Գրոս Լեսեն
Գրոս Լեսեն (գերմ.՝ Groß Lessen ), բնակավայր Գերմանիայի Դաշնության Ստորին Սաքսոնիա նահանգի Դիփոլցի մարզի Զուլինգեն քաղաքում։ Ունի 640 բնակիչ։
Բնակավայր | ||
---|---|---|
Գրոս Լեսեն | ||
Groß Lessen | ||
Երկիր | Գերմանիա | |
Երկրամաս | [[Ստորին Սաքսոնիա]] | |
Քաղաքապետ | Ֆրիդհելմ Հարթկամփը | |
Մակերես | 23,85 կմ² | |
ԲԾՄ | 42 մ | |
Խոսվող լեզուներ | գերմաներեն | |
Բնակչություն | 640 մարդ | |
Խտություն | 27 մարդ/կմ² | |
Ժամային գոտի | UTC+1 և UTC+2 | |
Հեռախոսային կոդ | 04271 | |
Փոստային ինդեքս | 27232 | |
Փոստային դասիչ | 27232 | |
| ||
Աշխարհագրական դիրք խմբագրել
Գրոս Լեսենը գտնվում է Զուլինգեն քաղաքից 4,5 կիլոմետր հեռավորության վրա դեպի հարավ- արևմուտք։ Սահմանակից է Քլայն Լեսեն (գերմ.՝ Klein Lessen), Ռաթլոսեն (գերմ.՝ Rathlosen), Վոլշտրեկ (գերմ.՝ Wohlstreck), Շվերինգհաուզեն (գերմ.՝ Schweringhausen), Ֆարել (գերմ.՝ Varrel) և Վերբլեք (գերմ.՝ Wehrbleck) բնակավայրերին։ Արևմուտքում Քլայն Լեսենից բաժանվում է Քլայն Աուէ (գերմ.՝ Kleine Aue) գետակով, որը հանդիսանում է Գրոս Աուէ գետի ձախ վտակը։
Պատմություն խմբագրել
Գրոս Լեսենը հանդիսանում է Զուլինգեն քաղաքի հինգ ամենահին բնակավայրերից մեկը։ Սակայն որպես վարչական տարածք հաստատված է 1974 թվականի մարտի 1-ից[1]։ 2016 թվականին Գրոս Լեսենը նշում է իր 750- ամյակը[2]։ Գրոս Լեսենի ղեկավարն է Ֆրիդհելմ Հարթկամփը[3]։
Տնտեսական կառուցվածք խմբագրել
Գրոս Լեսենը ունի տարրական դպրոց, որտեղ սովորում են աշակերտներ նաև հարակից բնակավայրերից։ Ունի կամավոր հրշեջ ջոկատ, սպորտային ակումբ, կամավոր երկրապահ ջոկատ, հրաձգարան, գյուղական ակումբ և երգչախումբ։
Ճանապարհային դիրք խմբագրել
Գրոս Լեսենը ունի հարմար ճանապահային կապվածություն։ Նրանից 39 կիլոմետր դեպի արևմուտք անցնում է համար 1 գլխավոր մայրուղին։ 3 կիլոմետր դեպի հյուսիս- արևելք անցնում է Բասումը Զուլինգենին կապող համար 61 մայրուղին, իսկ 0.5 կիլոմետր դեպի հարավ՝ համար 214 մայրուղին, որը կապում է Դիփոլցը Նիմբուրգին։ Գրոս Լեսենում փողոցները չունեն անուններ, որն էլ ստեղծում է մի շարք անհարմարություններ փոստատարների, առաքիչների և այցելուների համար։ Գրոս Լեսենում կա երկաթուղային կայարան Նինբուրգ-Զյուլինգեն գծի վրա, որը կառուցվել է 1923 թվականին, սակայն նրա մի հատվածը (Զուլինգեն-Դիփոլց) այժմ նախատեսված է միայն բեռնափոխադրումների համար, իսկ կայարանի շենքը հանդիսանում է մասնավոր սեփականություն։
Տնտեսություն խմբագրել
Գրոս Լեսենում հիմնականում զբաղվում են մենատնտեսությամբ։ Բնակավայր ունի հացի փուռ, դարբնոց, փայտամշակման արհեստանոց։ Կան ֆերմերային տնտեսություններ, որոնք զբաղվում են հողագործությամբ, ձիաբուծությամբ, խոզաբուծությամբ։ Մասնագիտությունները հիմնականում հանդիսանում են ընտանեկան, որոնք փոխանցվում են սերնդե սերունդ։
Պատկերասրահ խմբագրել
Ծանոթագրություններ խմբագրել
- ↑ Statistisches Bundesamt (Hrsg.): Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27. 5. 1970 bis 31. 12. 1982. W. Kohlhammer GmbH, Stuttgart und Mainz 1983, ISBN 3-17-003263-1, S. 189.
- ↑ «Արխիվացված պատճենը». Արխիվացված է օրիգինալից 2016 թ․ հունվարի 28-ին. Վերցված է 2016 թ․ հունվարի 1-ին.
- ↑ Ortsrat Groß Lessen
Արտաքին հղումներ խմբագրել
- Գրոս Լեսեն Արխիվացված 2015-12-01 Wayback Machine