամանատարի կոչում, 1999 թ.
• Երևանի պետական համալսարանի պատվավոր դոկտոր, 2000 թ.
• Մովսես Խորենացու մեդալ, 2000 թ.
• Մեծի Տանն Կիլիկիո կաթողիկոսության ասպետի մեդալ, 2003 թ.
• Մեծի Տանն Կիլիկիո կաթողիկոսության իշխանի աստիճանի մեդալ, 2003 թ.
• Մեսրոպ Մաշտոց շքանշան, 2009 թ.

Երկեր

• Հնդեվրոպական լեզուների բառապաշարը և հայերենի տեղը, 1975 թ.
• Ֆրանս-հայերեն բառարանագրությունը 19-րդ դարում, 1976 թ.
• Մխիթարյան միաբանությունը և բառարանագրությունը, 1977 թ.

Արտաքին հղումներ

• Զավեն Եկավյան. «Առանց տպագրության չկա մշակույթ»

Վիքիդարանն ունի նյութեր, որոնք վերաբերում են «Զավեն Եկավյան» հոդվածին։