Գիրք նվիրելու օր, Հայաստանում և Արցախում 2008 թվականից նշվող նախաձեռնություն։ Օրը նշվում է յուրաքանչյուր տարի՝ փետրվարի 19-ին՝ ամենայն հայոց բանաստեղծ Հովհաննես Թումանյանի ծննդյան օրը։ Տարեցտարի տոնն ավելի մեծ ժողովրդականություն է ձեռք բերում՝ մեծ արձագանք գտնելով հանրության շրջանում և ստանալով համազգային բնույթ[1][2][3]։

Գիրք նվիրելու օրն ընտրված է՝ ի պատիվ Հովհաննես Թումանյանի ծննդյան օրվա։

ՊատմությունԽմբագրել

Փետրվարի 19-ը՝ որպես գիրք նվիրելու օր, սահմանվել է ՀՀ գրողների միության նախկին նախագահ Լևոն Անանյանի նախաձեռնությամբ և ՀՀ կառավարության որոշմամբ[2]։ Տոնի առթիվ անցկացվում են գրական միջոցառումներ, հանրային ընթերցումներ, գրական երեկոներ, հանդիպումներ հայտնի գրողների հետ, ինչպես նաև պետական պատվերով և աջակցությամբ հրատարակված ու չվաճառված գրքերը բաշխում են մարզային և համայնքային գրադարանների միջև[4]։

Բանաստեղծ Էդվարդ Միլիտոնյանն ընդգծել է, որ պատահական չէ գիրք նվիրելու օրը Հովհաննես Թումանյանի ծննդյան օրվա հետ կապելը։ Նրա խոսքերով[5]՝

  Անդրկովկասում չկար գրողների միություն, սակայն Թումանյանը ստեղծել էր «Վերնատունը», որն ինքնին գրողների միություն էր։  


ԽորհուրդԽմբագրել

Տոնի նպատակն է ընթերցանության և գրքի նկատմամբ սերը ժառանգել նոր սերունդներին, նրանց հաղորդակից դարձնել գրականությանն ու հոգևոր-մշակութային արժեքներին։ Օրվա տոնական ավանդույթներից է մտերիմ մարդուն որևէ հետաքրքիր գիրք նվիրելը[1]։

ԾանոթագրություններԽմբագրել

  1. 1,0 1,1 «Գիրք նվիրելու օրը Հայաստանում համազգային տոնի է վերածվում»։ newsarmenia.am։ Վերցված է 2020-02-19 
  2. 2,0 2,1 «Գիրք նվիրելու խորհուրդը»։ library.anau.am։ Վերցված է 2020-02-19 
  3. «Գիրք նվիրելու օրը սիրված տոն է դառնում»։ armenpress.am (հայերեն)։ Վերցված է 2020-02-19 
  4. «Թումանյանի ծննդյան օրը` Հայաստանում Գիրք նվիրելու տոն» 
  5. «Yerevan.Today | Փետրվարի 19-ը Գիրք նվիրելու օրն է»։ yerevan.today (hy-am)։ Վերցված է 2020-02-19 

Արտաքին հղումներԽմբագրել