Դրամատիկական արվեստի ֆակուլտետ

Դրամատիկական արվեստի ֆակուլտետ (սերբ.՝ Факултет драмских уметности), Բելգրադի խոշորագույն ինստիտուտներից մեկը։

Դրամատիկական արվեստի ֆակուլտետ
Տեսակ	դրամատիկական դպրոց
Հիմնադրված է	1948
Երկիր	Սերբիա
Տեղագրություն	Նովի Բելգրադ
Կայք	fdu.edu.rs և fdu.bg.ac.rs
Դրամատիկական արվեստի ֆակուլտետ, Սերբիա
Faculty of Dramatic Arts, Belgrade Վիքիպահեստում

Պատմություն

Կառույցը հիմնադրվել է 1948 թվականին Հարավսլավիայի Սոցիալիստական Ֆեդերատիվ Հանրապետության կառավարության որոշմամբ՝ որպես Թատերական արվեստի ակադեմիա (Академија за позоришну уметност), որին կից 1950 թվականին բացվել է բարձրագույն կինոդպրոցը (Висока филмска школа): Ուսումնառությունն սկսվել է 1949 թվականի փետրվարի 12-ից։ Ակադեմիայի առաջին դասախոսներն են եղել Մատա Միլոշևիչը, Յոզո Լաուրենչիչը, ռեժիսուրա են դասավանդել Բոյան Ստուպիցան, Հյուգո Կլեյնը, առաջին ռեկտորն է եղել Դուշան Մատիչը։

1960-ական թվականներին հաստատության գործունեությունն ընդլայնվել է։ 1962 թվականին կառույցն անվանափոխվել է Թատրոնի, կինոյի, ռադիոյի և հեռուստատեսության ակադեմիայի (Академија за позориште, филм, радио и телевизију), 1973 թվականին՝ Դրամատիկական արվեստի ֆակուլտետ (թատրոնի, կինոյի, ռադիոյի և հեռուստատեսություն)։ 1974 թվականին հաստատությունը Նովի Բելգրադում ստացել է նոր շենք, որտեղ առաջարկվել են ուսուցման օպտիմալ պայմաններ։ 1998 թվականին ֆակուլտետի հիմնադրման 50-րդ տարեդարձի կապակցությամբ ֆակուլտետը պարգևատրվել է մշակույթի ոլորտում Հարավսլավիայի բարձրագույն մրցանակով (Վուկովյան մրցանակ)։

Կրթական ուղղվածություններ

Կրթական հաստատությունում դասընթացներն իրականացվում են ինը ուղղվածություններով՝

• Դերասանական հմտություններ
• Թատրոն և ռադիոռեժիսուրա
• Դրամատուրգիա
• Մշակութային մենեջմենթ
• Կինո և հեռուստա-ռեժիսուրա
• Ֆիլմերի և հեռուստահաղորդումների արտադրություն
• Օպերատորական արվեստ
• Կինո և հեռուստա-մոնտաժ
• Հնչյունային ռեժիսուրա

Պատկերասրահ

• 
• 

Արտաքին հղումներ

Պաշտոնական կայք