Գարի Մուշեղյան
- Վիքիպեդիայում կան հոդվածներ Մուշեղյան ազգանունով այլ մարդկանց մասին։
Գարի Արմենակի Մուշեղյան (մայիսի 19, 1910, Երևան, Կովկասի փոխարքայություն, Ռուսական կայսրություն - 1986), խորհրդային հայ դերասան, ռեժիսոր, ՀԽՍՀ վաստակավոր արտիստ, ՀԽՍՀ կինեմատոգրաֆիստների միության անդամ (մարտի 1, 1981)[1]:
![]() | |
---|---|
![]() Գարի Մուշեղյանը «Երդում» ֆիլմում, 1946 թ | |
Ծնվել է | մայիսի 19, 1910 |
Ծննդավայր | Երևան, Կովկասի փոխարքայություն, Ռուսական կայսրություն |
Մահացել է | 1986 |
Քաղաքացիություն | ![]() ![]() |
Մասնագիտացում | դերասան և ռեժիսոր |
Պարգևներ |
Կենսագրություն
խմբագրելԳարի Մուշեղյանը ծնվել է 1910 թվականին Երևանում։ 1928-1932 թվականներին սովորել է թատերական տեխնիկումում։ 1928-1941 թվականներին հանդես է եկել Երևանի Սունդուկյանի անվան ակադեմիական թատրոնում։ Խաղացել է 32 դեր տարբեր ներկայացումներում։ Աշխատել է որպես դերասան, ռեժիսոր և բեմանկարիչ։ Միաժամանակ գրել է պիեսներ, սցենարներ, կատարել է թարգմանություններ, որոնցից 15-ը բեմադրվել են կինոյում և թատրոնում։ 1953 թվականից հանդես է եկել Հայֆիլմ ստուդիայում։ 1964 թվականից՝ կրկնօրինակման ռեժիսոր։ 1943-1946 թվականներին աշխատել է Լենինականի Մռավյանի անվան դրամայի թատրոնում։
1946-1952 թվականներին եղել է Երևանի Հ․ Թումանյանի անվան տիկնիկային թատրոնի տնօրենն ու գլխավոր ռեժիսորը։ Թատրոնում միաժամանակ բեմադրվում էին ներկայացումներ թե մեծահասակների (երեկոյան ժամերին) և թե փոքրերի (ցերեկային ժամերին) համար։ Գուլիվերի ճանապարհորդությունը ներկայացումը եզակի ներկայացում համարվեց։ Հատուկ հաստոց էր մշակվել, որի օգնությամբ Գուլիվերի դերը կատարում էր կենդանի դերասան, իսկ լիլիպուտների դերը՝ տիկնիկները։ Մոսկվայի տիկնիկային թատրոնի ղեկավար Սերգեյ Օբրազցովը գաղտնի ժամանեց Երևան, տոմս գնեց և որպես հասարակ հանդիսատես ներկա գտնվեց ներկայացմանը։ Ներկայացումից հետո մոտեցավ Մուշեղյանին, ներկայացավ, գրկեց և իր հիացմունքը հայտնեց։ Երկու ամիս անց Մուշեղյանին պաշտոնապես հրավիրեցին աշխատելու Մոսկվայի տիկնիկային թատրոնում, սակայն ընտանեկան հանգամանքների բերումով վերջինս ստիպված էր հրաժարվել հրավերից։ 1981 թվականին անցավ թոշակի[2]։
Ֆիլմագրություն
խմբագրելԴերերը կինոյում
խմբագրելՏարեթիվ | Ֆիլմ | Դեր |
---|---|---|
1964 | Մսյո Ժակը և ուրիշները
|
Պեպիկ աղա |
1961 | Տժվժիկ | դրվագ |
1954 | Լեռնային լճի գաղտնիքը | երկրաբան |
1948-1949 | Ստալինգրադի ճակատամարտ | Անաստաս Միկոյան |
1946 | Երդում | Անաստաս Միկոյան |
1941 | Սովետական լեզվի դասը | Արշակ |
1939 | Մեր կոլխոզի մարդիկ | Միքայել |
1939 | Լեռնային արշավ | Արշակ |
Ռեժիսոր
խմբագրելՏարեթիվ | Ֆիլմ |
---|---|
1963 | Կրակ |
Սցենարիստ
խմբագրելՏարեթիվ | Ֆիլմ |
---|---|
1963 | Կրակ |
Ծանոթագրություններ
խմբագրել- ↑ «Գարի Մուշեղյանի մասին rudata.ru կայքում». Արխիվացված է օրիգինալից 2019 թ․ ապրիլի 7-ին. Վերցված է 2015 թ․ հունվարի 19-ին.
- ↑ Գարի Մուշեղյանի մասին kino-teatr.ru կայքում