Գերման Ավագյան
- Վիքիպեդիայում կան հոդվածներ Ավագյան ազգանունով այլ մարդկանց մասին։
Գերման Ասլանի Ավագյան (դեկտեմբերի 12, 1962, Խոնի, Իմերեթի մարզ, Վրաստան - փետրվարի 16, 2020, Երևան, Հայաստան), հայ լուսանկարիչ, վավերագիր, ֆոտոլրագրող[1]։
Գերման Ավագյան | |
---|---|
Ծնվել է | դեկտեմբերի 12, 1962 |
Ծննդավայր | Խոնի, Իմերեթի մարզ, Վրաստան |
Մահացել է | փետրվարի 16, 2020 (57 տարեկան) |
Մահվան վայր | Երևան, Հայաստան |
Քաղաքացիություն | ԽՍՀՄ և Հայաստան |
Կրթություն | ՀԱՊՀ |
Կարողություն | ինժեներ-էներգետիկ |
Մասնագիտություն | լուսանկարիչ ֆոտոլրագրող |
Կենսագրություն խմբագրել
Գերման Ավագյանը ծնվել է 1962 թվականի դեկտեմբերի 12-ին Վրաստանում[1]։ 1974-1978 թվականներին բնակվել է Գերմանիայի Դեմոկրատական Հանրապետությունում[1]։ 1979-1980 թվականներին սովորել է Բելառուսիայի Շուչին քաղաքում, 1980-1985 թվականներին՝ Երևանի պոլիտեխնիկական ինստիտուտում[1]։ 1989 թվականից որպես ազատ լուսանկարիչ համագործակցել է տարբեր պարբերականների հետ[1]։
Հրապարակվել է հայկական և արտասահմանյան պարբերականներում[1]։ Լուսանկարներ է ստեղծել Հայաստանի սոցիալական ներդրումների հիմնադրամի օրացույցի համար, Բաց հասարակության ինստիտուտի Վերսուս ստուդիայի հետ համատեղ ստեղծել «Արվեստը հայկական կալանավայրերում» օրացույցը[2]։
Լուսանկարներում Գերման Ավագյանն անդրադառնում էր սոցիալական հարցերին, մտավոր առողջության խնդիրներին, հանքարդյունաբերության հարցերին, հաշմանդամության ու աղքատության խնդիրներին։
Հանկարծամահ է եղել սրտի կաթվածից 2020 թվականի փետրվարի 16-ին[1]։
Մրցանակներ խմբագրել
Ստացել է բազմաթիվ մրցանակներ և պարգևներ լուսանկարչական ու լրագրողական գործունեության համար[1]։
- «Ֆիֆտի Քրոուզ» միջազգային ֆոնդի մրցանակը փաստագրական լուսանկարչության համար, 2002, Սան Ֆրանցիսկո, ԱՄՆ
Ցուցահանդեսներ խմբագրել
- Միութենական ցուցահանդես, Մոսկվա (1986 թ., բրոնզե մեդալ)
- «Ղարաբաղ 92», Երևանի պատմության թանգարան, 1992 թ.
- «Ծանոթ դեմքերի քաղաքը», մասնավոր շոու, Երևան, 1994 թ.
- «Վաղվա օրվա տունը», ՅՈՒՆԻՍԵՖ, 1995 թ.
- «Կատակողների դպրոցը», Երևան
- Հայկական արվեստի ցուցադրում, Բոխում, Գերմանիա
- «SOS-ի կանչ» բանականության թագավորությունից անդին, մասնավոր շոու, Երևան, 1997 թ.
- «Իմիջիայլոց» մասնավոր ցուցահանդես - շոու, Երևան, 1998 թ.
- Միջազգային բիեննալե, Գյումրի
- ՅՈՒՆԵՍԿՕ, «Մի լքեք տարիքավորներին», 1999 թ.
- «SOS-ի կանչ» բանականության թագավորությունից անդին, մասնավոր շոու, Տորոնտո, Կանադա
- «Չհայտարարված պատերազմի ուղիներով», Ղարաբաղի հակամարտություն
- «Լույսը թունելի վերջում», ՅՈՒՆԻՍԵՖ, ՄԱԿ-ի գլխավոր գրասենյակ, Երևան, 2000 թ.
- Անհատական 30 շրջիկ ցուցահանդեսներ սահմանամերձ գյուղերում, 2006 թ.
- «Մահից հետո ծնվածները» շարք, ֆոտոփառատոն, Ֆրանսիա[3]
Մեջբերումներ Գերման Ավագյանից խմբագրել
Լուսանկարը բացիկ չէ, այլ պատմություն է, և այդ սկզբունքով էլ աշխատում եմ տարիներ շարունակ[4]։ |
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 1,7 «Հանկարծամահ է եղել լուսանկարիչ Գերման Ավագյանը». armeniasputnik.am. Վերցված է 2023 թ․ ապրիլի 4-ին.
- ↑ «Ավագյան Գերման Ասլանի». Արխիվացված է օրիգինալից 2016 թ․ սեպտեմբերի 9-ին. Վերցված է 2015 թ․ հոկտեմբերի 6-ին.
- ↑ «Գերման Ավագյան` պատմության վավերագրողը». Արխիվացված է օրիգինալից 2020 թ․ փետրվարի 17-ին. Վերցված է 2015 թ․ հոկտեմբերի 6-ին.
- ↑ Գերման Ավագյան. «Դեմքը մարդու սեփականությունն է, և նույնիսկ մահից հետո ոչ ոք իրավունք չունի այն օգտագործել»