Դատեմ

Դատեմ, գյուղ (ավան, բերդ) Մեծ Հայքի Չորրորդ Հայք աշխարհի Հանձիթ գավառում, իսկ ապա գյուղ Արևմտյան Հայաստանում, Խարբերդի վիլայեթի Խարբերդի գավառում։ Գտնվում էր Խարբերդ քաղաքից 14 կմ հարավ։

Գյուղ
Դատեմ
Վարչական տարածք	Արևմտյան Հայաստան
Վիլայեթ	Խարբերդի վիլայեթԽարբերդի վիլայեթ
Գավառ	Խարբերդի գավառ
Այլ անվանումներ	Դադիմ, Դատեմաբերդ, Դատիմ, Դատմա, Թադեմ, Թատեմ
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Դատեմ (Աշխարհ)

Պատմություն

Դատեմում հայտնաբերվել են բյուզանդական շրջանի (X դար) կավե ամաններ, գերեզման՝ ոսեկ դրամներով և զանազան առարկաներով։

Բնակիչները տեղահանվել են 1915 թվականի Մեծ եղեռնի ժամանակ։

Բնակչություն

XX դարի սկզբին ուներ ավելի քան 1450 հայ բնակիչ։

Տնտեսություն

Բնակչության հիմնական զբաղմունքը երկրագործություն, անասնապահությունն ու արհեստներն էր։

Պատմամշակութային կառույցներ

Դատեմն ուներ Ս. Աստվածածին անունով եկեղեցի։ Գյուղում գտնվել է Դատեմ բերդը, որը շրջափակված էր բլուրներով։ XX դարի սկզբին բերդն ու նրա պարիսպները ամբողջապես փլված էին և վերածվել էին հողե զանգվածի։

Կրթություն

Եկեղեցուն կից գործում էր հայկական դպրոց, որն ուներ 100 աշակերտ։

Տես նաև

• Խարբերդի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 310)։