Գեղամ Խուդավերդյան

Գեղամ Մանասի Խուդավերդյան (սեպտեմբերի 27, 1957(1957-09-27), Մրգավան, Արտաշատի շրջան, Հայկական ԽՍՀ, ԽՍՀՄ - մայիսի 26, 1992(1992-05-26), Երասխ, Արարատի շրջան, Հայաստան), հայ ազատամարտիկ։

Գեղամ Խուդավերդյան
Ծնվել է	սեպտեմբերի 27, 1957(1957-09-27)
Ծննդավայր	Մրգավան, Արտաշատի շրջան, Հայկական ԽՍՀ, ԽՍՀՄ
Մահացել է	մայիսի 26, 1992(1992-05-26) (34 տարեկան)
Մահվան վայր	Երասխ, Արարատի շրջան, Հայաստան
Քաղաքացիություն	Հայաստան
Կրոն	Հայ Առաքելական Եկեղեցի
Երեխաներ	3 երեխա՝ 1 աղջիկ՝ Անի, 2 տղա՝ Վահե, Դավիթ

Կենսագրություն

Սովորել և ավարտել է Մրգավանի միջնակարգ դպրոցը։ Ուսումը շարունակել է Երևանի թիվ 42 պրոֆ․ ուսումնարանում և ստացել է որակյալ դերձակի կրթություն։ 1975-1977 թթ․ ծառայել է սովետական բանակում։ Աշխատել է Արտաշատ քաղաքի թիվ 2 շինվարչությունում, գալանտերեա-տրիկոտաժի ֆաբրիկայում։ 1980թ․ ամուսնացել է, ունի երեք երեխա՝ մեկ աղջիկ՝ Անի, երկու տղա՝ Վահե, Դավիթ։ Մասնակցել է Գորիսի, Կապանի, Երասխավանի, Քարակերտի ինքնապաշտպանական մարտերին։ 1992թ․ մայիսի 26-ին Երասխավանում, մարտադաշտում վիրավոր ընկերներին օգնելիս, թշնամու գնդակից վիրավորվում և մահանում է։ Թաղված է Մրգավան գյուղի գերեզմանատանը։ Մրգավանի փողոցներից մեկը կոչել են Գեղամ Խուդավերդյանի անունով։ Գյուղի կենտրոնում՝ մշակույթի տան դիմաց կանգնեցված է Գեղամ Խուդավերդյանի կիսանդրին, որի բացման արարողությունը տեղի է ունեցել 2009 թվականի մայիսի 7-ին։

Գրականություն

Երևան-Արտաշատ, «Անահիտ» հրատարակչություն, «Մեր քարեղեն ոգին» (խմբ․ Յուրա Պետրոսյան), 1996, էջ 67-68