Դեյվ Էնաբլ
Դեյվ Էնաբլ (անգլ.՝ Dave Annable, լրիվ անունը՝ Դևիդ Ռոդման Էնաբլ (անգլ.՝ David Rodman Annable), սեպտեմբերի 15, 1979, Suffern, Ռոքլենդ շրջան, Նյու Յորք, ԱՄՆ), ամերիկացի դերասան, որը հայտնի է «Քույրեր և եղբայրներ» սերիալում կատարած Ջասթին Ուոլքերի դերով։
 | |
|---|---|
 | |
| Ծնվել է | սեպտեմբերի 15, 1979 (44 տարեկան) |
| Ծննդավայր | Suffern, Ռոքլենդ շրջան, Նյու Յորք, ԱՄՆ |
| Կրթություն | State University of New York at Plattsburgh? և Valley Central High School? |
| Քաղաքացիություն |  ԱՄՆ |
| Մասնագիտություն | դերասան, հեռուստատեսային դերասան և կինոդերասան |
| Ամուսին(ներ) | Օդեթ Էննեբեյլ |
Վաղ կյանք Խմբագրել
Դևիդ Ռոդման Էնաբլը ծնվել է ԱՄՆ Նյու Յորք նահանգի Սաֆեռնե քաղաքում։ Մեծացել է Ուոլդենում, որտեղ էլ ավարտել է դպրոցը 1997 թվականին։ Ընդունվել է Նյու Յորքի պետական համալսարան Պլատսբուրգում։ Ուսման տարիներին միացել է PSTV ուսանողական հեռուստակայանին, որը տեղակայված էր համալսարանի տարածքում։ Մասնակցել է հեռուստահաղորդումների նախապատրաստմանը, ինչպես նաև աշխատել է եթերում։ 2003 թվականին հեռացել է համալսարանից, որպեսզի սկսի զբաղվել կարիերայով[1]։ Հետագայում շարունակել է կրթությունն ու 2009 թվականի մայիսի 16-ին ստացել դիպլոմը[1][2]։
Կարիերա Խմբագրել
Էնաբլը կինոյում իր նորամուտը կատարել է NBC ալիքի «Երրորդ հերթափոխ» քրեական դրամայում 2002 թվականին։ Նա նկարահանվել է գովազդային հոլովակներում այնպիսի ապրանքանիշների համար, ինչպիսիք են՝ Mountain Dew, Starburst և Abercrombie and Fitch։
Էնաբլն առավել մեծ ճանաչում է ձեռք բերել ABC ալիքի «Քույրեր և եղբայրներ» սերիալում կատարած Ջասթին Ուոլքերի՝ Սալլի Ֆիլդի հերոսուհու որդու դերի շնորհիվ։ Այդ սերիալում նա նկարահանվել է 2006-2011 թվականներին, և իր դերակատարման համար արժանացել է Prism Award (Performance in a Drama Series Multi-Episode Storyline) մրցանակի 2008 թվականին[3]։ Նա նկարահանվել է նաև «Շրջանավարտների հանդիպում» սերիալում 2005-2006 թվականներին և Քեթրին Մաքֆիի հետ կատարել է գլխավոր դեր «Դու չես կարող համբուրել հարսին» ֆիլմում 2011 թվականին։ Նույն թվականին Էնաբլը նկարահանվել է «Քանի՞սն ունես դու» կատակերգությունում, որտեղ կատարել է Աննա Ֆերիսի տղամարդկանցից մեկի դերը։
2007 թվականին People ամսագիրը Էնաբլին ընդգրկել է ամենասեքսուալ տղամարդկանց իր ամենամյա ցանկի յոթերորդ հորիզոնականում[4]։
Դեյվ Էնաբլը կատարել է գլխավոր դերերից մեկը ABC ալիքի «Պարկ ավենյու, 666» հեռուստասերիալում 2012 թվականին, որը մեկ եթերաշրջան հետո փակվել է ցածր վարկանիշի պատճառով[5][6]։
Անձնական կյանք Խմբագրել
2010 թվականի հոկտեմբերի 10-ին Դեյվ Էնաբլն ամուսնացել է դերասանուհի Օդեթ Յուստմանի հետ։ 2015 թվականի սեպտեմբերի 7-ին ծնվել է նրանց դուստրը՝ Չարլի Մեյը[7]։
Ֆիլմագրություն Խմբագրել
| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 2002 | ս | Երրորդ հերթափոխ | Third Watch | Դուգ Մեյփլ կրտսեր |
| 2004 | ֆ | Կախարդվածը | Spellbound | Գրիֆին |
| 2004 | ֆ | Փոքրիկ սև գիրք | Little Black Book | Բին |
| 2005-2006 | ս | Շրջանավարտների հանդիպում | Reunion | Աարոն Լյուիս |
| 2006-2011 | ս | Քույրեր և եղբայրներ | Brothers & Sisters | Ջասթին Ուոքեր |
| 2011 | ֆ | Դու չես կարող համբուրել հարսին | You May Not Kiss the Bride | Բրայան Լայթհաուս |
| 2011 | ֆ | Քանի՞սն ունես դու | What's Your Number? | Ջեյք Ադամս |
| 2012 | ս | Հրապուրիչ | Fetching | Բլեյք |
| 2012-2013 | ս | Պարկ ավենյու, 666 | 666 Park Avenue | Հենրի Մարտին |
| 2013 | ս | Բեն և Քեյթ | Ben and Kate | Պրոֆեսոր Գրեգ |
| 2014-2015 | ս | Կարմիր ապարանջանները | Red Band Society | Ադամ Մաքենդրյու |
| 2016 | ս | Սրտեր կոտրողը | Heartbeat | Փիրսոն (Փիրս) Հարիս |
| 2017 | ս | Միքը | The Mick | Թեդի Գրանտ |
Ծանոթագրություններ Խմբագրել
- ↑ 1,0 1,1 Bergeron Bryan (2009-05-01)։ «Annable, ‘off to a good start’» (անգլերեն)։ Cardinal Points։ Արխիվացված է օրիգինալից 2009-05-25-ին։ Վերցված է 2014-03-24
- ↑ «Dave Annable accepts the Off to a Good Start Award from SUNY Plattsburgh» (video) (անգլերեն)։ YouTube։ Վերցված է 2014-03-24
- ↑ «PRISM Award - Performance in a Drama Series Multi-Episode Storyline» (անգլերեն)։ Արխիվացված է օրիգինալից 2016-01-02-ին։ Վերցված է 2014-03-24
- ↑ «The Sexiest Men Alive»։ People (անգլերեն)։ 2007-11-26։ Արխիվացված է օրիգինալից 2014-01-08-ին։ Վերցված է 2014-03-24
- ↑ Catriona Wightman (2012-02-24)։ «'Brothers & Sisters' Dave Annable joins ABC's '666 Park Avenue' pilot» (անգլերեն)։ Digital Spy։ Արխիվացված օրիգինալից 2012-09-15-ին։ Վերցված է 2014-03-24
- ↑ Matt Webb Mitovich (2012-02-24)։ «Exclusive: Brothers & Sisters' Dave Annable Joins ABC's Supernatural Pilot 666 Park Avenue» (անգլերեն)։ (անգլերեն)։ Արխիվացված է օրիգինալից 2012-09-15-ին։ Վերցված է 2014-03-24
- ↑ Leon Anya (սեպտեմբերի 10, 2015)։ «Dave and Odette Annable Welcome Daughter Charlie Mae»։ People։ Nicole Sands։ Արխիվացված է օրիգինալից 2015-09-11-ին։ Վերցված է սեպտեմբերի 10, 2015
Արտաքին հղումներ Խմբագրել
- Դեյվ Էնաբլ Internet Movie Database կայքում