Գրիգորի Նեույմին
Գրիգորի Նիկոլաևիչ Նեույմին (ռուս.՝ Григорий Николаевич Неуймин, դեկտեմբերի 22 1885 (հունվարի 3 1886)[1], Թիֆլիս, Ռուսական կայսրություն[2] - դեկտեմբերի 17, 1946[2], Լենինգրադ, ՌԽՖՍՀ, ԽՍՀՄ), սովետական աստղագետ, աշխատել է Պուլկովոյի և Ղրիմյան աստղաֆիզիկական աստղադիտարաններում։
Գրիգորի Նեույմին Григорий Николаевич Неуймин | |
|---|---|
| Ծնվել է | դեկտեմբերի 22 1885 (հունվարի 3 1886)[1] Թիֆլիս, Ռուսական կայսրություն[2] |
| Մահացել է | դեկտեմբերի 17, 1946[2] (60 տարեկան) Լենինգրադ, ՌԽՖՍՀ, ԽՍՀՄ |
| Գերեզման | Pulkovo Observatory cemetery |
| Քաղաքացիություն |  Ռուսական կայսրություն, Ռուսական հանրապետություն, .svg){kind=small} Խորհրդային Ռուսաստան և .svg){kind=small} ԽՍՀՄ |
| Մասնագիտություն | աստղագետ և ոչ գեղարվեստական գրող |
| Հաստատություն(ներ) | Պուլկովոյի աստղադիտարան |
| Ալմա մատեր | Սանկտ Պետերբուրգի համալսարանի ֆիզիկամաթեմատիկական ֆակուլտետ |
| Եղել է գիտական ղեկավար | Vladimir Nikonov? |
| Պարգևներ |  |
 Grigory Nikolayevich Neujmin (astronomer) Վիքիպահեստում | |
1910 թվականին ավարտել է Պետերբուրգի համալսարանը և սկսել է աշխատել Պուլկովոյի աստղադիտարանում (1912 թվականից աստղադիտարանի Սեմեիզի մասնաճյուղում, 1925 - 1931 և 1936 - 1941 ղեկավարել է այն)։ 1941 - 1943 թվականներին ղեկավարել է էվակուացված Սեմեիզի աստղադիտարանը, որը գործում էր Կիտաբյան կայանում։ 1944 - 1946 թվականներին նշանակվել է Պուլկովյան աստղադիտարանի տնօրեն։
Նրա հիմնական գիտական աշխատությունները վերաբերվում են դիտողական աստղագիտությանը։ Սեմեիզում, առաջին անգամ ԽՍՀՄ-ում, Նեույմինը կազմակերպեց փոքր մոլորակների հետևողական դիտարկումներ, անձամբ հայտնաբերելով 74 աստերոիդ (որոնցից մեկը նա անվանել է Պուլկովյան աստղադիտարանի պատվին ((762) Պուլկովա), մյուս երկուսը իր քրոջ և մոր պատվին՝ (779) Նինա և (789) Լենա)։
1913-ից 1941 թվականները ընկած ժամանկահատվածում հայտնաբերել է 6 նոր գիսաստղ, որոնցից 5-ը կարճ պարբերությամբ[3]։ Հետազոտել է Նեույմինի գիսավոր 2-ի շարժումը։ Զբաղվել է նաև փոփոխական աստղերի դիտարկումներով, հայտնաբերել է 13 փոփոխական աստղ։ Ինչպես նաև կատարել է մոլորակների, արբանյակների և աստղերի շարժման միկրոմետրիկ հետազոտություններով։
Գ. Ն. Նեույմինը պարգևատրվել է Ռուսական աստղագիտական միության պարգևներով և Խաղաղօվկիանոսյան աստղագիտական միության վեց մեդալներով։
Նրա պատվին են անվանվել Լուսնի Նեույմին խառնարանը, (1129) Նեույմինա աստերոիդը, և հարթավայր նրա հայտնաբերած (951) Գասպրա աստերոիդի վրա։
Ծանոթագրություններ խմբագրել
- ↑ 1,0 1,1 https://pantheon.world/profile/person/Grigory_Neujmin
- ↑ 2,0 2,1 2,2 2,3 2,4 2,5 Неуймин Григорий Николаевич // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
- ↑ Գիսաստղերի ուղեծրի էլեմենտների ամբողջական կատալոգ // ՌՇԼ/DASTCOM. (անգլ.)
Արտաքին հղումներ խմբագրել
 | Վիքիպահեստն ունի նյութեր, որոնք վերաբերում են «Գրիգորի Նեույմին» հոդվածին։ |