Դեղնագլուխ արքայիկ կամ շիր (լատին․՝ Regulus regulus), արքայիկների ընտանիքի թռչուն։ Ձմեռող է, տարածված։

Դեղնագլուխ արքայիկ
Գիտական դասակարգում
Թագավորություն Կենդանիներ
Տիպ Քորդավորներ
Դաս Թռչուններ
Կարգ Ճնճղուկանմաններ
Ընտանիք Արքայիկներ
Ցեղ Իսկական արքայիկներ
Տեսակ Դեղնագլուխ արքայիկ
Լատիներեն անվանում
Regulus regulus
Հատուկ պահպանություն
Արեալ
պատկեր
     Ամբողջ տարին

     Միայն բազմացման սեզոնին      Միգրացիաներ


Դասակարգումը
Վիքիցեղերում


Պատկերներ
Վիքիպահեստում

ITIS 562698
NCBI 68468
EOL 1051232

Արտաքին կառուցվածք խմբագրել

Մարմնի երկարությունը 9 սմ է, թևերի բացվածքը՝ 13,5-15,5 սմ, կենդանի զանգվածը՝ 5,9-6,9 գ։ Փոքրամարմին է, դիմային մասը՝ միագույն, գագաթը՝ վառ նախշով։ Հասուն արուի գագաթի կենտրոնական շերտը նարնջագույն է, էգինը՝ դեղին։ Կոկորդաշերտը կարճ է՝ մուգ։ Երիտասարդի գլուխը կանաչ է, գագաթի շերտը բացակայում է։ Արձակում է մեկ կամ մի քանի անգամ կրկնվող ձայներ։ Մշտապես թռչկոտում է ճյուղից ճյուղ՝ թևերի արագ թափահարումներով, մի պահ կանգ առնելով օդում։ Թռիչքն արագ է՝ թևերի դժժոցով։ Բնակվում է բարձրաբուն ծառերի վրա, այգիներում։

Սննդառություն խմբագրել

Սնվում է անողնաշարավորներով։

Տարածվածությունը Հայաստանում խմբագրել

Հայաստանում, որպես ձմեռող, հայտնվում է հուլիսի 2-րդ կեսից ապրիլի վերջին։ Ստեփանավանի «Սոճուտ» բուսաբանական այգում ձմռանը գրանցված է 250 թռչուն, Դիլիջանում՝ 80, Երևանի շրջակայքում՝ 1-11։ Օգտակար է. ոչնչացնում է անտառի վնասատու միջատների ձմեռող տեսակներ։ Մետաքսանուրբ, խայտաբղետ փետրավորման շնորհիվ որոշակի գեղագիտական արժեք է ներկայացնում։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։