Դանիլո Մեսկիտա
Դանիլո Մեսկիտա Սանտուս դե Օլիվեյրա (պորտ.՝ Danilo Mesquita Santos de Oliveira, փետրվարի 26, 1992, Սալվադոր, Բրազիլիա), բրազիլացի դերասան և երգիչ[1]։
Դանիլո Մեսկիտա | |
---|---|
Ծնվել է | փետրվարի 26, 1992 (32 տարեկան) |
Ծննդավայր | Սալվադոր, Բրազիլիա |
Քաղաքացիություն | Բրազիլիա |
Մասնագիտություն | դերասան, հեռուստատեսային դերասան և երգիչ |
Կարիերա խմբագրել
Մինչ դերասան դառնալը, Դանիլոն 7 տարի զբաղվել է ֆուտբոլով[2]։ 18 տարեկանում սկսել է զբաղվել մոդելային կարիերայով, սակայն 2012 թվականին դարձել է թատերական դերասան՝ խաղալով Էսպաչո Նու թատրոնում։ Նույն 2012 թվականին, մասնակցելով թատերական կուրսերի, սկսել է խաղալ «Քրիստոսի չարչարանքները» ներկայացման մեջ։ 2014 թվականին էլ խաղաղել է «Վենետիկի վաճառականը» ներկայացման մեջ[3]։ 2015 թվականից սկսել է նկարահանվել հեռուստասերիալներում՝ իր առաջին դերն ստանալով «Ես սիրում եմ Պարաիսոպոլիսը» հեռուստասերիալում, որտեղ մարմնավորել է Մաքսիմոյի դերը[4]։ 2016 թվականին միացել է «Տասը պատվիրանները» հեռուստասերիալի նոր եթերաշրջանին, որտեղ ստացել է Թալեսի դերը[5]։ Նույն 2016 թվականին նա նկարահանվել է Netflix-ի 3% հեռուստասերիալի երկու սերիաներում, որտեղ մարմնավորել է Ալեքսանդրի դերը[6]։ 2017 թվականին, նկարահանվելով «Rock Story» հեռուստասերիալում, մարմնավորել է քաղցկեղով հիվանդ երիտասարդ Նիկոլաուի դերը[7]։ Բացի դերասանական կարիերայից, Դանիլոն նաև երգիչ է։ Սկսած 2018 թվականից նա և դերասան Ռավել Անդրադեն նվագում և երգում են Beraderos երաժշտական խմբում[8]։
2018 թվականին Դանիլո Մեսկիտան նկահանվել է «Երկրորդ շանս» հեռուստասերիալում, որտեղ մարմնավորել է Վալենտիմի դերը[9]։ 2019 թվականին պայմանագիր է ստորագրել Netflix-ի հետ և նկարահանվել Սպեկտրոս հեռուստասերիալում, որի պրեմիերան կայացել է 2020 թվականին[10]։ 2019 թվականին, նրա Beraderos երաժշտական խումբը պայմանագիր է ստորագրել A Nascimento Música ընկերության տակ։ Արդյունքում Միլթոն Նասկիմենտոյի և նրա որդուն՝ Ավգուստոյին պատկանող լեյբլը սկսում է ձայնագրել խմբի առաջին ալբոմը[11]։ 2020 թվականին նկարահանվել է Netflix-ի «Հարստությունը սիրո մեջ է» սիրային կատակերգությունում, որտեղ մարմնավորել է Տետոյի դերը` երիտասարդ հարուստ տղայի, որի հայրն ունի լոլիկի արտադրության խոշոր գործարան։ Տետոն հանդիպում է Պաուլային, որի սիրտը գրավելու համար ձևացնում է, թե աղքատ ընտանիքից է, ինչը, սակայն, նրա համար ստեղծում է մի շարք խնդիրներ[12]։
Ֆիլմագրություն խմբագրել
Հեռուստատեսություն խմբագրել
Տարի | Անվանում | Դեր |
---|---|---|
2015 | Ես սիրում եմ Պարաիսոպոլիսը | Մաքսիմո Էվագելիստա Մոուրաո (առաջին դեր) |
2016 | 3% | Ալեքսանդր Նոգեյրա |
Տասը պատվիրանները | Թալես | |
Rock Story | Նիկոլաու Սաբոյա | |
2018 | Երկրորդ շանս | Վալենտիմ Բատիստա Ֆալկաո |
2019–2020 | Մենք վեցն էինք | Կառլոս Աբիլիո դե Լեմոս |
2020 | Սպեկտրոս | Պարդալ |
2022 | Ճակատագրի կատակ | Ժոակիմ Ալվես |
Ֆիլմ խմբագրել
Տարի | Անվանում | Դեր |
---|---|---|
2020 | Հարստությունը սիրո մեջ է | Տետո |
2023 | Հարստությունը սիրո մեջ է 2 | Տետո |
Ծանոթագրություններ խմբագրել
- ↑ «Danilo Mesquita». purepeople.com.br (բրետոներեն). Վերցված է 2019 թ․ ապրիլի 28-ին.
- ↑ «Danilo Mesquita trocou o futebol pela carreira de ator». CARAS (պորտուգալերեն). 2015 թ․ հուլիսի 21. Վերցված է 2019 թ․ ապրիլի 28-ին.
- ↑ Line, A. TARDE On (2017 թ․ մարտի 12). «Danilo Mesquita: do futebol às telenovelas». Portal A TARDE (բրազիլական պորտուգալերեն). Վերցված է 2019 թ․ ապրիլի 28-ին.
- ↑ «Danilo Mesquita é o Primo gatinho do Grego em I». Capricho (բրազիլական պորտուգալերեն). Վերցված է 2019 թ․ ապրիլի 28-ին.
- ↑ Redação (2016 թ․ մարտի 3). «Exclusivo: Danilo Mesquita será filho de Talita Castro na novela "Os Dez Mandamentos"». Noticiasdetv.com (բրազիլական պորտուգալերեն). Վերցված է 2019 թ․ ապրիլի 28-ին.
- ↑ «Danilo Mesquita fará série na Netflix após "Segundo Sol" – Séries – NaTelinha». m.natelinha.uol.com.br (բրազիլական պորտուգալերեն). Արխիվացված է օրիգինալից 2019 թ․ ապրիլի 28-ին. Վերցված է 2019 թ․ ապրիլի 28-ին.
- ↑ «Danilo Mesquita sobre personagem com câncer em 'Rock Story': "Não teria coragem de poupar os pais"». revistaquem.globo.com. Վերցված է 2019 թ․ ապրիլի 28-ին.
- ↑ «Danilo Mesquita, o Valentim de 'Segundo Sol', canta com Ney Matogrosso no Circo». Extra Online (բրազիլական պորտուգալերեն). Վերցված է 2019 թ․ ապրիլի 28-ին.
- ↑ «Danilo Mesquita fala do desafio de atuar em 'Segundo Sol'». O Dia – Diversão. Վերցված է 2019 թ․ ապրիլի 28-ին.
- ↑ «Depois de 'Segundo Sol', Danilo Mesquita fará série da Netflix – Patrícia Kogut, O Globo». Patrícia Kogut (բրազիլական պորտուգալերեն). Վերցված է 2019 թ․ ապրիլի 28-ին.
- ↑ «Mônica Bergamo: Selo criado por Milton Nascimento vai trabalhar com outros artistas em 2019». Folha de S.Paulo (բրազիլական պորտուգալերեն). 2019 թ․ փետրվարի 7. Վերցված է 2019 թ․ ապրիլի 28-ին.
- ↑ abr 2019 – 03h35, Vinicius Nunes 26. «Netflix vai lançar 30 produções brasileiras até o final de 2020». VEJA.com (բրազիլական պորտուգալերեն). Վերցված է 2019 թ․ ապրիլի 28-ին.
{{cite web}}
: CS1 սպաս․ թվային անուններ: authors list (link)