Դուրանդայ արքան (մուլտֆիլմ)
Դուրանդայ արքան (ռուս.՝ Царь Дурандай), ռեժիսոր-մուլտիպլիկատորներ Իվան Իվանով-Վանոյի և Վալենտինա ու Զինաիդա Բրումբերգների առաջին ամենահին խորհրդային նկարված մուլտիպլիկացիոն ֆիլմերից մեկը, որը նկարահանվել է 1934 թվականին, «Մեժրաբպոմ-ֆիլմ» մուլտֆաբրիկայում։
Տեսակ | մուլտֆիլմ |
---|---|
Ժանր | ֆիլմ-հեքիաթ |
Ռեժիսոր | Իվան Իվանով-Վանո, Վալենտինա Բրումբերգ և Զինաիդա Բրումբերգ |
Սցենարիստ | Aleksandr Kurs? |
Երաժշտություն | Անատոլի Ալեքսանդրով |
Երկիր | ԽՍՀՄ |
Լեզու | ռուսերեն |
Ընկերություն | Mezhrabpom-Film? |
Տևողություն | 21 րոպե |
Թվական | 1934 |
Սև-սպիտակ մուլտֆիլմը կազմված է 3 մասից (պահպանվել է միայն առաջին մասը)։ Նկարահանվել է ռուսական ժողովրդական հեքիաթների մոտիվներով։
Հեղինակներ
խմբագրել- Ֆիլմի հեղինակներ` Իվան Իվանով-Վանո, Վալենտինա Բրումբերգ, Զինաիդա Բրումբերգ
- Նկարիչներ` Բորիս Պոկրովսկի, Լեոնիդ Ամալրիկ, Ալեքսանդր Բելյարկով, Վադիմ Լազուրսկի, Կոնստանտին Մալիշև, Ա. Նեստերով
- Հնչյունային ձևավորող` Սեմյոն Բենդերսկի
- Հնչյունային օպերատոր` Դմիտրի Ֆլյանգոլց
- Հնչյունային օպերատորի օգնական` Ն. Պոլիվանով
- Մոնտաժող` Ե. Կուրդյումովա
Սյուժե
խմբագրելՀեքիաթը պատմում է ահեղ թագավոր Դուրանդայի մասին, որը որոշել էր ամուսնանալ գեղեցկուհի թագուհի Տետյոխայի հետ, ինչպես նաև դարբին Ուժի և կույր աղջիկ Տալանի մասին։ Թագուհին բոլոր փեսացուներին երեք գործ էր հանձնարարում. շպրտել հարյուր փթանոց մականը, հաղթել աշխույժ ձիուն և երեք դույլ թեյ խմել։ Իսկ Դուրանդայը կտակ ուներ, որում գրված էր, որ եթե պետք է պատերազմել կամ ամուսնանալ, կարելի է հույսը դնել դարբին Ուժի վրա։ Նա ամեն ինչ կանի, պետք է միայն ասել. «Էյ, Ուժ...»: Եվ ահա արքան օգտագործում է դարբնի ուժը, քանի որ ինքը ոչինչ անել չէր կարող։ Դարբինն ամեն ինչ անում է, և արքան ու Տետյոխան ամուսնանում են։ Սակայն նրանց միությունը երկար չի տևում, Տետյոխան թողնում է թույլ արքային, իսկ նրա թագավորությունը միացնում է իր թագավորությանը...
Արձագանքներ
խմբագրել«Ալբոմային» և «վերադասավորման» մեթոդների համադրությամբ ստեղծվել են ֆիլմեր, որոնց մի մասը մտել է համաշխարհային կինոյի «Ոսկե ֆոնդի» մեջ։ Կերպարների անկաշկանդ շարժն, օրինակ, «Դուրանդայ արքան» մուլտֆիլմում (ռեժ.` Ի. Իվանով-Վանո, Վ. և Զ. Բրումբերգներ, 1934) իսկապես զարմանալի է, հատկապես այն դեպքում, եթե հաշվի առնենք այն, որ մուլտֆիլմն ստեղծվել է առանց ցելյուլոիդի մի կտորի, ամբողջությամբ թղթի վրա։ - Օլեգ Կովալով, «Հայրենական կինոյի նորագույն պատմություն», 1986-2000[1]
|
Ծանոթագրություններ
խմբագրել- «Դուրանդայ արքան» մուլտֆիլմը «Անիմատոր.ռու» կայքում
- «Հեքիաթ Դուրանդայ արքայի մասին» «Հայրենական կինոյի հանրագիտարան» կայքում
- "Դուրանդայ արքան" "Советские мультфильмы" կայքում
- «Դուրանդայ արքան» на multmir.net Արխիվացված 2016-04-27 Wayback Machine