Դենիզե Բիլման
Դենիզե Բիլման (գերմ.՝ Denise Biellmann, դեկտեմբերի 11, 1962[2], Ցյուրիխ, Շվեյցարիա[1]), շվեյցարացի գեղասահորդ, աշխարհի և Եվրոպայի չեմպիոն (1981), Շվեյցարիայի եռակի չեմպիոն։
| Դենիզե Բիլման | |
|---|---|
 | |
| Անձնական տեղեկություն | |
| Սեռ՝ | իգական[1] |
| Բնօրինակ անուն՝ | Denise Biellmann |
| Մասնագիտացում՝ | գեղասահորդուհի |
| Երկիր՝ |  Շվեյցարիա |
| Ծննդյան ամսաթիվ՝ | դեկտեմբերի 11, 1962[2] (61 տարեկան) |
| Ծննդավայր՝ | Ցյուրիխ, Շվեյցարիա[1] |
Մարզական կարիերա խմբագրել
Մարզվել է մոր՝ Հայդի Բիլմանի (Heidi Bielmann) և Օտտո Հյուգինի (Otto Hügin) մոտ[3]։ 11 տարեկանում դարձել է Շվեյցարիայի պատանեկան առաջնության չեմպիոն[4]։ Միջազգային մրցույթներում նորամուտը կատարել է 1976 թվականին։ 1977 թվականին Հելսինկիի Եվրոպայի առաջնությանը, որը նրա կարիերայի ընթացքում առաջին Եվրոպայի առաջնությունն էր, կատարել է եռակի սալխով և իրանը հետ թեքելով ու ազատ ոտքը բռնելով պտույտ (ֆիրմային պտույտ)։ Մրցավարական կազմը տեխնիկայի համար նրան նշանակել է 2 հատ 5,9, իսկ ազատ ծրագրում նա միանգամից զբաղեցրել է երկրորդ տեղը։
Գեղասահքի պատմության մեջ է մտել պտույտների բացառիկ տեխնիկայի և հատկապես ոտքը բռնած վիճակով պտույտների շնորհիվ, որը նրա պատվին կոչվում է «բիլման» (bielmann spin), չնայած նա դրանց առաջին կատարողը չէ (օրինակ՝ 1974 թվականին այդպիսի պտույտներ կատարել է շվեյցարացի Կարին Իտենը (Karin Iten)): Բիլմանն այդ պտույտները կատարել է առավելագույնս ձգված և ընդհանրապես մեծ արագությամբ, ճշգրիտ կենտրոնադրումով և մեծ քանակությամբ դարձաշրջաններով։ 1981 թվականին ազատ ծրագրում բոլոր պտույտները միասին նա կատարել է 105 դարձաշրջան՝ վայրկյանում 1,8 պտույտ արագությամբ, ինչը կազմել է ծրագրի ամբողջ ժամանակի 24 % -ը։ Դրանից հետո բացառիկ պտույտները վերջնականապես սկսեցին համարել գեղասահքի շվեյցարական դպրոցի այցեքարտը։
Աշխարհում առաջին գեղասահորդուհին է, որ Եվրոպայի առաջնության ժամանակ կատարել է եռակի լուտց (1978 թվական), ինչի համար գեղասահորդուհիների մեջ առաջին անգամ ստացել է 6,0 միավոր (և 5 հատ 5,9 միավոր) տեխնիկայի համար։ Առաջիններից մեկն է, որ աշխարհի առաջնության ժամանակ կատարել է եռակի հանգույցով ցատկ (1978 թվական, Ելենա Վոդորեզովայի հետ միասին)։ Ընդհանուր առմամբ Դենիզե Բիլմանի կարճ և ազատ ծրագրերը տարբերվում էին բարդ և որակյալ տեխնիկայի ներդաշնակ համադրությամբ, միևնույն ժամանակ՝ բարձր ոճով, վարպետությամբ և երաժշտականությամբ։
Սակայն Բիլմանը շատ անհաջող է կատարել պարտադիր ֆիգուրաները, ինչի պատճառով նույնիսկ մրցանակակիր չի դարձել։ Եվ միայն 1981 թվականին, բարելավելով ֆիգուրաների որակը, կարողացել է դառնալ Եվրոպայի և աշխարհի չեմպիոն (այդ թվում նաև աշխարհի առաջնության պատմության մեջ առաջին անգամ կատարել է եռակի լուտց։
Սպորտից հետո խմբագրել
1982 թվականից մասնակցում է պրոֆեսիոնալ շոուների՝ տարիներ անց կատարելով բիլման պտույտներ և եռակի բարդ ցատկեր։ Ապրում է Ցյուրիխում։
2007 թվականին պրոֆեսիոնալ պարող Սվեն Նինեմանի հետ մասնակցել է պարային Եվրատեսիլին, որտեղ զբաղեցրել են վերջին՝ 16-րդ տեղը։
Մարզական ձեռքբերումներ խմբագրել
| Միջազգային | |||||||||
|---|---|---|---|---|---|---|---|---|---|
| Մրցում / Մրցաշրջան | 1972-1973 | 1973-1974 | 1974-1975 | 1975-1976 | 1976-1977 | 1977-1978 | 1978-1979 | 1979-1980 | 1980-1981 |
| Ձմեռային օլիմպիական խաղեր | 4 | ||||||||
| Աշխարհի առաջնություն | 15 | 10 | 5 | 5 | 6 | 1 | |||
| Եվրոպայի առաջնություն | 6 | 4 | 3 | WD | 1 | ||||
| NHK Trophy | 1 | ||||||||
| Richmond Trophy | 3 | ||||||||
| Ազգային | |||||||||
| Շվեյցարիայի առաջնություն | 5 J | 1 J | 11 | 3 | 2 | 2 | 1 | 1 | 1 |
| J = պատանեկան, WD = հեռացում | |||||||||
Ծանոթագրություններ խմբագրել
- ↑ 1,0 1,1 1,2 1,3 Deutsche Nationalbibliothek Record #1061971651 // Gemeinsame Normdatei (գերմ.) — 2012—2016.
- ↑ 2,0 2,1 filmportal.de — 2005.
- ↑ «Информация о тренере Бильманн». Արխիվացված է օրիգինալից 2016 թ․ ապրիլի 3-ին. Վերցված է 2020 թ․ սեպտեմբերի 13-ին.
- ↑ http://www.denisebiellmann.com/dbi.html Denise Biellmann website
Արտաքին հղումներ խմբագրել
- Պաշտոնական կայք (գերմ.) (անգլերեն)
- Դենիզե Բիլմանը Արխիվացված 2012-10-20 Wayback Machine Olympics at Sports-Reference.com կայքում
- YouTube video - 1980 թվականի Ձմեռային օլիմպիական խաղեր
 | Վիքիպահեստն ունի նյութեր, որոնք վերաբերում են «Դենիզե Բիլման» հոդվածին։ |