Վիքիպեդիա

Գեղամ Գևորգյան

Վիքիպեդիայում կան հոդվածներ Գևորգյան ազգանունով այլ մարդկանց մասին։

Գեղամ Գրիգորի Գևորգյան (ապրիլի 29, 1958(1958-04-29), Երևան, Հայկական ԽՍՀ, ԽՍՀՄ), հայ գիտնական, մաթեմատիկոս, ֆիզմաթ գիտությունների դոկտոր (1992), պրոֆեսոր (2004)։ ՀՀ ԳԱԱ թղթակից անդամ (2000), 2010 թվականի դեկտեմբերի 28–ին ընտրվել է Հայաստանի գիտությունների ազգային ակադեմիայի իսկական անդամ[1]։ 2019 թվականի մայիսի 30-ին ընտրվել է Երևանի պետական համալսարանի ռեկտորի ժամանակավոր պաշտոնակատար[2]։

Գեղամ Գևորգյան
Ծնվել էապրիլի 29, 1958(1958-04-29) (66 տարեկան)
Երևան, Հայկական ԽՍՀ, ԽՍՀՄ
Քաղաքացիություն Հայաստան
Մասնագիտությունմաթեմատիկոս
Հաստատություն(ներ)Երևանի պետական համալսարան
Գործունեության ոլորտիրական անալիզ, հարմոնիկ անալիզ և օրթոգոնալ շարքեր
Ալմա մատերԵրևանի պետական համալսարան
Գիտական աստիճանֆիզիկամաթեմատիկական գիտությունների դոկտոր և պրոֆեսոր
Տիրապետում է լեզուներինհայերեն, անգլերեն և ռուսերեն
Պարգևներ

Կենսագրություն

խմբագրել

Ծնվել է 1958 թվականի ապրիլի 29-ին Երևան քաղաքում։ 1975 թվականին ավարտել է Երևանի պետական համալսարանին կից ֆիզիկամաթեմատիկական թեքումով հատուկ դպրոցը։ 1980 թվականին ավարտել է նույն համալսարանի մեխանիկա-մաթեմատիկական ֆակուլտետը։ 1980-1984 թվականներին եղել է ԵՊՀ ուսումնական լաբորատորիայի վարիչ։ 1984 թվականից մինչև 1992 թվականը՝ օպտիմալ կառավարման տեսության և մոտավոր մեթոդների ամբիոնի դոցենտ, 1992-1997 թվականները՝ նույն ամբիոնի պրոֆեսոր։ 1997 թվականից մինչև 2004 թվականը՝ ԵՊՀ մաթեմատիակական անալիզի ամբիոնի վարիչ, 2004 թվականից՝ մաթեմատիկայի ֆակուլտետի դեկան, միաժամանակ, 2002-2004 թթ.՝ ՀՀ ԳԱԱ նախագահության գիտկազմակերպական վարչության պետ։ 2008 թվականից մինչև 2019 թվականը եղել է ԵՊՀ գիտական քաղաքականության և միջազգային համագործակցության գծով պրոռեկտոր, որից հետո՝ 2019 թվականի մայիսի 30-ից՝ ԵՊՀ ռեկտորի ժամանակավոր պաշտոնակատար[3]։

1982 թվականին դարձել է ֆիզիկամաթեմատիկական գիտությունների թեկնածու, թեկնածուական թեզը՝ «Չափելի ֆունկցիաների օրթոգոնալ շարքերով և մարտինգալներով ներկայացումը և միակությունը»։ 1992 թվականից ֆիզիկամաթեմատիկական գիտությունների դոկտոր, դոկտորական թեզը՝ «Եռանկյունաչափական և Ֆրանկլինի շարքերի զուգամիտության և միակության խնդիրներ»։ 2010 թվականից ՀՀ ԳԱԱ ադադեմիկոս։

Աշխատանքները վերաբերում են եռանկյունաչափական, Ուոլշի, Հաարի, Ֆրանկլինի և այլ օրթոգոնալ շարքերի միակության, զուգամիտության և այդ շարքերով մոտարկումների հարցերին։ Հեղինակ է ուսումնական դասագրքերի։ ՀՀ ԳԱԱ «Մաթեմատիկա» տեղեկագրի խմբագրական խորհրդի (2002) անդամ[4], ԵՊՀ Գիտական տեղեկագիր հանդեսի Ֆիզմաթ գիտություններ սերիայի խմբագրական խորհրդի անդամ[5]։

Ունի ավելի քան 90 գիտական հոդված տարբեր երկրների գիտական հեղինակավոր հանդեսներում[6]։

Դասավանդել է Մոտավոր հաշվման մեթոդներ, Մաթեմատիկական անալիզ, Օպտիմալ կառավարման տեսություն, Իրական անալիզ, Մոմենտների պրոբլեմ, Օրթոգոնալ շարքեր և Եռանկյունաչափական շարքեր դասընթացները։ Տիրապետում է հայերեն, ռուսերեն և անգլերեն լեզուներին։

Ամուսնացած է, ունի 3 դուստր և 1 որդի։

Մրցանակներ

խմբագրել

Երկեր

խմբագրել
  • Գ. Գ. Գևորգյան, Լ. Հ. Գալստյան, Ա. Կ. Թասլաքյան, Գ. Վ. Միքայելյան, Կ. Ա. Նավասարդյան, Մաթեմատիկական անալիզի խնդրագիրք | մաս I և II, Երևան, ԵՊՀ հրատարակչություն, 2014 թ., 265 էջ, 263 էջ։ Չորրորդ լրամշակված հրատարակություն։
  • Գ. Գ. Գևորգյան, Ա. Ա. Սահակյան, Հանրահաշիվ և մաթեմատիկական անալիզի տարրեր | 12-րդ դասարանի համար, «Էդիթ պրինտ», Երևան, 2011։
  • Գ. Գ. Գևորգյան, Ա. Ա. Սահակյան, Հանրահաշիվ և մաթեմատիկական անալիզի տարրեր | 10-րդ դասարանի համար, «Էդիթ պրինտ», Երևան, 2009։
  • Գ. Գ. Գևորգյան, Ա. Ա. Սահակյան, Հանրահաշիվ և մաթեմատիկական անալիզի տարրեր | 9-րդ դասարանի համար, «Էդիթ պրինտ», Երևան, 2001։
  • Գ. Գ. Գևորգյան, Լ. Հ. Գալստյան, Ա.Կ. Թասլաքյան, Գ. Վ. Միքայելյան, Կ.Ա. Նավասարդյան, Մաթեմատիկական անալիզի խնդրագիրք | առաջին մաս, երրորդ հրատ., Երևան 2007։
  • Գ. Գ. Գևորգյան, Լ. Հ. Գալստյան, Ա. Կ. Թասլաքյան, Գ. Վ. Միքայելյան, Կ. Ա. Նավասարդյան, Մաթեմատիկական անալիզի խնդրագիրք | «Էդիթ պրինտ», Երևան, հ. 2, 2005, 265 էջ։
  • Գ. Գ. Գևորգյան, Լ. Հ. Գալստյան, Ա. Կ. Թասլաքյան, Գ. Վ. Միքայելյան, Կ. Ա. Նավասարդյան, Մաթեմատիկական անալիզի խնդրագիրք | «Էդիթ պրինտ», Երևան, I և II հատոր, 2-րդ հրատարակություն, 2004 թ., յուր. 270 էջ։
  • Գ. Գ. Գևորգյան, Լ. Հ. Գալստյան, Ա. Կ. Թասլաքյան, Գ. Վ. Միքայելյան, Կ. Ա. Նավասարդյան, Մաթեմատիկական անալիզի խնդրագիրք | «Էդիթ պրինտ», Երևան, հ. 1, 2003 թ., 260 էջ։
  • Գ. Գ. Գևորգյան, Լ. Հ. Գալստյան, Ա. Կ. Թասլաքյան, Գ. Վ. Միքայելյան, Կ. Ա. Նավասարդյան, Մաթեմատիկական անալիզի խնդրագիրք | Երևան, 1-ին հրատարակություն, II հատոր 1998 թ., 260 էջ[10]։

Ծանոթագրություններ

խմբագրել
  1. ↑ «ՀՀ գիտությունների ազգային ակադեմիայի իսկական անդամներ». Վերցված է 2023 թ․ մայիսի 11-ին.
  2. ↑ «ԵՊՀ ռեկտորի ժամանակավոր պաշտոնակատարի ընտրվեց ...».
  3. ↑ «Ակտուարական մաթեմատիկայի և ռիսկերի կառավարման ամբիոն - Գեղամ Գրիգորի Գևորգյան». ԵՊՀ. Արխիվացված է օրիգինալից 2019 թ․ հունիսի 1-ին. Վերցված է 2019 թ․ հունիսի 1-ին.
  4. ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
  5. ↑ «ՀՀ ԳԱԱ ակադեմիկոսների կենսամատենագիտություններ». greenstone.flib.sci.am. Վերցված է 2023 թ․ մայիսի 11-ին.
  6. ↑ Հրապարակումների մի մասը math.sci.am կայքում
  7. ↑ Հայաստանի Հանրապետության մեդալներով պարգևատրելու մասին
  8. ↑ «ԵՊՀ ՊՐՈՌԵԿՏՈՐ ԳԵՂԱՄ ԳԵՎՈՐԳՅԱՆԸ ԵՎ ԴԱՍԱԽՈՍ ԿԱՐԵՆ ՔԵՌՅԱՆՆ ԱՐԺԱՆԱՑԵԼ ԵՆ ՆԱԽԱԳԱՀԻ ՄՐՑԱՆԱԿԻ». ԵՊՀ - Yerevan State University. 2018 թ․ հունիսի 5. Արխիվացված է օրիգինալից 2019 թ․ հունիսի 1-ին. Վերցված է 2019 թ․ հունիսի 1-ին.
  9. ↑ «Գեղամ Գևորգյան». www.presidentprize.am (անգլերեն). Արխիվացված է օրիգինալից 2022 թ․ հուլիսի 16-ին. Վերցված է 2019 թ․ հունիսի 11-ին.
  10. ↑ «ՀՀ ԳԱԱ հիմնարար գիտական գրադարանի էլ․ քարտարան- Գեղամ Գևորգյան». opac.flib.sci.am (անգլերեն). Վերցված է 2023 թ․ մայիսի 11-ին.

Աղբյուրներ

խմբագրել
 Վիքիդարանն ունի նյութեր, որոնք վերաբերում են «Գեղամ Գևորգյան» հոդվածին։
Ստացված է «https://hy.wikipedia.org/w/index.php?title=Գեղամ_Գևորգյան&oldid=9395996» էջից