Մեգամոլ Արմենիա

առևտրի կենտրոն Երևանում

Մեգամոլ Արմենիա, առևտրի և ժամանցի բազմաֆունկցիոնալ կենտրոն Երևանում՝ Նոր Նորք վարչական շրջանում։ Շահագործման է հանձնվել 2019 թվականի հոկտեմբերի 23-ին։ Հայաստանի և տարածաշրջանի ամենամեծ առևտրի և ժամանցի կենտրոնն է[1]։

Մեգամոլ Արմենիա
Տեսակառևտրի կենտրոն
Երկիր Հայաստան
ՏեղագրությունԵրևան
Բացվածհոկտեմբերի 23, 2019
Քարտեզ
Քարտեզ

Նկարագրություն խմբագրել

Զբաղեցնում է 98. 000 քառ․ մետր տարածք, ունի 6 հարկ, առևտրի կենտրոնում ներկայացված է շուրջ 100 տեղական և միջազգային բրենդ։ Առևտրի կենտրոնի ստորգետնյա երեք հարկերում գործում է շուրջ 1800 մեքենայի համար նախատեսված ավտոկայանատեղի, որն ամենամեծն է Հայաստանում և տարածաշրջանում[2]։

Բացի խանութ-սրահներից, մոլում գործում է տարածաշրջանի ամենամեծ խաղահրապարակը, կինոթատրոն, ռեստորան-սրճարաններ, ֆուդկորտ[2]։

Առևտրի կենտրոնում ներկայացված է հայ նկարիչ Մինաս Ավետիսյանի «Գիշեր» որմնանկարը (1973 թվական), որը վերականգնվել է իտալացի մասնագետների կողմից՝ Ֆաբրիցիո Իակոբինիի գլխավորությամբ։ Որմնանկարը համարվում է պատմամշակութային հուշարձան և Հայաստանի Հանրապետության սեփականությունն է[2]։

Մեգամոլում է տեղակայված Գինեսի ռեկորդների գրքում գրանցված շատրվան[2]։

Տես նաև խմբագրել

Ծանոթագրություններ խմբագրել

  1. ««Մեգամոլ Արմենիա»՝ մեգա ժամանցային կենտրոնով և գերժամանակակից տեխնիկայով». news.am. Վերցված է 2020 թ․ հունվարի 9-ին.
  2. 2,0 2,1 2,2 2,3 «Բացվել է «Մեգամոլ Արմենիա»-ն. ինչ առավելություններ ունի Հայաստանի ամենամեծ մոլը». Bravo.am. Վերցված է 2020 թ․ հունվարի 9-ին.