Գիշեր (Մինաս Ավետիսյան)
«Գիշեր», հայ նկարիչ Մինաս Ավետիսյանի որմնանկարը, որը նա նկարել է 1973 թվականին, Գյումրու «Օմեգա» գործարանի պատին[1]։
Գիշեր | |
---|---|
տեսակ | որմնանկար |
նկարիչ | Մինաս Ավետիսյան |
տարի | 1973 |
ստեղծման վայր | Գյումրի |
գտնվում է | Մեգամոլ Արմենիա |
սեփականատեր | Հայաստան |
Ծանոթագրություններ |
Պատմություն խմբագրել
1973 թվականին Գյումրիի գործարաններից մեկի պատին «Գիշեր» որմնանկարի դիմացի պատին հեղինակը ստեղծել է նաև «Ցերեկ» որմնանկարը։ Երկու որմնանկարն էլ լրջորեն վնասվել էին 1988 թվականի Սպիտակի երկրաշարժի ժամանակ։
2019 թվականին իտալացի վերականգնող Ֆաբրիցիո Իակոպինիի գլխավորությամբ «Գիշեր» որմնանկարն ապամոնտաժվել է և ենթարկվել վերականգման[2]։ Վերականգնման աշխատանքներին մասնակցել են նաև Ֆաբրիցիո Իակոպինիի ուսանողները։ Որմնանկարի վերականգնման աշխատանքներն իրականացվել են գործարար Սամվել Ալեքսանյանի ընտանիքին պատկանող «Ալեքսանյանների ընտանիք» ՀԿ֊ի միջոցներով[3]։
Վերականգնումից հետո Մինաս Ավետիսյանի «Գիշեր» որմնանկարը տեղադրվել է Նոր Նորք վարչական շրջանում գտնվող Մեգամոլ Արմենիա առևտրի և ժամանցի կենտրոնում, որտեղ որմնանկարի համար առանձին տարածք է հատկացվել[4]։
Որմնանկարը համարվում է պատմամշակութային հուշարձան և պատկանում է Հայաստանի Հանրապետությանը[5]։
Ծանոթագրություններ խմբագրել
- ↑ Մինասի «Գիշեր» որմնանկարը ոչնչացման եզրին է
- ↑ Իր դռներն է բացել Հայաստանի ամենամեծ մոլը՝ «Մեգամոլ Արմենիա»- ն
- ↑ Հայ որմնանկարիչ Մինաս Ավետիսյանի «Գիշեր» որմնանկարը կվերականգնվի և կտեղափոխվի Երևան
- ↑ Արման Ավետիսյան․ Մինասի որմնանկարների խնդիրը լուծված է
- ↑ Կայացավ «Մեգամոլ Արմենիայի» շնորհանդեսը. ի՞նչ է այցելուին առաջարկում ՀՀ–ի ամենամեծ մոլը