Գիլուխիպա
Գիլուխիպա (անգլ.՝ Gilukhipa, խուռիերեն՝ Կիլու- Հեպա, եգիպտերեն՝ Կիրգիպա, Մ.թ.ա. 1390-ականներ, Միտաննի - մ.թ.ա. 14-րդ դար, Եգիպտոս), Միտաննիի արքա Շուտառնա II-ի դուստր, որը հանդիսացել է հաջորդ արքա Տուշրատտայի քույրը։
| Գիլուխիպա | |
|---|---|
| Ծնվել է | Մ.թ.ա. 1390-ականներ |
| Ծննդավայր | Միտաննի |
| Մահացել է | մ.թ.ա. 14-րդ դար |
| Մահվան վայր | Եգիպտոս |
| Մասնագիտություն | քաղաքական գործիչ |
| Ամուսին | Ամենհոտեպ III[1] |
| Ծնողներ | հայր՝ Շուտարնա II |
Կենսագրություն խմբագրել
| Գիլուխիպաը հիերոգլիֆներում | |||||||
|---|---|---|---|---|---|---|---|
Կիրգիպա (kyrgypɜ) «Արևի աստվածուհի Հեպան է իմ ուժը» | |||||||
Քաղաքական նպատակներով Գիլուխիպային ուղարկել են Եգիպտոս՝ փարավոն Ամենհոտեպ III-ի հետ ամուսնանալու։ Ամուսնությունը տեղի է ունեցել փարավոնի գահակալության տասներորդ տարում, մ․թ․ա․ մոտավորապես 1378–1376 թվականներին, որի առիթով փարավոնը պատվիրել է հուշաքարերի շարք թողարկել։ 200-ից ավելի հուշաքարերը հայտնաբերվել են մեծ աշխարհագրական տարածքում՝ սկսած Սիրիայից (Ռաս Շամրա) մինչև Նուբիայի Սոլեբ քաղաքը[3]։ Հինգ հուշաքարեր վկայում են, որ արքայադուստր Գիլուխեպան Միտաննից ժամանել է Եգիպտոս 317 կանանցից բաղկացած շքախմբի հետ։ Նա առաջինն էր օտարերկրացի բազմաթիվ արքայադուստրերից, ովքեր հայտնվել են փարավոնի կանանոցում[4]։
Գիլուխիպան հայտնի է եղել որպես «փարավոնի երկրորդական կին», քանի որ Տիյան զբաղեցնում էր Ամենհոտեպ III-ի մեծ թագուհու տիտղոսը։
Քսանվեց տարի անց Գիլուխիպայի եղբոր տասնհինգամյա դուստրը՝ Տադուխիպան նույնպես ամուսնացել է Ամենհոտեպ III-ի հետ։ Ամուսնությունից կարճ ժամանակ անց փարավոնը վախճանվել է և Տադուխիպան հավանաբար ի վերջո ամուսնացել է հաջորդ փարավոն Էխնաթոնի հետ։
Ծանոթագրություններ խմբագրել
- ↑ Dodson A. The Complete Royal Families of Ancient Egypt — High Holborn: Thames & Hudson, 2004. — P. 154. — 320 p. — ISBN 978-0-500-05128-3
- ↑ Wolfgang Helck, Urkunden der 18. Dynastie 1957, p. 1738
- ↑ O'Connor, Cline, էջեր 11–12
- ↑ O'Connor, Cline, էջ 13