Գարիկ Չեփչյան

Գարիկ Գևորգի Չեփչյան (իսկական անուն՝ Գարեգին Չեփչյան, դեկտեմբերի 15, 1965(1965-12-15), Երևան, Հայկական ԽՍՀ, ԽՍՀՄ), հայ դերասան, դերասան Գևորգ Չեպչյանի որդին։

Գարիկ Գևորգի Չեփչյան
Ծնվել է	դեկտեմբերի 15, 1965(1965-12-15) (58 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի պետական գեղարվեստա-թատերական ինստիտուտ (1986)
Քաղաքացիություն	Հայաստան
Մասնագիտություն	դերասան
Ծնողներ	հայր՝ Գևորգ Չեփչյան

Կենսագրություն

Ծնվել է 1965 թվականի դեկտեմբերի 15-ին, Երևանում։ 1982-1986 թվականներին սովորել է Երևանի պետական գեղարվեստա-թատերական ինստիտուտի դերասանական բաժնում։ 1986 թվականից աշխատել է Երևանի Երիտասարդական էքսպերիմենտալ թատրոնում՝ որպես դերասան։ 1988 թվականից, Հրաչյա Ղափլանյանի հրավերով, տեղափոխվել է Գաբրիել Սունդուկյանի անվան ազգային ակադեմիական թատրոն։

Ներկայացումներ

Խաղացել է այս և այլ ներկայացումներում՝

• Մեհմեդ Նուրի - «Ոտքի դատարանն է գալիս», Պերճ Զեյթունցյան,
• Մերուժան Արծրունի - «Արշակ Թագավոր», Պերճ Զեյթունցյան,
• Էնվեր փաշա - «Մուսա լեռան 40 օրը», Ֆրանց Վերֆել,
• Գոգի - «Կովկասե կավճե շրջան» Բերտոլդ Բրեխտ։

Ֆիլմեր

Նկարահանվել է նաև գեղարվեստական ֆիլմերում`

• «Խաչմերուկ»,
• «Որտե՞ղ էիր, մարդ աստծո»,
• «Փեսացուն կրկեսից»,
• «Here», ամերիկյան ֆիլմ։

Հեռուստասերիալներ

2006 թվականից նկարահանվել է հեռուստասերիալներում`

• «Որոգայթ»,
• «Դժբախտ երջանկություն»,
• «Ժառանգներ»,
• «Հատուցում»,
• «Եղբայրներ»,
• Սահմանին,
• Հին արքաներ։